West Indies vs India, 2nd ODI: ಭಾರತ 'ಟಿ20 ತಂಡ'ದ ವಿರುದ್ಧ ವಿಂಡೀಸ್​ಗೆ 6 ವಿಕೆಟ್​ಗಳ ಗೆಲುವು; ಸರಣಿ 1-1ರಲ್ಲಿ ಸಮಬಲ

West Indies defeat India: ಭಾರತದ ವಿರುದ್ಧ ನಡೆದ 2ನೇ ಏಕದಿನ ಪಂದ್ಯದಲ್ಲಿ ವಿಂಡೀಸ್​ ತಂಡ 6 ವಿಕೆಟ್​ಗಳ ಗೆಲುವು ಸಾಧಿಸಿ, 3 ಪಂದ್ಯಗಳ ಸರಣಿಯನ್ನು 1-1ರಲ್ಲಿ ಸಮಬಲ ಮಾಡಿಕೊಂಡಿತು. ಕೊನೆಯ ಪಂದ್ಯ ಆಗಸ್ಟ್​ 1ರಂದು ನಡೆಯಲಿದೆ.

ಬಾರ್ಬಡೋಸ್​: ತವರಿನಲ್ಲಿ ನಡೆಯುವ ಏಕದಿನ ಕ್ರಿಕೆಟ್ ವಿಶ್ವಕಪ್​ಗೆ ಇನ್ನೂ ಪ್ರಯೋಗ ನಡೆಸುತ್ತಿರುವ ಭಾರತ ತಂಡ, ವೆಸ್ಟ್ ಇಂಡೀಸ್​ ವಿರುದ್ಧದ 2ನೇ ಏಕದಿನ ಪಂದ್ಯದಲ್ಲಿ ಹೀನಾಯ ಸೋಲು ಅನುಭವಿಸಿದೆ. ನಾಯಕ ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿಗೆ ವಿಶ್ರಾಂತಿ ನೀಡಿದ ಪಂದ್ಯದಲ್ಲಿ ಭಾರತದ ಕಳಪೆ ಬ್ಯಾಟಿಂಗ್​ನಿಂದಾಗಿ ವಿಂಡೀಸ್​ 6 ವಿಕೆಟ್​ಗಳ ಗೆಲುವು ಸಾಧಿಸಿತು. ಈ ಮೂಲಕ ಭಾರತದ ವಿರುದ್ಧ 2019ರ ಬಳಿಕ ಮೊದಲ, ತವರಿನಲ್ಲಿ 6 ವರ್ಷಗಳ ನಂತರ ಪ್ರಥಮ ಗೆಲುವು ದಾಖಲಿಸಿದೆ.

ಮೊದಲು ಬ್ಯಾಟ್​ ಮಾಡಿದ ಭಾರತ ಹಲವು ಬಾರಿ ಮಳೆ ಅಡ್ಡಿ ನಡುವೆ ಬ್ಯಾಟಿಂಗ್​ ವೈಫಲ್ಯ ಕಂಡು 40.5 ಓವರ್​ಗಳಲ್ಲಿ ಕೇವಲ 181 ರನ್​ ಮಾತ್ರ ಗಳಿಸಿತು. ಇದಕ್ಕುತ್ತರವಾಗಿ ಕೆರಿಬಿಯನ್​ ತಂಡದ ನಾಯಕ ಶಾಯ್​ ಹೋಪ್​ರ ಅಜೇಯ ಅರ್ಧಶತಕ ಬಲದಿಂದ ನಿರಾಯಾಸವಾಗಿ 36.4 ಓವರ್​ಗಳಲ್ಲಿ 4 ವಿಕೆಟ್​ಗೆ ನಷ್ಟಕ್ಕೆ ಗುರಿ ದಾಟಿ ಸರಣಿಯನ್ನು 1-1ರಲ್ಲಿ ಸಮಬಲ ಮಾಡಿಕೊಂಡಿತು.

• West Indies win the second #WIvIND ODI.#TeamIndia will be aiming to bounce back in the third and final ODI.
  
  Scorecard ▶️ https://t.co/hAPUkZJnBR pic.twitter.com/FdRk5avjPL

  — BCCI (@BCCI) July 29, 2023 " class="align-text-top noRightClick twitterSection" data="

  West Indies win the second #WIvIND ODI.#TeamIndia will be aiming to bounce back in the third and final ODI.
  
  Scorecard ▶️ https://t.co/hAPUkZJnBR pic.twitter.com/FdRk5avjPL

  — BCCI (@BCCI) July 29, 2023

  ">

  West Indies win the second #WIvIND ODI.#TeamIndia will be aiming to bounce back in the third and final ODI.
  
  Scorecard ▶️ https://t.co/hAPUkZJnBR pic.twitter.com/FdRk5avjPL

  — BCCI (@BCCI) July 29, 2023

'ಹೋಪ್​' ಕಳೆದುಕೊಳ್ಳದ ವಿಂಡೀಸ್​: ಮೊದಲ ಏಕದಿನದಲ್ಲಿ ಬ್ಯಾಟಿಂಗ್​ ವೈಫಲ್ಯಕ್ಕೀಡಾಗಿದ್ದ ವಿಂಡೀಸ್ ಈ ಪಂದ್ಯದಲ್ಲಿ ಚೇತರಿಕೆಯ ಪ್ರದರ್ಶನ ನೀಡಿತು. ಭಾರತದ 181 ರನ್​ಗಳ ಸಾಧಾರಣ ಗುರಿಯನ್ನು ನಾಯಕ ಶಾಯ್​ ಹೋಪ್​ರ ಅಜೇಯ ಅರ್ಧಶತಕ, ಕೀಸಿ ಕಾರ್ಟಿ ಭರ್ಜರಿ ಬ್ಯಾಟಿಂಗ್​ ನೆರವಿನಿಂದ ಸಲೀಸಾಗಿಯೇ ಮುಟ್ಟಿತು. ಬ್ರೆಂಡನ್​ ಕಿಂಗ್​ 15, ಕೈಲ್​ ಮೇಯರ್ಸ್​ 36 ರನ್ ಕಾಣಿಕೆ​ ನೀಡಿ ಮೊದಲ ವಿಕೆಟ್​ಗೆ ಅರ್ಧಶತಕದ ಜೊತೆಯಾಟ ನೀಡಿದರು.

ಇದಾದ ಬಳಿಕ ಶಾಯ್​ ಹೋಪ್​ ಮತ್ತು ಕೀಸಿ ಕಾರ್ಟಿ ಬ್ಯಾಟಿಂಗ್​ ಹೊಣೆ ಹೊತ್ತರು. 80 ಎಸೆತಗಳಲ್ಲಿ ತಲಾ 2 ಸಿಕ್ಸರ್​, ಬೌಂಡರಿಗಳಸಮೇತ ಹೋಪ್​ ಅಜೇಯ 63 ರನ್​ ಬಾರಿಸಿದರೆ, ಕೀಸಿ ಕಾರ್ಟಿ 4 ಬೌಂಡರಿಗಳಿಂದ ಅಜೇಯ 48 ರನ್​ ಮಾಡಿ 2 ರನ್ನಿಂದ ಅರ್ಧಶತಕ ಮಿಸ್​ ಮಾಡಿಕೊಂಡರು. ಬ್ಯಾಟಿಂಗ್​ನಲ್ಲಿ 16 ರನ್‌ಗಳಿಂದ ನೆರವಾಗಿದ್ದ ಶಾರ್ದೂಲ್​ ಠಾಕೂರ್​ 3 ವಿಕೆಟ್​ ಕೆಡವಿ ಮಿಂಚಿದರು.

ಭಾರತ 'ಟಿ20 ತಂಡ'ದ ಬ್ಯಾಟಿಂಗ್​ ವೈಫಲ್ಯ: ನಾಯಕ ರೋಹಿತ್​ ಶರ್ಮಾ, ಬ್ಯಾಟಿಂಗ್​ ಕಿಂಗ್​ ವಿರಾಟ್​ ಕೊಹ್ಲಿಗೆ ವಿಶ್ರಾಂತಿ ನೀಡಿ ಬ್ಯಾಟಿಂಗ್​ ಪ್ರಯೋಗ ನಡೆಸಿದ ಭಾರತ ತಂಡ ಟಿ20 ಆಟಗಾರರನ್ನೇ ಕಣಕ್ಕಿಳಿಸಿತ್ತು. ಸಂಜು ಸ್ಯಾಮನ್ಸ್ ​(9) ಮತ್ತು ಅಕ್ಷರ್​ ಪಟೇಲ್ ​(1) ಸಿಕ್ಕ ಅವಕಾಶ ಕೈಚೆಲ್ಲಿದರು. ನಾಯಕ ಹಾರ್ದಿಕ್​ ಪಾಂಡ್ಯ(7) ವೈಫಲ್ಯ ಇಲ್ಲೂ ಮುಂದುವರಿಯಿತು. ಸೂರ್ಯಕುಮಾರ್​ ಯಾದವ್​ 24 ರನ್​ಗಳಿಗೆ ಸುಸ್ತಾದರು.

ಕಳೆದ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದ ಇಶಾನ್​ ಕಿಶನ್​ ಮತ್ತೆ ಬ್ಯಾಟಿಂಗ್​ ಝಳಪಿಸಿ 55 ರನ್​ ಗಳಿಸಿದರು. ಇದು ವಿಂಡೀಸ್​ ವಿರುದ್ಧ ಸತತ ಮೂರನೇ ಫಿಫ್ಟಿಯಾಗಿದೆ. ಕಡೆಯ ಟೆಸ್ಟ್​ನಲ್ಲೂ ಅರ್ಧಶತಕ ಬಾರಿಸಿದ್ದರು. ಶುಭ್​ಮನ್​​ ಗಿಲ್​ 34, ಜಡೇಜಾ 10 ಶಾರ್ದೂಲ್​ 16 ರನ್​ ಮಾಡಿದರು. ಕರಾರುವಾಕ್​ ದಾಳಿ ನಡೆಸಿದ ವಿಂಡೀಸ್​ನ ಸ್ಪಿನ್ನರ್​ ಗುಡಕೇಶ್​ ಮೋಟಿ, ರೊಮಾರಿಯೊ ಶೆಫರ್ಡ್​ ತಲಾ 3, ಅಲ್ಜಾರಿ ಜೋಸೆಫ್​ 2 ವಿಕೆಟ್​ ಕಿತ್ತರು.

200ರ ಗಡಿ ದಾಟದ ಭಾರತ: ಹಿರಿಯ ಆಟಗಾರರ ಹೊರತಾದ ಪೂರ್ಣ ಟಿ20 ತಂಡದಂತಿದ್ದ ಭಾರತ ತಂಡ ಸವಾಲಿನ ಕೆನ್ನಿಂಗ್ಟನ್​ ಓವಲ್​ ಮೈದಾನದಲ್ಲಿ ತನ್ನ ಕಳಪೆ ಪ್ರದರ್ಶನ ಮುಂದುವರಿಸಿತು. ಇಲ್ಲಿ ಈವರೆಗೂ 200 ರನ್​ ಗಡಿಯನ್ನು ಒಮ್ಮೆಯೂ ದಾಟಿದ ನಿದರ್ಶನವಿಲ್ಲ. 1989ರಲ್ಲಿ 198 ರನ್​ ಗಳಿಸಿದ್ದೇ ಈವರೆಗಿನ ಅಧಿಕ ರನ್​. ಇಲ್ಲಿ ಆಡಿರುವ 49 ಏಕದಿನ ಪಂದ್ಯಗಳ ಪೈಕಿ ಮೊದಲ ಇನಿಂಗ್ಸ್​ ಸರಾಸರಿ 229 ರನ್‌ ಆಗಿದೆ.

ಇದನ್ನೂ ಓದಿ: ವಿಶ್ವಕಪ್​ಗೂ ಮುನ್ನ 5 ದ್ವಿಪಕ್ಷೀಯ ಸರಣಿ ಆಡಲಿರುವ ಭಾರತ: ಹಾರ್ದಿಕ್​ ನಾಯಕತ್ವದಲ್ಲಿ ಯುವ ಪಡೆ!