ಗಲ್ಲಿ ಕ್ರಿಕೆಟ್ ಭಾಷೆಗೆ ನಕ್ಕ ವಿರಾಟ್​ ಕೊಹ್ಲಿ..ಬಾಲ್ಯದ ನೆನಪುಗಳ ಮೆಲುಕು

ಬ್ಯಾಟಿಂಗ್ ವಿರಾಟ್ ಕೊಹ್ಲಿ ತಾವು ಚಿಕ್ಕಂದಿನ ವೇಳೆ ಗಲ್ಲಿ ಕ್ರಿಕೆಟ್​ ಆಡುವಾಗ ಬಳಸುತ್ತಿದ್ದ ಬಟ್ಟಾ, ಬೇಬಿ ಓವರ್​ಗಳ ಬಗ್ಗೆ ಮಾತನಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಇದರ ವಿಡಿಯೋ ಹಂಚಿಕೊಂಡಿದ್ದಾರೆ.

ನವದೆಹಲಿ: ಭಾರತದ ಬ್ಯಾಟಿಂಗ್​ ಕಿಂಗ್​ ವಿರಾಟ್ ಕೊಹ್ಲಿ ತಾವು ಬಾಲ್ಯದಲ್ಲಿ ಗಲ್ಲಿ ಕ್ರಿಕೆಟ್​ ಆಡುವಾಗಿನ ಪ್ರಸಂಗಗಳನ್ನು ನೆನಪಿಸಿಕೊಂಡಿದ್ದಾರೆ. ತಮಾಷೆಯ ಸ್ಟ್ರೀಟ್ ಕ್ರಿಕೆಟ್ ಆಡುಭಾಷೆಗಳನ್ನು ಮೆಲುಕು ಹಾಕಿದರು.

ಸಾಮಾಜಿಕ ಮಧ್ಯಮದಲ್ಲಿ ಹಂಚಿಕೊಂಡ ವಿಡಿಯೋದಲ್ಲಿ ವಿರಾಟ್​ ಕೊಹ್ಲಿ ಗಲ್ಲಿ ಕ್ರಿಕೆಟ್​ ವೇಳೆ ಬಳಸುತ್ತಿದ್ದ ಪದ, ನಿಯಮಗಳನ್ನು ಹಂಚಿಕೊಂಡಿದ್ದಾರೆ. 'ಡು ಯು ನೋ ಯುವರ್ ಕ್ರಿಕೆಟ್ ಸ್ಲ್ಯಾಂಗ್' ಎಂಬ ಶೀರ್ಷಿಕೆಯ ವಿಡಿಯೋದಲ್ಲಿ ಬ್ಯಾಟಿಂಗ್ ಕಿಂಗ್ ಜನಪ್ರಿಯ ಲೋಕಲ್​ ಪದಗಳಾದ 'ಬಟ್ಟಾ' ಮತ್ತು 'ಬೇಬಿ ಓವರ್'ಗಳ ಅರ್ಥಗಳನ್ನು ವಿವರಿಸಿದ್ದಾರೆ.

• How well do you know your cricket slangs? 🗣 @pumacricket#ad pic.twitter.com/yp5Ke6afpQ

  — Virat Kohli (@imVkohli) September 15, 2022 " class="align-text-top noRightClick twitterSection" data="

  How well do you know your cricket slangs? 🗣 @pumacricket#ad pic.twitter.com/yp5Ke6afpQ

  — Virat Kohli (@imVkohli) September 15, 2022

  ">

  How well do you know your cricket slangs? 🗣 @pumacricket#ad pic.twitter.com/yp5Ke6afpQ

  — Virat Kohli (@imVkohli) September 15, 2022

ಬಟ್ಟಾ, ಬೇಬಿ ಓವರ್​ಗಳನ್ನು ನೆಪಿಸಿಕೊಂಡು ವಿರಾಟ್​ ನಕ್ಕಿದ್ದಾರೆ. ಬಟ್ಟಾ ಎಂಬುದು ಸ್ಥಳೀಯವಾಗಿ ಎಸೆಯುವ ಬೌಲ್​ ಆಗಿದೆ. ಅದನ್ನು ಹೇಗೆ ಬೇಕಾದರೂ ಹಾಕಬಹುದು. ಇದೊಂದು ಒರಟಾದ ಕ್ರಿಕೆಟ್ ವಿಧಾನ ಎಂದು ಕೊಹ್ಲಿ ನಗಾಡಿದ್ದಾರೆ.

ಓವರ್​ನ ಕೊನೆಯ ಮೂರು ಎಸೆತಗಳನ್ನು ಕರೆಯಲಾಗುವ ಬೇಬಿ ಓವರ್​ ಬಗ್ಗೆಯೂ ಮಾತನಾಡಿದ್ದು, ತಾವೂ ಕೂಡ ಗಲ್ಲಿ ಕ್ರಿಕೆಟ್​ ಆಡುವಾಗ ಬೇಬಿ ಓವರ್​ ಆಡಿದ್ದೇನೆ. ಅದೊಂದು ರೀತಿಯ ಮಜವಾದ ಎಸೆತಗಳು. ಸಿಂಗಲ್​ ಬ್ಯಾಟರ್​ ಆಡಬೇಕು ಎಂದು ವಿಡಿಯೋದಲ್ಲಿ ಹೇಳಿದ್ದಾರೆ.

ರನ್​ ಮಷಿನ್​ ವಿರಾಟ್​ ಕೊಹ್ಲಿ, ಏಷ್ಯಾ ಕಪ್​ ಟೂರ್ನಿಯಲ್ಲಿ ಭರ್ಜರಿಯಾಗಿ ಕಮ್​ಬ್ಯಾಕ್​ ಮಾಡಿದ್ದಾರೆ. 3 ವರ್ಷಗಳ ಬಳಿಕ ಮೊದಲ ಶತಕ ಗಳಿಸಿದ್ದಾರೆ. ಇದಲ್ಲದೇ, 2 ಅರ್ಧಶತಕಗಳನ್ನೂ ಬಾರಿಸಿದ್ದಾರೆ. ಟೂರ್ನಿಯಲ್ಲಿ ಕೊಹ್ಲಿ ಆಕರ್ಷಕ 276 ರನ್ ಗಳಿಸಿ, ಎರಡನೇ ಅತ್ಯಧಿಕ ರನ್ನರ್​ ಆಗಿದ್ದಾರೆ.

ಐಸಿಸಿ ಬಿಡುಗಡೆ ಮಾಡಿದ ಇತ್ತೀಚಿನ ಟಿ20 ಬ್ಯಾಟರ್‌ಗಳ ಶ್ರೇಯಾಂಕದಲ್ಲಿ 14 ಸ್ಥಾನ ದಿಢೀರ್​ ಏರಿಕೆ ಕಂಡು 15 ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಮುಂದಿನ ತಿಂಗಳು ಆಸ್ಟ್ರೇಲಿಯಾದಲ್ಲಿ ನಡೆಯುವ ಟಿ20 ವಿಶ್ವಕಪ್​ನಲ್ಲಿ ಬ್ಯಾಟಿಂಗ್​ ಕಿಂಗ್​ ಮಿಂಚು ಹರಿಸುವ ನಿರೀಕ್ಷೆ ಅಭಿಮಾನಿಗಳಲ್ಲಿದೆ.

ಓದಿ: 20 ಗ್ರ್ಯಾಂಡ್​ಸ್ಲ್ಯಾಮ್​ಗಳ ಒಡೆಯ ರೋಜರ್​ ಫೆಡರರ್​ ಟೆನಿಸ್​ಗೆ ನಿವೃತ್ತಿ ಘೋಷಣೆ