ಮೆಲ್ಬರ್ನ್(ಆಸ್ಟ್ರೇಲಿಯಾ): ವಿಶ್ವಕಪ್ ಸೂಪರ್ 12 ಹಂತದ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಬ್ಯಾಟಿಂಗ್ ಕಿಂಗ್ ವಿರಾಟ್ ಕೊಹ್ಲಿ ಮಿಂಚಿನ ಆಟವಾಡಿ ವೈಯಕ್ತಿವಾಗಿ 82 ರನ್ ಗಳಿಸುವ ಮೂಲಕ ತಂಡವನ್ನು ಗೆಲ್ಲಿಸಿದ ಶ್ರೇಯಕ್ಕೆ ಪಾತ್ರವಾದರು. ಜೊತೆಗೆ ಟಿ20 ವಿಶ್ವಕಪ್ನಲ್ಲಿ ಪಾಕ್ ತಂಡದ ವಿರುದ್ಧ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ದಾಖಲೆ ಬರೆದರು.
ಟಿ20 ವಿಶ್ವಕಪ್ನಲ್ಲಿ ಪಾಕಿಸ್ತಾನದ ವಿರುದ್ಧ ಗರಿಷ್ಠ ರನ್ ಬಾರಿಸಿದ ವಿರಾಟ್ ಕೊಹ್ಲಿ, ಟೀಂ ಇಂಡಿಯಾದ ಹಾಲಿ ಕ್ಯಾಪ್ಟನ್ ರೋಹಿತ್ ಶರ್ಮಾರ ರನ್ ದಾಖಲೆಯಲ್ಲಿ ಹಿಂದಿಕ್ಕಿದರು. ರೋಹಿತ್ ಶರ್ಮಾ ವಿಶ್ವಕಪ್ನಲ್ಲಿ ಪಾಕಿಸ್ತಾನ ವಿರುದ್ಧ ಸರಾಸರಿ 300ಕ್ಕೂ ಅಧಿಕ ರನ್ ಗಳಿಸಿದ್ದರು. ಇದನ್ನು ಮೀರಿಸಿದ ವಿರಾಟ್ 308 ರನ್ ಸರಾಸರಿ ಹೊಂದಿದ್ದಾರೆ. ಪಾಕ್ ವಿರುದ್ಧ ಈವರೆಗೂ ಟಿ20 22 ಪಂದ್ಯಗಳನ್ನಾಡಿದ್ದು, 84.27 ರ ಸರಾಸರಿಯಲ್ಲಿ 927 ರನ್ ಬಾರಿಸಿದ್ದಾರೆ.
ಪಂದ್ಯದಲ್ಲಿ ರೋಹಿತ್ ಶರ್ಮಾ, ರಾಹುಲ್ ಬೇಗನೇ ಔಟಾಗಿ ಪೆವಿಲಿಯನ್ಗೆ ಹಿಂದಿರುಗಿದರು. ಈ ವೇಳೆ ಅಂಗಳಕ್ಕೆ ಬಂದ ವಿರಾಟ್ ವಿಕೆಟ್ ಬೀಳದಂತೆ ಎಚ್ಚರಿಕೆ ವಹಿಸಿದರು. ಮಂದಗತಿಯಲ್ಲಿ ಆಟ ಆರಂಭಿಸಿ, ಬಳಿಕ ಸಿಡಿದರು.
31 ರನ್ಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಭಾರತಕ್ಕೆ ಬಲ ತುಂಬಿದ ವಿರಾಟ್, ಹಾರ್ದಿಕ್ ಪಾಂಡ್ಯಾ ಜೊತೆ ಸೇರಿ 113 ರನ್ಗಳ ಜೊತೆಯಾಟ ನೀಡಿದರು. ಕೊಹ್ಲಿ 53 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 4 ಸಿಕ್ಸರ್‌ಗಳೊಂದಿಗೆ 82 ರನ್ ಗಳಿಸಿ ಅಜೇಯರಾಗಿ ಉಳಿದರು.
ಕೊನೆಯ 3 ಓವರ್ಗಳಲ್ಲಿ 48 ರನ್ ಅಗತ್ಯವಿತ್ತು. ಪಂದ್ಯ ಗೆಲ್ಲುವುದು ತುಸು ಕಷ್ಟ ಎಂದೇ ಭಾವಿಸಲಾಗಿತ್ತು. ಆದರೆ, ಪಾಕಿಸ್ತಾನದ ಎಲ್ಲ ತಂತ್ರಗಳನ್ನು ಬೇಧಿಸಿದ ಕೊಹ್ಲಿ, ಮೂಲೆ ಮೂಲೆಗೂ ಚೆಂಡನ್ನು ಅಟ್ಟಿ ಭಾರತಕ್ಕೆ ಗೆಲುವು ತಂದುಕೊಟ್ಟರು.
ಓದಿ: ಮೆಲ್ಬರ್ನ್ನಲ್ಲಿ ವಿರಾಟ ಪರ್ವ.. ಪಾಕ್ ಸವಾಲು ಗೆದ್ದ 'ಕಿಂಗ್ ಕೊಹ್ಲಿ'
