ಪಿಎಸ್ಎಲ್​​ನಲ್ಲಿ ದಾಖಲೆಯ ಪಂದ್ಯ, ಟಿ20 ಎರಡು ಇನ್ನಿಂಗ್ 500ಕ್ಕೂ ಹೆಚ್ಚು ರನ್​ ದಾಖಲೆ

ಉಸ್ಮಾನ್ ಖಾನ್ ಪಿಎಸ್ಎಲ್ 2023 ರಲ್ಲಿ ಅತಿವೇಗದ ಶತಕ ಬಾರಿಸಿ ರಿಲೀ ರೋಸ್ಸೋ ದಾಖಲೆಯನ್ನು ಮುರಿದರು.

ನವದೆಹಲಿ: ಪಾಕಿಸ್ತಾನಿ ಸೂಪರ್​ ಲೀಗ್​ನಲ್ಲಿ ಭಾನುವಾರ ಮುಲ್ತಾನ್-ಸುಲ್ತಾನ್ ಮತ್ತು ಕ್ವೆಟ್ಟಾ ಗ್ಲಾಡಿಯೇಟರ್ಸ್ ನಡುವೆ ನಡೆದ ಪಂದ್ಯದಲ್ಲಿ ಮುಲ್ತಾನ್ ತಂಡ 9 ರನ್‌ಗಳಿಂದ ಜಯ ಸಾಧಿಸಿದೆ. ಈ ಪಂದ್ಯದಲ್ಲಿ ಮುಲ್ತಾನ್‌ನ ಆರಂಭಿಕ ಆಟಗಾರ ಉಸ್ಮಾನ್ 43 ಎಸೆತಗಳಲ್ಲಿ 120 ರನ್ ಗಳಿಸಿದರು. ಉಸ್ಮಾನ್ ಇನ್ನಿಂಗ್ಸ್‌ನಲ್ಲಿ 12 ಬೌಂಡರಿ ಮತ್ತು 9 ಸಿಕ್ಸರ್‌ಗಳನ್ನು ಬಾರಿಸಿದರು. ಅವರ ಬಿರುಸಿನ ಬ್ಯಾಟಿಂಗ್​ಗೆ ಮುಲ್ತಾನ್ ತಂಡ 20 ಓವರ್‌ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 262 ರನ್ ಗಳಿಸಿತು.

ಉಸ್ಮಾನ್ ಬ್ಯಾಟ್‌ನಿಂದ ಪಿಎಸ್‌ಎಲ್‌ನ ವೇಗದ ಶತಕ ದಾಖಲಾಯಿತು. ಉಸ್ಮಾನ್ ಕೇವಲ 36 ಎಸೆತಗಳಲ್ಲಿ ಶತಕ ದಾಖಲಿಸಿದರು. ಪಿಎಸ್​ಎಲ್​ನ 28ನೇ ಪಂದ್ಯ ಇತಿಹಾಸದಲ್ಲಿ ದಾಖಲಾಗಿದೆ. ಇತ್ತೀಚೆಗಷ್ಟೇ ಮಾಡಿದ ವೇಗದ ಶತಕದ ರಿಲೆ ರೊಸ್ಸೊ ಅವರ ದಾಖಲೆಯನ್ನು ಉಸ್ಮಾನ್ ಮುರಿದರು. ರಿಲೆ ಮಾರ್ಚ್ 10 ರಂದು ಪೇಶಾವರ್ ಝಲ್ಮಿ ವಿರುದ್ಧ 41 ಎಸೆತಗಳಲ್ಲಿ ಪಿಎಸ್​ಎಲ್​ನಲ್ಲಿ ವೇಗದ ಶತಕವನ್ನು ಗಳಿಸಿದ್ದರು.

41 ಎಸೆತದ ದಾಖಲೆಗೂ ಮುನ್ನ ರಿಲೆ 2020ರ ಪಿಎಸ್​ಎಲ್​ನಲ್ಲಿ 43 ಎಸೆತದಲ್ಲಿ ಶತಕ ಮಾಡಿ ದಾಖಲೆ ಮಾಡಿದ್ದರು. ಇದನ್ನು 2023 ರ ಪಿಎಸ್​​ಎಲ್​ನಲ್ಲಿ ಅವರೇ 41 ಬಾಲ್​ನಲ್ಲಿ ಶತಕಗಳಿಸಿ ತಮ್ಮ ದಾಖಲೆಯನ್ನು ಮುರಿದರು. ರಿಲೆ ಅವರ ದಾಖಲೆ ನಿನ್ನೆಯ ಪಂದ್ಯದಲ್ಲಿ ಉಸ್ಮಾನ್ ಮುರಿದಿದ್ದಾರೆ. ಮಾರ್ಚ್ 8, 2023 ರಂದು ರಾವಲ್ಪಿಂಡಿಯಲ್ಲಿ ನಡೆದ ಪಂದ್ಯದಲ್ಲಿ ರಾಯ್ ಈ ಸಾಧನೆ ಮಾಡಿದರು. ಜೇಸನ್ ಹೊರತುಪಡಿಸಿ, ಹ್ಯಾರಿ ಬ್ರೂಕ್ ಫೆಬ್ರವರಿ 19, 2022 ರಂದು ಲಾಹೋರ್‌ನಲ್ಲಿ 48 ಎಸೆತಗಳಲ್ಲಿ ವೇಗದ ಶತಕವನ್ನು ಗಳಿಸಿದ್ದರು.

• 𝙁𝘼𝙎𝙏𝙀𝙎𝙏 100 𝙊𝙁 𝙏𝙃𝙀 𝙃𝘽𝙇𝙋𝙎𝙇 𝙁𝙊𝙍 𝙐𝙎𝙈𝘼𝙉 𝙆𝙃𝘼𝙉 🕺🏻🤩
  
  His Skipper is happy, his team is happy, HE IS HAPPY! #HBLPSL8 | #SabSitarayHumaray | #QGvMS pic.twitter.com/QnY94Gv62w

  — PakistanSuperLeague (@thePSLt20) March 11, 2023 " class="align-text-top noRightClick twitterSection" data="

  𝙁𝘼𝙎𝙏𝙀𝙎𝙏 100 𝙊𝙁 𝙏𝙃𝙀 𝙃𝘽𝙇𝙋𝙎𝙇 𝙁𝙊𝙍 𝙐𝙎𝙈𝘼𝙉 𝙆𝙃𝘼𝙉 🕺🏻🤩
  
  His Skipper is happy, his team is happy, HE IS HAPPY! #HBLPSL8 | #SabSitarayHumaray | #QGvMS pic.twitter.com/QnY94Gv62w

  — PakistanSuperLeague (@thePSLt20) March 11, 2023

  ">

  𝙁𝘼𝙎𝙏𝙀𝙎𝙏 100 𝙊𝙁 𝙏𝙃𝙀 𝙃𝘽𝙇𝙋𝙎𝙇 𝙁𝙊𝙍 𝙐𝙎𝙈𝘼𝙉 𝙆𝙃𝘼𝙉 🕺🏻🤩
  
  His Skipper is happy, his team is happy, HE IS HAPPY! #HBLPSL8 | #SabSitarayHumaray | #QGvMS pic.twitter.com/QnY94Gv62w

  — PakistanSuperLeague (@thePSLt20) March 11, 2023

ಮುಲ್ತಾನ್-ಸುಲ್ತಾನ್‌ಗಾಗಿ ಉಸ್ಮಾನ್ ಖಾನ್ ಮತ್ತು ಮೊಹಮ್ಮದ್ ರಿಜ್ವಾನ್ ಇನಿಂಗ್ಸ್ ಆರಂಭಿಸಿದರು. ಇಬ್ಬರೂ ಉತ್ತಮ ಆರಂಭ ನೀಡಿ 157 ರನ್ ಜೊತೆಯಾಟ ನಡೆಸಿದರು. 29 ಎಸೆತಗಳನ್ನು ಎದುರಿಸಿದ ರಿಜ್ವಾನ್ 6 ಬೌಂಡರಿ ಹಾಗೂ 2 ಸಿಕ್ಸರ್ ನೆರವಿನಿಂದ 55 ರನ್ ಗಳಿಸಿದರು. ಮುಲ್ತಾನ್ ನಿಗದಿತ ಓವರ್‌ಗಳಲ್ಲಿ 262 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಕ್ವೆಟ್ಟಾ ಗ್ಲಾಡಿಯೇಟರ್ಸ್ ತಂಡ 20 ಓವರ್‌ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 253 ರನ್ ಗಳಿಸಲಷ್ಟೇ ಶಕ್ತವಾಯಿತು. ಕ್ವೆಟ್ಟಾ ಪರ ಉಮರ್ ಯೂಸುಫ್ ಗರಿಷ್ಠ 67 ರನ್ ಗಳಿಸಿದರು. ಇಫ್ತಿಕರ್ ಅಹ್ಮದ್ ಕೂಡ 53 ರನ್ ಗಳ ಇನಿಂಗ್ಸ್ ಆಡಿದರು.

ಎರಡು ಇನ್ನಿಂಗ್ಸ್​​ನಿಂದ 500 ರನ್​ ದಾಖಲೆ: ಆಟವು ಮತ್ತೊಂದು ಮೈಲಿಗಲ್ಲನ್ನು ದಾಖಲಿಸಿತು. ಪಂದ್ಯದ ಎರಡು ಇನ್ನಿಂಗ್ಸ್​ನಿಂದ 40 ಓವರ್‌ಗಳಲ್ಲಿ 11 ವಿಕೆಟ್‌ಗಳ ನಷ್ಟಕ್ಕೆ 515 ರನ್‌ ದಾಖಲಾಯಿತು. ಇದುವರೆಗಿನ ಟಿ20 ಪಂದ್ಯದ ಗರಿಷ್ಠ ಒಟ್ಟು ಮೊತ್ತ ಇದಾಗಿದೆ. ಅಕ್ಟೋಬರ್ 2022 ರಲ್ಲಿ ನೈಟ್ಸ್ ಮತ್ತು ಟೈಟಾನ್ಸ್ ನಡುವಿನ ಪಂದ್ಯದಲ್ಲಿ ಪಾಚೆಫ್‌ಸ್ಟ್ರೂಮ್‌ನಲ್ಲಿ 40 ಓವರ್‌ಗಳಲ್ಲಿ 12 ವಿಕೆಟ್‌ಗಳ ನಷ್ಟಕ್ಕೆ 501 ರನ್ ಗಳಿಸಿದ್ದು ಹಿಂದಿನ ದಾಖಲೆಯಾಗಿದೆ.

ಇದನ್ನೂ ಓದಿ: "ಟೆಸ್ಟ್​" ಪಾಸಾದ ವಿರಾಟ್​ ಕೊಹ್ಲಿ: 28ನೇ ಶತಕ ಸಿಡಿಸಿ ಸಂಭ್ರಮ!