ಟಮ್ಮಿ ಬ್ಯೂಮಾಂಟ್ ಅವರು ಟೆಸ್ಟ್ ಕ್ರಿಕೆಟ್ನಲ್ಲಿ ದ್ವಿಶತಕ ಸಿಡಿಸಿದ ಮೊದಲ ಇಂಗ್ಲೆಂಡ್ ಮಹಿಳಾ ಕ್ರಿಕೆಟ್ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ನಾಟಿಂಗ್ಹ್ಯಾಮ್ನಲ್ಲಿ ನಡೆಯುತ್ತಿರುವ ಮೊದಲ ಮಹಿಳಾ ಆ್ಯಶಸ್ ಟೆಸ್ಟ್ನಲ್ಲಿ ಬ್ಯೂಮಾಂಟ್ 331 ಬಾಲ್ಗಳನ್ನು ಎದುರಿಸಿ 27 ಬೌಂಡರಿಗಳ ಸಹಾಯದಿಂದ 208 ರನ್ ಗಳಿಸಿದರು. ಬ್ಯೂಮಾಂಟ್ ಅವರ ದ್ವಿಶತಕದ ನೆರವಿನಿಂದ ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್ನಲ್ಲಿ 463 ರನ್ ಒಟ್ಟುಗೂಡಿಸಿತು. ಇದರಿಂದ 10 ರನ್ಗಳ ಹಿನ್ನಡೆಯಿಂದ ಮೊದಲ ಇನ್ನಿಂಗ್ಸ್ನಲ್ಲಿ ಆಲೌಟಾಗಿದೆ.
ಮೊದಲ ಇನ್ನಿಂಗ್ಸ್ನಲ್ಲಿ ಎದುರಾಳಿ ಆಸ್ಟ್ರೇಲಿಯಾ ಅನ್ನಾಬೆಲ್ ಸದರ್ಲ್ಯಾಂಡ್ ಅವರ ಅಜೇಯ 137 ಮತ್ತು ಎಲ್ಲಿಸ್ ಪೆರ್ರಿ ಅವರ 99 ರನ್ 124.2 ಓವರ್ಗಳಲ್ಲಿ 473 ರನ್ ಗಳಿಸಿ ಸರ್ವಪತನ ಕಂಡಿತ್ತು. 10 ರನ್ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿರುವ ಆಸ್ಟ್ರೇಲಿಯಾ ಮೂರನೇ ದಿನದಾಟದ ಅಂತ್ಯಕ್ಕೆ 19 ಓವರ್ಗಳಲ್ಲಿ ಯಾವುದೇ ವಿಕೆಟ್ ನಷ್ಟವಿಲ್ಲದೇ 82 ರನ್ ಗಳಿಸಿತು. ಪ್ರಸ್ತುತ ಆಸ್ಟ್ರೇಲಿಯಾ 92 ರನ್ಗಳ ಮುನ್ನಡೆ ಹೊಂದಿದೆ.
![Tammy Beaumont](https://etvbharatimages.akamaized.net/etvbharat/prod-images/25-06-2023/18841440_thum.png)
ಎರಡನೇ ದಿನ ಚಹಾ ವಿರಾಮಕ್ಕೂ ಮುನ್ನ ಆಸ್ಟ್ರೇಲಿಯಾ ಮಹಿಳಾ ತಂಡ ಆಲೌಟ್ ಆಯಿತು. ಎರಡನೇ ದಿನದ ಅಂತ್ಯಕ್ಕೆ ಇಂಗ್ಲೆಂಡ್ 218 ರನ್ಗಳಿಗೆ ಎರಡು ವಿಕೆಟ್ ಕಳೆದುಕೊಂಡಿತ್ತು. ಕ್ರೀಸ್ನಲ್ಲಿ ಶತಕ ಗಳಿಸಿದ ಟಮ್ಮಿ ಬ್ಯೂಮಾಂಟ್ ಮತ್ತು 44 ರನ್ ಗಳಿಸಿದ ನ್ಯಾಟ್ ಸ್ಕಿವರ್-ಬ್ರಂಟ್ ಇದ್ದರು. ಮೂರನೇ ದಿನದ ಆಟ ಆರಂಭಿಸಿದ ಇಂಗ್ಲೆಂಡ್ ತನ್ನ ಬ್ಯಾಟಿಂಗ್ ಪ್ರಾಬಲ್ಯ ಮುಂದುವರೆಸಿತ್ತು. ಭೋಜನ ವಿರಾಮದ ಹೊತ್ತಿಗೆ 3 ವಿಕೆಟ್ ನಷ್ಟಕ್ಕೆ 308 ರನ್ ಕಲೆಹಾಕಿತ್ತು. 78 ರನ್ ಗಳಿಸಿ ನ್ಯಾಟ್ ಸ್ಕಿವರ್-ಬ್ರಂಟ್ ವಿಕೆಟ್ ಮಾತ್ರ ಬಿದ್ದಿತ್ತು.
-
The moment Tammy Beaumont made history 🫶
— England Cricket (@englandcricket) June 24, 2023 " class="align-text-top noRightClick twitterSection" data="
Enjoy. #EnglandCricket #Ashes pic.twitter.com/WLztuAdtqi
">The moment Tammy Beaumont made history 🫶
— England Cricket (@englandcricket) June 24, 2023
Enjoy. #EnglandCricket #Ashes pic.twitter.com/WLztuAdtqiThe moment Tammy Beaumont made history 🫶
— England Cricket (@englandcricket) June 24, 2023
Enjoy. #EnglandCricket #Ashes pic.twitter.com/WLztuAdtqi