ಅಬುಧಾಬಿ : ಡೇವಿಡ್ ವೀಸ್ ಅವರ ಸ್ಫೋಟಕ ಅರ್ಧ ಶತಕದ ನೆರವಿನಿಂದ ನೆದೆರ್ಲೆಂಡ್ಸ್ ತಂಡವನ್ನು 6 ವಿಕೆಟ್ಗಳಿಂದ ಮಣಿಸುವ ಮೂಲಕ ನಮೀಬಿಯಾ ತಂಡ ಟಿ20 ವಿಶ್ವಕಪ್ ಇತಿಹಾಸದಲ್ಲಿ ತನ್ನ ಮೊದಲ ಜಯ ದಾಖಲಿಸಿದೆ.
ಅಬುಧಾಬಿಯ ಸೇಕ್ ಜಾಯೇದ್ ಸ್ಟೇಡಿಯಂನಲ್ಲಿ ನಡೆದ ವಿಶ್ವಕಪ್ ಕ್ವಾಲಿಫೈಯರ್ನಲ್ಲಿ ನೆದರ್ಲೆಂಡ್ಸ್ ನೀಡಿದ್ದ 165 ರನ್ಗಳ ಗುರಿಯನ್ನ ನಮೀಬಿಯಾ 19 ಓವರ್ಗಳಲ್ಲಿ 6 ವಿಕೆಟ್ ಕಳೆದುಕೊಂಡು ತಲುಪಿತು. ಮೊದಲ ಬಾರಿಗೆ ಟಿ-20 ವಿಶ್ವಕಪ್ಗೆ ಪದಾರ್ಪಣೆ ಮಾಡಿರುವ ನಮೀಬಿಯಾ ಮೊದಲ ಜಯ ಸಾಧಿಸಿತು. 2019ರಲ್ಲಿ ಚುಟುಕು ಕ್ರಿಕೆಟ್ಗೆ ಪದಾರ್ಪಣೆ ಮಾಡಿತ್ತು.
ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ತೋರಿದ ದಕ್ಷಿಣ ಆಫ್ರಿಕಾ ಮೂಲದ ಡೇವಿಡ್ ವೀಸ್ 40 ಎಸೆತಗಳಲ್ಲಿ 4 ಬೌಂಡರಿ ಮತ್ತು 5 ಸಿಕ್ಸರ್ಗಳ ಸಹಿತ ಅಜೇಯ 66 ರನ್ ಗಳಿಸಿ ನಮೀಬಿಯಾ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಇವರಿಗೆ ಸಾಥ್ ನೀಡಿದ ಗೆರಾಡ್ ಎರಾಸ್ಮಸ್ 22 ಎಸೆತಗಳಲ್ಲಿ 32 ರನ್, ಸ್ಟೇಫನ್ ಬಾರ್ಡ್ 19, ಜೆಜೆ ಸ್ಮಿತ್ ಅಜೆಯ 14 ರನ್ಗಳಿಸಿದರು.
-
A historic day for Namibia 🎆#T20WorldCup | #NAMvNED | https://t.co/KktJFoDjmz pic.twitter.com/VO5yA65hAb
— T20 World Cup (@T20WorldCup) October 20, 2021 " class="align-text-top noRightClick twitterSection" data="
">A historic day for Namibia 🎆#T20WorldCup | #NAMvNED | https://t.co/KktJFoDjmz pic.twitter.com/VO5yA65hAb
— T20 World Cup (@T20WorldCup) October 20, 2021A historic day for Namibia 🎆#T20WorldCup | #NAMvNED | https://t.co/KktJFoDjmz pic.twitter.com/VO5yA65hAb
— T20 World Cup (@T20WorldCup) October 20, 2021
ನೆದರ್ಲೆಂಡ್ಸ್ ಪರ ಫ್ರೆಡ್ ಕ್ಲಾಸೆನ್ 4 ಓವರ್ಗಳಲ್ಲಿ 14ರನ್ ನೀಡಿ 1ವಿಕೆಟ್ ಪಡೆದರು. ಆದರೆ, ಉಳಿದ ಬೌಲರ್ಗಳ ಸಾಥ್ ನೀಡದ ಕಾರಣ ನೆದರ್ಲೆಂಡ್ಸ್ ಸೋಲು ಕಂಡಿತು. ನಾಯಕ ಸೀಲರ್ 8ಕ್ಕೆ1, ವಾನ್ ಡರ್ ಗಗ್ಟನ್ 32ಕ್ಕೆ1, ಅಕೆರ್ಮನ್ 32ಕ್ಕೆ 1 ವಿಕೆಟ್ ಪಡೆದರು.
ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ್ದ ನೆದರ್ಲೆಂಡ್ಸ್ ತಂಡ ಆರಂಭಿಕ ಬ್ಯಾಟರ್ ಮ್ಯಾಕ್ಸ್ ಒಡೌಡ್(70) ಅವರ ಅರ್ಧಶತಕ, ಅಕೆರ್ಮನ್ 35 ರನ್ಗಳ ನೆರವಿನಿಂದ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡ 164 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಗಳಿಸಿತ್ತು.
ವಿಶ್ವಕಪ್ನಲ್ಲಿ ಸತತ ಎರಡು ಸೋಲು ಕಂಡಿರುವ ನೆದರ್ಲೆಂಡ್ಸ್ ತಂಡದ ಅಭಿಯಾನ ಭಾಗಶಃ ಅಂತ್ಯವಾಯಿತು. ನೆದರ್ಲೆಂಡ್ಸ್ ಶ್ರೀಲಂಕಾ ವಿರುದ್ಧ ತನ್ನ ಕೊನೆಯ ಪಂದ್ಯವನ್ನಾಡಲಿದೆ. ನಮೀಬಿಯಾ, ಐರ್ಲೆಂಡ್ ವಿರುದ್ಧ ಆಡಲಿದ್ದು, ಸೂಪರ್ 12 ಪ್ರವೇಶಿಸಲು ಈ ಪಂದ್ಯವನ್ನು ಗೆಲ್ಲಬೇಕಿದೆ.
ಇದನ್ನು ಓದಿ:ವಿಶ್ವಕಪ್ ಅಭ್ಯಾಸ ಪಂದ್ಯ: ಆಸೀಸ್ ವಿರುದ್ಧ ಭಾರತಕ್ಕೆ 8 ವಿಕೆಟ್ಗಳ ಸುಲಭ ಜಯ
