ಮಾಡು ಇಲ್ಲವೇ ಮಡಿ ಪಂದ್ಯದಲ್ಲಿ ಸಾಧಾರಣ ಮೊತ್ತ ದಾಖಲಿಸಿದ ವೆಸ್ಟ್​ ಇಂಡೀಸ್​.. ಐರ್ಲೆಂಡ್​ಗೆ 147 ರನ್​ಗಳ ಗುರಿ

ಐರ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ತಂಡಗಳು ಇಂದು ಟಿ20 ವಿಶ್ವಕಪ್ ರೌಂಡ್-1 ರ ಗುಂಪು-ಬಿ ಪಂದ್ಯದಲ್ಲಿ ಮುಖಾಮುಖಿಯಾಗಿವೆ. ವೆಸ್ಟ್ ಇಂಡೀಸ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿ 146 ರನ್​ಗಳನ್ನು ಕಲೆಹಾಕಿದೆ.

ಹೋಬರ್ಟ್: ಆಸ್ಟ್ರೇಲಿಯಾದಲ್ಲಿ ಟಿ20 ವಿಶ್ವಕಪ್ ರೋಚಕತೆ ಆರಂಭವಾಗಿದೆ. ಟೂರ್ನಿಯ 11ನೇ ಪಂದ್ಯ ಇಂದು ಐರ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ನಡುವೆ ನಡೆಯುತ್ತಿದೆ. ವೆಸ್ಟ್ ಇಂಡೀಸ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿ ಸಾಧಾರಣ ಮೊತ್ತವನ್ನು ಕಲೆ ಹಾಕಿದೆ.

ಗ್ರೂಪ್​-ಬಿನ ಈ ಪಂದ್ಯವು ಎರಡೂ ತಂಡಗಳಿಗೆ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ. ವೆಸ್ಟ್ ಇಂಡೀಸ್ ಮತ್ತು ಐರ್ಲೆಂಡ್ ಎರಡು ಪಂದ್ಯಗಳಲ್ಲಿ ತಲಾ ಎರಡು ಅಂಕಗಳನ್ನು ಹೊಂದಿವೆ. ಈ ಪಂದ್ಯದಲ್ಲಿ ಗೆಲ್ಲುವ ತಂಡ ಸೂಪರ್-12ರಲ್ಲಿ ಸ್ಥಾನ ಪಡೆಯಲಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್​ ಆರಂಭಿಸಿದ ವೆಸ್ಟ್​ ತಂಡವನ್ನು ಐರ್ಲೆಂಡ್​ ತಂಡ 146 ರನ್​ಗಳಿಗೆ ಕಟ್ಟಿ ಹಾಕಿದೆ. ಆರಂಭದಿಂದಲೇ ಕುಸಿತ ಕಂಡ ವೆಸ್ಟ್​ ತಂಡ ನಿಧನವಾಗಿ ಚೇತರಿಸಿಕೊಂಡಿತು. ಬ್ರಾಂಡನ್​ ಕಿಂಗ್​ ಅಮೋಘ ಅರ್ಧ ಶತಕದ ನೆರವಿನಿಂದ ತಂಡ ಸ್ಕೋರ್​ ಏರಿಕೆ ಕಂಡಿತು. ಒಟ್ಟಿನಲ್ಲಿ ನಿಗದಿತ 20 ಓವರ್​ಗಳಿಗೆ ವೆಸ್ಟ್​ ಇಂಡೀಸ್​ ತಂಡ ಐದು ವಿಕೆಟ್​ಗಳ ನಷ್ಟಕ್ಕೆ 146 ರನ್​ಗಳನ್ನು ಕಲೆ ಹಾಕುವ ಮೂಲಕ ಎದುರಾಳಿ ಐರ್ಲೆಂಡ್​ ತಂಡಕ್ಕೆ 147 ರನ್​ಗಳ ಗುರಿ ನೀಡಿದೆ.

ವೆಸ್ಟ್​ ಇಂಡೀಸ್​ ತಂಡದ ಪರವಾಗಿ ಕೈಲ್ ಮೇಯರ್ಸ್ 1 ರನ್​, ಜಾನ್ಸನ್ ಚಾರ್ಲ್ಸ್ 24 ರನ್​, ಎವಿನ್ ಲೆವಿಸ್ 13 ರನ್​, ನಿಕೋಲಸ್ ಪೂರನ್ 13 ರನ್​, ರೋವ್ಮನ್ ಪೊವೆಲ್ 6 ರನ್​ ಮತ್ತು ಬ್ರಾಂಡನ್ ಕಿಂಗ್ 62 ರನ್​ ಹಾಗೂ ಓಡಿಯನ್ ಸ್ಮಿತ್ 19 ರನ್​ ಕಲೆ ಹಾಕಿ ಅಜೇಯರಾಗಿ ಉಳಿದರು. ಐರ್ಲೆಂಡ್​ ಪರ ಗರೆಥ್ ಡೆಲಾನಿ ಮೂರು ವಿಕೆಟ್​ ಪಡೆದು ಮಿಂಚಿದ್ರೆ, ಸಿಮಿ ಸಿಂಗ್ ಮತ್ತು ಬ್ಯಾರಿ ಮೆಕಾರ್ಥಿ ತಲಾ ಒಂದೊಂದು ವಿಕೆಟ್​ ಕಬಳಿಸಿದರು.

ಪಿಚ್ ವರದಿ: ಬೆಲ್ಲೆರಿವ್ ಓವಲ್ ಕ್ರೀಡಾಂಗಣದಲ್ಲಿ ಬ್ಯಾಟಿಂಗ್ ಸುಲಭ. ಇದರೊಂದಿಗೆ ಬೌಲರ್‌ಗಳು ಕೂಡ ಈ ಮೈದಾನದಲ್ಲಿ ಸಾಕಷ್ಟು ವೇಗ ಮತ್ತು ಬೌನ್ಸ್ ಪಡೆಯುತ್ತಾರೆ. ಈ ಮೈದಾನದಲ್ಲಿ ಮೂರು ಟಿ20 ಪಂದ್ಯಗಳಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ತಂಡವು ಎರಡು ಪಂದ್ಯಗಳನ್ನು ಗೆದ್ದಿದೆ.

ವೆಸ್ಟ್ ಇಂಡೀಸ್ ತಂಡ: ಕೈಲ್ ಮೇಯರ್ಸ್, ಜಾನ್ಸನ್ ಚಾರ್ಲ್ಸ್, ಎವಿನ್ ಲೆವಿಸ್, ಬ್ರಾಂಡನ್ ಕಿಂಗ್, ನಿಕೋಲಸ್ ಪೂರನ್ (C/W), ರೋವ್ಮನ್ ಪೊವೆಲ್, ಜೇಸನ್ ಹೋಲ್ಡರ್, ಅಕಿಲ್ ಹುಸೇನ್, ಓಡಿಯನ್ ಸ್ಮಿತ್, ಅಲ್ಜಾರಿ ಜೋಸೆಫ್, ಓಬೆಡ್ ಮೆಕಾಯ್.

• Toss news from Hobart 📰
  
  West Indies have opted to bat in First Round Match 11 of #T20WorldCup#IREvWI | 📝: https://t.co/LNaSAJSEKW pic.twitter.com/RSVbFgzhJM

  — ICC (@ICC) October 21, 2022 " class="align-text-top noRightClick twitterSection" data="

  Toss news from Hobart 📰
  
  West Indies have opted to bat in First Round Match 11 of #T20WorldCup#IREvWI | 📝: https://t.co/LNaSAJSEKW pic.twitter.com/RSVbFgzhJM

  — ICC (@ICC) October 21, 2022

  ">

  Toss news from Hobart 📰
  
  West Indies have opted to bat in First Round Match 11 of #T20WorldCup#IREvWI | 📝: https://t.co/LNaSAJSEKW pic.twitter.com/RSVbFgzhJM

  — ICC (@ICC) October 21, 2022

ಐರ್ಲೆಂಡ್ ತಂಡ: ಆಂಡ್ರ್ಯೂ ಬಾಲ್ಬಿರ್ನಿ (ಸಿ), ಪಾಲ್ ಸ್ಟಿರ್ಲಿಂಗ್, ಲೋರ್ಕನ್ ಟಕರ್ (ವಾಕ್), ಹ್ಯಾರಿ ಟೆಕ್ಟರ್, ಕರ್ಟಿಸ್ ಕ್ಯಾಂಪರ್, ಜಾರ್ಜ್ ಡಾಕ್ರೆಲ್, ಗರೆಥ್ ಡೆಲಾನಿ, ಮಾರ್ಕ್ ಅಡೇರ್, ಸಿಮಿ ಸಿಂಗ್, ಬ್ಯಾರಿ ಮೆಕಾರ್ಥಿ, ಜೋಶುವಾ ಲಿಟಲ್.

ಓದಿ: ಒತ್ತಡದ ಪರಿಸ್ಥಿತಿ ನಿಭಾಯಿಸುವುದು ಹೇಗೆಂದು ಕೊಹ್ಲಿ ಕಲಿಸಬಲ್ಲರು: ಪಂತ್