ಕರಾಚಿ: ಐಸಿಸಿ ಟಿ-20 ವಿಶ್ವಕಪ್ನಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕ್ ವಿರುದ್ಧ ಟೀಂ ಇಂಡಿಯಾ ಸೋಲು ಕಂಡಿದೆ. ಈ ಮೂಲಕ ಅನೇಕ ರೀತಿಯ ಟೀಕೆಗೊಳಗಾಗಿದೆ. ಇದರ ಬೆನ್ನಲ್ಲೇ ಪಾಕ್ ಕ್ರಿಕೆಟ್ ತಂಡದ ಮಾಜಿ ಕ್ಯಾಪ್ಟನ್ ಸಲ್ಮಾನ್ ಭಟ್ ಇದೀಗ ವರುಣ್ ಚಕ್ರವರ್ತಿ ಕುರಿತು ಲೇವಡಿ ಮಾಡಿದ್ದಾರೆ.
ಯೂಟ್ಯೂಬ್ ಚಾನಲ್ನಲ್ಲಿ ಉಭಯ ತಂಡದ ಪಂದ್ಯದ ವಿಶ್ಲೇಷಣೆ ಮಾಡಿರುವ ಸಲ್ಮಾನ್ ಭಟ್, ವರುಣ್ ಚಕ್ರವರ್ತಿ ಕುರಿತು ಮಾತನಾಡಿದ್ದು, ಈ ರೀತಿಯಾಗಿ ಬೌಲಿಂಗ್ ಮಾಡುವವರು ಪಾಕಿಸ್ತಾನದ ಗಲ್ಲಿಗಲ್ಲಿಯಲ್ಲೂ ಸಿಗುತ್ತಾರೆಂದು ಹೇಳಿದ್ದಾರೆ.
ವರುಣ್ ಚಕ್ರವರ್ತಿ ಮಿಸ್ಟ್ರೀ ಸ್ಪಿನ್ನರ್ ಆಗಿರಬಹುದು. ಆದರೆ ಪಾಕ್ ವಿರುದ್ಧದ ಪಂದ್ಯದ ವೇಳೆ ಅವರ ಬೌಲಿಂಗ್ನಲ್ಲಿ ಯಾವುದೇ ರೀತಿಯ ಅಚ್ಚರಿ ಇರಲಿಲ್ಲ ಎಂದಿರುವ ಸಲ್ಮಾನ್ ಭಟ್, ಪಾಕಿಸ್ತಾನದ ಗಲ್ಲಿಯಲ್ಲಿ ಮಕ್ಕಳು ಟ್ಯಾಪ್ ಬಾಲ್ ಕ್ರಿಕೆಟ್ ಆಡ್ತಾರೆ. ಈ ರೀತಿಯ ಬೌಲಿಂಗ್ ಎದುರಿಸುವ ಕಲೆ ಪಾಕ್ಗೆ ಚೆನ್ನಾಗಿ ಗೊತ್ತಿದೆ ಎಂದಿದ್ದಾರೆ.ಇದೇ ವೇಳೆ ವರುಣ್ ಚಕ್ರವರ್ತಿಯನ್ನ ಶ್ರೀಲಂಕಾದ ಅಂಜತಾ ಮೆಂಡಿಸ್ಗೆ ಹೋಲಿಕೆ ಮಾಡಿರುವ ಸಲ್ಮಾನ್ ಭಟ್, ಆರಂಭದಲ್ಲಿ ಅಂಜತಾ ಮೆಂಡಿಸ್ ಅನೇಕ ತಂಡಗಳ ತಲೆ ಕೆಡಿಸಿದ್ದರು. ಆದರೆ ಪಾಕ್ ವಿರುದ್ಧ ಅವರ ಆಟ ನಡೆಯಲಿಲ್ಲ. ಹೀಗಾಗಿ ಅವರನ್ನ ಪಾಕ್ ವಿರುದ್ಧ ಕಣಕ್ಕಿಳಿಸುವುದನ್ನೇ ಲಂಕಾ ಕೈಬಿಟ್ಟಿತ್ತು ಎಂದಿದ್ದಾರೆ.
ಇದನ್ನೂ ಓದಿರಿ: ಟಿ-20 ವಿಶ್ವಕಪ್: ನ್ಯೂಜಿಲ್ಯಾಂಡ್ ವಿರುದ್ಧ ಭರ್ಜರಿ ಜಯ ಸಾಧಿಸಿ, ಸೇಡು ತೀರಿಸಿಕೊಂಡ ಪಾಕ್
ಜೊತೆಗೆ ಮುಂದಿನ ಪಂದ್ಯಗಳಲ್ಲಿ ವರುಣ್ ಚಕ್ರವರ್ತಿಯನ್ನ ಪಾಕ್ ವಿರುದ್ಧದ ಪಂದ್ಯಗಳಲ್ಲಿ ಕಣಕ್ಕಿಳಿಸಿದ್ರೆ ಗೆಲುವು ನಮ್ಮದಾಗಲಿದೆ ಎಂದಿದ್ದಾರೆ. ಪಾಕ್ ವಿರುದ್ಧದ ಪಂದ್ಯದಲ್ಲಿ ಅನುಭವಿ ಆರ್.ಅಶ್ವಿನ್ ಬದಲಿಗೆ ಮಿಸ್ಟ್ರಿ ಸ್ಪಿನ್ನರ್ ವರುಣ್ ಚಕ್ರವರ್ತಿಗೆ ಮಣೆ ಹಾಕಲಾಗಿತ್ತು. ಆದರೆ ಯಾವುದೇ ರೀತಿಯ ವಿಕೆಟ್ ಪಡೆದುಕೊಳ್ಳುವಲ್ಲಿ ಇವರು ಯಶಸ್ವಿಯಾಗಲಿಲ್ಲ.
