ವಿಡಿಯೋ ನೋಡಿ: ಚೆಂಡನ್ನು ತಡೆಯಲು ಹೋಗಿ ಸ್ಟಂಪ್​ಗೆ ಅಪ್ಪಳಿಸಿ ಔಟಾದ ಧನಂಜಯ

ಸಿಲ್ವಾ ಔಟಾಗುವ ಮುನ್ನ ನಾಯಕ ಕರುಣರತ್ನೆ (145) ಜೊತೆಗೆ 4ನೇ ವಿಕೆಟ್​ಗೆ 121 ರನ್​ಗಳ ಜೊತೆಯಾಟ ನಡೆಸಿದ್ದರು. 95 ಎಸೆತಗಳನ್ನೆದುರಿಸಿದ್ದ ಅವರು 61 ರನ್​ಗಳಿಸಿ ತಮ್ಮದೇ ಎಡವಟ್ಟಿನಿಂದ ಎದುರಾಳಿಗೆ ತಮ್ಮ ವಿಕೆಟ್​ ಅನ್ನು ಉಡುಗೊರೆಯಾಗಿ ನೀಡಿದರು.

ಗಾಲೆ: ವೆಸ್ಟ್ ಇಂಡೀಸ್ (West Indies) ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಶ್ರೀಲಂಕಾದ ಆಲ್​ರೌಂಡರ್​ ಧನಂಜಯ ಡಿ ಸಿಲ್ವಾ (Dhananjaya de Silva) ವಿಚಿತ್ರವಾಗಿ ಔಟಾಗುವ ಮೂಲಕ ನಗೆಪಾಟಲಿಗೆ ಪಾತ್ರರಾಗಿದ್ದಾರೆ.

ಮೊದಲ ಟೆಸ್ಟ್​ ಎರಡನೇ ದಿನ ಧನಂಜಯ ಡಿ ಸಿಲ್ವಾ ದಿನದ 5ನೇ ಓವರ್​ನಲ್ಲಿ ಹಿಟ್​ ವಿಕೆಟ್ (Hit wicket) ಆದರು. ಶನ್ನಾನ್ ಗೇಬ್ರಿಯಲ್ ಎಸೆದ 95ನೇ ಓವರ್​ನ 4ನೇ ಎಸೆತದಲ್ಲಿ ಚೆಂಡು ಬ್ಯಾಟ್​ ತಾಗಿ ನೆಲಕ್ಕೆ ಬಡಿದು ಚಿಮ್ಮಿತು. ಆ ಚೆಂಡು ವಿಕೆಟ್​ಗೆ ತಗುಲಬಹುದೆಂದು ತಡೆಯುವ ಬರದಲ್ಲಿ ಸ್ವತಃ ಬ್ಯಾಟ್​ನಿಂದಲೇ ಸ್ಟಂಪ್​ಗಳಿಗೆ ಅಪ್ಪಳಿಸಿದರು. ತಮ್ಮ ಈ ಆತುರದ ನಿರ್ಧಾರದಿಂದ ವಿಕೆಟ್​ ಒಪ್ಪಿಸಿದ್ದಕ್ಕೆ ನಾಚಿಕೆಯಿಂದ ಮುಖ ಮುಚ್ಚಿಕೊಂಡು ಪೆವಿಲಿಯನ್​ನತ್ತ ಹೆಜ್ಜೆ ಹಾಕಿದರು.

ಸಿಲ್ವಾ ಔಟಾಗುವ ಮುನ್ನ ನಾಯಕ ಕರುಣರತ್ನೆ (145) ಜೊತೆಗೆ 4ನೇ ವಿಕೆಟ್​ಗೆ 121 ರನ್​ಗಳ ಜೊತೆಯಾಟ ನಡೆಸಿದ್ದರು. 95 ಎಸೆತಗಳನ್ನೆದುರಿಸಿದ್ದ ಅವರು 61 ರನ್​ಗಳಿಸಿ ತಮ್ಮದೇ ಎಡವಟ್ಟಿನಿಂದ ಎದುರಾಳಿಗೆ ತಮ್ಮ ವಿಕೆಟ್​ ಅನ್ನು ಉಡುಗೊರೆಯಾಗಿ ನೀಡಿದರು.

• In the Sri Lanka v West Indies Test match, Dhananjaya de Silva was dismissed hit wicket. The Cricinfo description is one thing. The vision is even better. #SLvWI pic.twitter.com/PIFmBV3UUH

  — Andrew Donnison (@Donno79) November 22, 2021 " class="align-text-top noRightClick twitterSection" data="

  In the Sri Lanka v West Indies Test match, Dhananjaya de Silva was dismissed hit wicket. The Cricinfo description is one thing. The vision is even better. #SLvWI pic.twitter.com/PIFmBV3UUH

  — Andrew Donnison (@Donno79) November 22, 2021

  ">

  In the Sri Lanka v West Indies Test match, Dhananjaya de Silva was dismissed hit wicket. The Cricinfo description is one thing. The vision is even better. #SLvWI pic.twitter.com/PIFmBV3UUH

  — Andrew Donnison (@Donno79) November 22, 2021

ಆದರೂ ಶ್ರೀಲಂಕಾ 133.5 ಓವರ್​ಗಳಲ್ಲಿ 386 ರನ್​ಗಳಿಸಿ ಆಲೌಟ್ ಆಯಿತು. ಪತುಮ್ ನಿಸಾಂಕ 56, ಕರುಣರತ್ನೆ 147, ಡಿ ಸಿಲ್ವಾ 61, ಚಂಡಿಮಾಲ್ 45 ರನ್​ಗಳಿಸಿದರು.

ವಿಂಡೀಸ್​ ಪರ ರಾಸ್ಟನ್ ಚೇಸ್ 83ಕ್ಕೆ 5, ಜೊಮೆಲ್ ವಾರಿಕಾನ್ 87ಕ್ಕೆ 3 ವಿಕೆಟ್ ಪಡೆದು ಮಿಂಚಿದರು.

386 ರನ್​ಗಳನ್ನು ಹಿಂಬಾಲಿಸುತ್ತಿರುವ ವೆಸ್ಟ್​ ಇಂಡೀಸ್​ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 6 ವಿಕೆಟ್ ಕಳೆದುಕೊಂಡು 2ನೇ ದಿನದಂತ್ಯಕ್ಕೆ 113 ರನ್​ಗಳಿಸಿದೆ. ನಾಯಕ ಕ್ರೈಗ್ ಬ್ರಾತ್​ವೇಟ್​ 46 ರನ್​ಗಳಿಸಿ ತಂಡದ ಗರಿಷ್ಠ ಸ್ಕೋರರ್​ ಎನಿಸಿಕೊಂಡರು. ಪ್ರಸ್ತುತ ಕೈಲ್ ಮೇಯರ್​ ಅಜೇಯ 22, ಹೋಲ್ಡ್ ಅಜೇಯ 1 ರನ್​ಗಳಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ.

ರಮೇಶ್ ಮೆಂಡಿಸ್​ 23 ರನ್​ ನೀಡಿ 3 ವಿಕೆಟ್ ಪಡೆದರೆ, ಪ್ರವೀಣ್​ ಜಯವಿಕ್ರಮ 25 ರನ್​ ನೀಡಿದ 2 ವಿಕೆಟ್​ ಪಡೆದು ಲಂಕಾಗೆ ಮುನ್ನಡೆ ಒದಗಿಸಿಕೊಟ್ಟಿದ್ದಾರೆ.

ಇದನ್ನೂ ಓದಿ:ಆರಂಭಿಕ ಸ್ಥಾನ​ದಿಂದ ಶುಬ್ಮನ್ ಗಿಲ್​ಗೆ ಹಿಂಬಡ್ತಿ, ಹೊಸ ಜವಾಬ್ದಾರಿ ನೀಡಿದ ಮ್ಯಾನೇಜ್​ಮೆಂಟ್​