SA Vs IND: ಅಂತಿಮ ಪಂದ್ಯದಲ್ಲೂ 4 ರನ್​ಗಳಿಂದ ಸೋತ ಭಾರತ.. ದ.ಆಫ್ರಿಕಾ ವಿರುದ್ಧ 3-0 ಸರಣಿ ಮುಖಭಂಗ

ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯದಲ್ಲೂ ಕೂಡ ಟೀಂ ಇಂಡಿಯಾ ಸೋಲು ಅನುಭವಿಸಿದೆ. ಈ ಸೋಲಿನೊಂದಿಗೆ ಟೆಸ್ಟ್ ಸರಣಿಯನ್ನು 2-1ರಿಂದ ಕೈಚೆಲ್ಲಿದ್ದ ಭಾರತ, ಏಕದಿನ ಸರಣಿಯನ್ನೂ ಕೂಡ 3-0 ಅಂತರದಿಂದ ಕ್ಲೀನ್​ ಸ್ವೀಪ್​ ಒಳಗಾಗಿದೆ.

ಕೇಪ್​ಟೌನ್​: ಅಂತಿಮ ಕ್ಷಣಗಳಲ್ಲಿ ದೀಪಕ್​ ಚಹರ್(54)​ ಅವರ ಹೋರಾಟದ ನಡುವೆಯೂ ಕೂಡ ಕೊನೆಯ ಪಂದ್ಯದಲ್ಲೂ ಗೆಲುವಿನ ಗೆರೆ ತಲುಪದ ಭಾರತ ತಂಡವು ಕೇವಲ 4 ರನ್​ಗಳಿಂದ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಯಲ್ಲಿ 3-0 ಕ್ಲೀನ್​ ಸ್ವೀಪ್​ ಮುಖಭಂಗ ಅನುಭವಿಸಿದೆ.

ಅಂತಿಮ ಪಂದ್ಯದಲ್ಲಿ ಟಾಸ್​ ಗೆದ್ದ ಕೆ.ಎಲ್​. ರಾಹುಲ್​ ಹರಿಣಗಳನ್ನು ಮೊದಲು ಬ್ಯಾಟಿಂಗ್​ಗೆ ಆಹ್ವಾನಿಸಿದ್ದರು. ವಿಕೆಟ್​ ಕೀಪರ್​ ಬ್ಯಾಟರ್​ ಕ್ವಿಂಟನ್​ ಡಿ ಕಾಕ್​ ಅವರ ಆಕರ್ಷಕ ಶತಕ(124) ಹಾಗೂ ವಾನ್​ಡರ್​​ ಡಸೆನ್​ ಅವರ ಅರ್ಧಶತಕದ ಬಲದಿಂದ ದಕ್ಷಿಣ ಆಫ್ರಿಕಾ 287 ರನ್​ ಪೇರಿಸಿತ್ತು.

288 ರನ್​ ಗೆಲುವಿನ ಗುರಿ ಬೆನ್ನತ್ತಿದ ಭಾರತ ಆರಂಭದಲ್ಲೇ ನಾಯಕ ರಾಹುಲ್​ (9) ಅವರ ವಿಕೆಟ್​ ಕಳೆದುಕೊಂಡಿತು. ಈ ಸಂದರ್ಭದಲ್ಲಿ ಮಾಜಿ ನಾಯಕ ವಿರಾಟ್​ ಕೊಹ್ಲಿ (65) ಹಾಗೂ ಮತ್ತೋರ್ವ ಆರಂಭಿಕ ಆಟಗಾರ (61) ಶಿಖರ್​ ಧವನ್​ ಎರಡನೇ ವಿಕೆಟ್​ಗೆ 98 ರನ್​ ಸೇರಿಸಿ ತಂಡಕ್ಕೆ ಆಸರೆಯಾದರು.

• South Africa seal tense win in Cape Town! 🙌
  
  The hosts complete a 3-0 whitewash with a four-run win in the third and final ODI 👏🏻
  
  Watch the series live on https://t.co/CPDKNxoJ9v (in select regions)#SAvIND | https://t.co/u8dAzkQuxt pic.twitter.com/K2Z86eF52p

  — ICC (@ICC) January 23, 2022 " class="align-text-top noRightClick twitterSection" data="

  South Africa seal tense win in Cape Town! 🙌
  
  The hosts complete a 3-0 whitewash with a four-run win in the third and final ODI 👏🏻
  
  Watch the series live on https://t.co/CPDKNxoJ9v (in select regions)#SAvIND | https://t.co/u8dAzkQuxt pic.twitter.com/K2Z86eF52p

  — ICC (@ICC) January 23, 2022

  ">

  South Africa seal tense win in Cape Town! 🙌
  
  The hosts complete a 3-0 whitewash with a four-run win in the third and final ODI 👏🏻
  
  Watch the series live on https://t.co/CPDKNxoJ9v (in select regions)#SAvIND | https://t.co/u8dAzkQuxt pic.twitter.com/K2Z86eF52p

  — ICC (@ICC) January 23, 2022

ಆದರೆ ಈ ಹಂತದಲ್ಲಿ 61 ರನ್​ ಬಾರಿಸಿದ್ದ ಧವನ್​, ಫೆಹ್ಲುಕ್ವಾಯೊ ಬೌಲಿಂಗ್​ನಲ್ಲಿ ವಿಕೆಟ್​ ಒಪ್ಪಿಸಿದರು. ಬಳಿಕ ವಿರಾಟ್​ ಕೊಹ್ಲಿ ಕೂಡ ಮಹಾರಾಜ್​ ಎಸೆತದಲ್ಲಿ ಕ್ಯಾಚ್​ ನೀಡಿ ನಿರಾಸೆ ಅನುಭವಿಸಿದರು. ಕೊಹ್ಲಿ 71ನೇ ಶತಕ ಬಾರಿಸುತ್ತಾರೆಂಬ ಅಭಿಮಾನಿಗಳ ಆಸೆ ಇಂದೂ ಕೂಡ ಈಡೇರಲಿಲ್ಲ.

ಇದನ್ನೂ ಒದಿ: ಟೈಟಾನ್ಸ್ ವಿರುದ್ಧ ಪವನ್​ ಮಿಂಚು.. ಗೆಲುವಿನ ಹಾದಿಗೆ ಮರಳಿದ ಬೆಂಗಳೂರು ಬುಲ್ಸ್​

ತದನಂತರ ಶ್ರೇಯಸ್​ ಅಯ್ಯರ್​ (26) ಹಾಗೂ ಸೂರ್ಯಕುಮಾರ್​ ಯಾದವ್​ (39) ಉತ್ತಮ ಆಟ ಪ್ರದರ್ಶಿಸಿದರೂ ಕೂಡ ದೊಡ್ಡ ಹೊಡೆತಕ್ಕೆ ಯತ್ನಿಸಿ ಕೈಸುಟ್ಟುಕೊಂಡರು. ಇವರಿಬ್ಬರು ಪೆವಿಲಿಯನ್​ಗೆ ಮರಳುತ್ತಿದ್ದಂತೆ, ಜಯಂತ್​ ಯಾದವ್​ ಕೂಡ ಔಟಾದರು. ಅದಾಗಲೇ 223ಕ್ಕೆ 7 ವಿಕೆಟ್​ ಉರುಳಿದ್ದರಿಂದ ಭಾರತ ತಂಡದ ಗೆಲುವಿನ ಆಸೆ ಬಹುತೇಕ ಕಮರಿತ್ತು.

ದೀಪಕ್ ಹೋರಾಟ: ಈ ಹಂತದಲ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸಿದ ದೀಪಕ್​ ಚಹರ್​ ಭರ್ಜರಿ ಅರ್ಧಶತಕ ಬಾರಿಸಿ ಗೆಲುವಿನ ಆಸೆ ಚಿಗುರುವಂತೆ ಮಾಡಿದರು. 34 ಎಸೆತಗಳಲ್ಲಿ 54 ರನ್​ ಬಾರಿಸಿದ ಚಹರ್​ ಲುಂಗಿ ಎನ್​ಗಿಡಿ ಬೌಲಿಂಗ್​ನಲ್ಲಿ ಪ್ರೆಟೊರಿಯಸ್​ಗೆ ಕ್ಯಾಚ್​ ನೀಡಿ ನಿರಾಸೆ ಅನುಭವಿಸಿದರು. ಅಲ್ಲದೆ ಭಾರತ ಮತ್ತೆ ವಿಕೆಟ್​ ಕಳೆದುಕೊಳ್ಳುತ್ತ ಸಾಗಿತು. ಟೀಂ ಇಂಡಿಯಾ ಗೆಲುವಿಗೆ 4 ರನ್​ ಅಗತ್ಯವಿತ್ತು, ಆದರೆ ಎರಡನೇ ಎಸೆತದಲ್ಲಿ ಚಹಲ್​ ಔಟಾಗುತ್ತಿದ್ದಂತೆ ದಕ್ಷಿಣ ಆಫ್ರಿಕಾ ತಂಡ ಗೆಲುವಿನ ಕೇಕೆ ಹಾಕಿತು.

ಈ ಸೋಲಿನೊಂದಿಗೆ ಟೆಸ್ಟ್ ಸರಣಿಯನ್ನು 2-1ರಿಂದ ಕೈಚೆಲ್ಲಿದ್ದ ಭಾರತ, ಏಕದಿನ ಸರಣಿಯನ್ನೂ ಕೂಡ 3-0 ಅಂತರದಿಂದ ಕ್ಲೀನ್​ ಸ್ವೀಪ್ ಮುಖಭಂಗಕ್ಕೊಳಗಾಗಿದೆ.

ಜಾಹೀರಾತು: ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ