ಢಾಕಾ: ಢಾಕಾ ಪ್ರಿಮಿಯರ್ ಲೀಗ್ ವೇಳೆ ಅಂಪೈರ್ ತೀರ್ಮಾನದಿಂದ ಕುಪಿತಗೊಂಡು ಸ್ಟಂಪ್ ಒದ್ದು ಆಕ್ರೋಶ ವ್ಯಕ್ತಪಡಿಸಿದ್ದ ಬಾಂಗ್ಲಾದೇಶದ ಆಲ್ರೌಂಡರ್ ಶಕಿಬ್ ಅಲ್ ಹಸನ್ಗೆ 4 ಪಂದ್ಯಗಳ ನಿಷೇಧ ಹೇರಲಾಗಿದೆ. ಜೊತೆಗೆ 5,800 ಅಮೆರಿಕನ್ ಡಾಲರ್ ದಂಡ ವಿಧಿಸಲಾಗಿದೆ.
ಶುಕ್ರವಾರ ನಡೆದಿದ್ದ ಪಂದ್ಯದಲ್ಲಿ ಮುಶ್ಫೀಕರ್ ರಹೀಮ್ ವಿರುದ್ಧ ಎಲ್ಬಿಡಬ್ಲ್ಯೂಗೆ ಶಕಿಬ್ ಮನವಿ ಮಾಡಿದ್ದರು. ಇದನ್ನು ಅಂಪೈರ್ ತಿರಸ್ಕಸಿದ್ದರಿಂದ ಕುಪಿತಗೊಂಡು ಸ್ಟಂಪ್ಗಳನ್ನು ಒದ್ದರು. ಈ ಘಟನೆ ನಡೆದ ಕೆಲವೇ ನಿಮಿಷಗಳಲ್ಲಿ ಮತ್ತೊಮ್ಮೆ ಅಂಪೈರ್ಗಳ ಜೊತೆ ವಾಗ್ವಾದ ನಡೆಸಿ ಕೈಗಳಿಂದ ಸ್ಟಂಪ್ಗಳನ್ನು ಕಿತ್ತೆಸಿದ್ದರು. ಇದೀಗ ವಿಚಾರಣೆ ನಡೆಸಿರುವ ಕ್ರಿಕೆಟ್ ಮಂಡಳಿ 3ನೇ ಹಂತದ ಉಲ್ಲಂಘನೆ ಮಾಡಿರುವುದಕ್ಕೆ 4 ಪಂದ್ಯಗಳ ನಿಷೇಧದ ಜೊತೆಗೆ 4.24 ಲಕ್ಷ ರೂ ದಂಡವ ವಿಧಿಸಿದೆ.
ಶುಕ್ರವಾರ ಅಬಹಾನಿ ಲಿಮಿಟೆಡ್ ತಂಡದ ವಿರುದ್ಧ ನಡೆದ ಪಂದ್ಯದ ವೇಳೆ ಮೊಹಮ್ಮದಿನ್ ಸ್ಪೋರ್ಟಿಂಗ್ ತಂಡದ ನಾಯಕನಾಗಿರುವ ಶಕೀಬ್ ಅಲ್ ಹಸನ್ ಅನುಚಿತವಾಗಿ ವರ್ತಿಸಿದ್ದರು. ಆದರೂ ಪಂದ್ಯವನ್ನು ಡೆಕ್ವರ್ತ್ ನಿಯಮದ ಅನ್ವಯ ಶಕಿಬ್ ನೇತೃತ್ವದ ಮೊಹಮ್ಮದಿನ್ ಸ್ಪೋರ್ಟಿಂಗ್ ಕ್ಲಬ್ ಜಯ ಸಾಧಿಸಿತ್ತು.
