ದಕ್ಷಿಣ ಆಫ್ರಿಕಾ ಗೆಲುವಿಗೆ ಮುಳುವಾದ ಸಾಯಿ ಸುದರ್ಶನ್​ ಲಾಂಗ್​ಡೈವ್​ ಕ್ಯಾಚ್​..! ಹೇಗಿತ್ತು ಗೊತ್ತಾ ಆ ಕ್ಷಣ!!

ದಕ್ಷಿಣ ಆಫ್ರಿಕಾ ಮತ್ತು ಭಾರತ ನಡುವಿನ ಮೂರನೇ ಏಕದಿನ ಪಂದ್ಯದಲ್ಲಿ ಸಾಯಿ ಸುದರ್ಶನ್​ ಅದ್ಭುತವಾದ ಕ್ಯಾಚ್​ ಹಿಡಿದಿದ್ದಾರೆ.

ಹೈದರಾಬಾದ್​​: ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಸರಣಿ ನಿರ್ಣಾಯಕ ಪಂದ್ಯದಲ್ಲಿ ಭಾರತದ ಯುವ ಆಟಗಾರ ಸಾಯಿ ಸುದರ್ಶನ್​ ತಮ್ಮ ಅತ್ಯುತ್ತಮ ಫೀಲ್ಡಿಂಗ್​ ಮೂಲಕ ಎಲ್ಲರನ್ನೂ ನಿಬ್ಬೆರಗಾಗಿಸಿದ್ದಾರೆ. ಹೌದು. ಗುರುವಾರ (ಡಿ.21) ಪಾರ್ಲ್‌ನ ಬೋಲ್ಯಾಂಡ್ ಪಾರ್ಕ್‌ನಲ್ಲಿ ನಡೆದ ಮೂರನೇ ಮತ್ತು ಕೊನೆಯ ಪಂದ್ಯದಲ್ಲಿ ಎರಡನೇ ಇನಿಂಗ್ಸ್‌ನ ದಕ್ಷಿಣ ಆಫ್ರಿಕಾದ ಸ್ಫೋಟಕ ಬ್ಯಾಟರ್​ ಮತ್ತು ವಿಕೆಟ್ ಕೀಪರ್ ಹೆನ್ರಿಚ್​ ಕ್ಲಾಸೆನ್ ಅವರು ಹೊಡೆದ ಚೆಂಡನ್ನು ಗಾಳಿಯಲ್ಲಿ ಹಾರಿ ಕ್ಯಾಚ್​ ಹಿಡಿಯುವ ಮೂಲಕ ಅಚ್ಚರಿಗೊಳಿಸಿದ್ದಾರೆ.

• Sai Sudharsan has taken a blinder. 🫡pic.twitter.com/viiJiVe8S5

  — Mufaddal Vohra (@mufaddal_vohra) December 21, 2023 " class="align-text-top noRightClick twitterSection" data="

  Sai Sudharsan has taken a blinder. 🫡pic.twitter.com/viiJiVe8S5

  — Mufaddal Vohra (@mufaddal_vohra) December 21, 2023

  ">

  Sai Sudharsan has taken a blinder. 🫡pic.twitter.com/viiJiVe8S5

  — Mufaddal Vohra (@mufaddal_vohra) December 21, 2023

33.2ನೇ ಓವರ್‌ನಲ್ಲಿ ವೇಗಿ ಆವೇಶ್​ ಖಾನ್​ ಬೌಲಿಂಗ್​ ವೇಳೆ ಮಿಡ್​ ಆಫ್​ನಲ್ಲಿ ಸಾಯಿ ಸುದರ್ಶನ್​ ಫೀಲ್ಡಿಂಗ್​ ಮಾಡುತ್ತಿದ್ದರು. ಈ ವೇಳೆ, ಕ್ಲಾಸೇನ್​ ಬೌಂಡರಿ ಬಾರಿಸಲು ಚೆಂಡನ್ನು ಗಾಳಿಯಲ್ಲಿ ಹೊಡೆದಿದ್ದಾರೆ. ಮಿಡ್​ ಆಫ್​ನಲ್ಲಿದ್ದ ಸುದರ್ಶನ್​ ಹಕ್ಕಿಯಂತೆ ಲಾಂಗ್​ ಡೈವ್​ ಮಾಡಿ ಕ್ಯಾಚ್​ ಹಿಡಿದಿದ್ದಾರೆ. ಕ್ಯಾಚ್ ​ಅನ್ನು ಖಚಿತ ಪಡಿಸಲು ಅಂಪೈರ್​ ​​ ಕೂಡ ಮೂರನೇ ಅಂಪರ್​ ಮೊರೆ ಹೋಗಿದ್ದರು.

ಈ ವೇಳೆ ಚೆಂಡು ನೆಲಕ್ಕೆ ತಾಗದೇ ಕೈಯಲ್ಲೇ ಇರುವುದು ಕಂಡು ಬಂದಿದ್ದು ಕ್ಲಾಸೆನ್​ಗೆ ಔಟ್​ ಆಗಿರುವುದು ಖಚಿತಗೊಂಡಿತು. ಈ ಮೂಲಕ ಸ್ಪೋಟಕ ಬ್ಯಾಟರ್​ ಹೆನ್ರಿಚ್​ ಕ್ಲಾಸೆನ್ ಆಟಕ್ಕೆ ಸುದರ್ಶನ್​ ಬ್ರೇಕ್​ ಹಾಕಿದರು. ಕ್ರೀಸ್​ನಿಂದ ನಿರ್ಗಮಿಸಿದ ವೇಳೆಗೆ ಕ್ಲಾಸೆನ್​ 22 ಎಸೆತಗಳಲ್ಲಿ 21 ರನ್ ಕಲೆ ಹಾಕಿದ್ದರು. ಒಂದು ವೇಳೆ, ಕ್ರೀಸ್​ನಲ್ಲೇ ಉಳಿದಿದ್ದರೆ ಭಾರತಕ್ಕೆ ಮತ್ತಷ್ಟು ಕಠಿಣ ಸವಾಲುವೊಡ್ಡಲಿದ್ದರು ಎಂದು ಅಂದಾಜಿಸಲಾಗಿತ್ತು. ಸಾಯಿ ಸುದರ್ಶನ್​ ಹಿಡಿದ ಈ ಕ್ಯಾಚ್​ ಸರಣಿಯ ಬೆಸ್ಟ್​ ಕ್ಯಾಚ್​ ಆಗಿದೆ. ಜತೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್​ ಕೂಡ ಆಗಿದೆ.

ಭಾರತ ಸರ್ವಾಂಗೀಣ ಪ್ರದರ್ಶನ: ಸರಣಿ ನಿರ್ಣಾಯಕವಾದ ಈ ಪಂದ್ಯದಲ್ಲಿ ಭಾರತ ಹರಿಣಗಳ ವಿರುದ್ಧ ಸರ್ವಾಂಗೀಣ ಪ್ರದರ್ಶನ ತೋರಿ ಗೆಲುವು ಸಾಧಿಸಿದರು. ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ್ದ ಭಾರತ 50 ಓವರ್​ಗಳ ಅಂತ್ಯಕ್ಕೆ 8 ವಿಕೆಟ್​ ಕಳೆದುಕೊಂಡು 297 ರನ್​ಗಳನ್ನು ಕಲೆ ಹಾಕಿತ್ತು. ಈ ಗುರಿಯನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ 45.5 ಓವರ್‌ಗಳಲ್ಲಿ 218 ರನ್‌ಗಳಿಗೆ ಸರ್ವಪತನ ಕಂಡಿತು. ಭಾರತ 78 ರನ್​ಗಳ ಗೆಲುವು ಸಾಧಿಸಿ ಎರಡನೇ ಬಾರಿಗೆ ದಕ್ಷಿಣ ಆಫ್ರಿಕಾ ನೆಲದಲ್ಲಿ ಸರಣಿಯನ್ನು 2-1 ಅಂತರದಿಂದ ಗೆದ್ದುಕೊಂಡಿತು.

ಈ ಪಂದ್ಯದಲ್ಲಿ ಭಾರತದ ಪರ ಸಂಜು ಸ್ಯಾಮ್ಸನ್​ ಭರ್ಜರಿ ಬ್ಯಾಟಿಂಗ್​ ಮಾಡಿ ಅಂತಾರಾಷ್ಟ್ರೀಯ ಏಕದಿನ ಪಂದ್ಯದಲ್ಲಿ ಚೊಚ್ಚಲ ಶತಕ ಸಿಡಿಸಿದರು. 114 ಎಸೆತೆಗಳನ್ನು ಎದುರಿಸಿದ ಸ್ಯಾಮ್ಸನ್​ 6 ಬೌಂಡರಿ 3 ಸಿಕ್ಸರ್​ ಸಮೇತ 108 ರನ್​ಗಳನ್ನು ಕಲೆಹಾಕಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದನ್ನೂ ಓದಿ: ಸಂಜು ಸ್ಯಾಮ್ಸ​ನ್ ಚೊಚ್ಚಲ ಶತಕ: ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತಕ್ಕೆ 78 ರನ್​ಗಳ ಜಯ; ಸರಣಿ ಕೈವಶ​