IND vs SA 2nd Test: ಠಾಕೂರ್​​​ ಬಿರುಗಾಳಿಗೆ ಹರಿಣಗಳು ತತ್ತರ, ಚೊಚ್ಚಲ 5 ವಿಕೆಟ್​ ಪಡೆದ 'ಲಾರ್ಡ್​​ ಶಾರ್ದೂಲ್​​'

ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ಟೀಂ ಇಂಡಿಯಾ ಪರ ಶಾರ್ದೂಲ್ ಠಾಕೂರ್​ ಐದು ವಿಕೆಟ್​ ಪಡೆದುಕೊಂಡಿದ್ದು, ಎದುರಾಳಿ ತಂಡದ ಬ್ಯಾಟಿಂಗ್​​ ಪಡೆ ಮೇಲೆ ಸವಾರಿ ನಡೆಸಿದರು.

ಜೋಹಾನ್ಸ್​ಬರ್ಗ್​​: ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ಟೀಂ ಇಂಡಿಯಾದ ಮಧ್ಯಮ ವೇಗಿ ಶಾರ್ದೂಲ್ ಠಾಕೂರ್​ ಚೊಚ್ಚಲ ಐದು ವಿಕೆಟ್​ ಪಡೆದುಕೊಂಡಿದ್ದಾರೆ.

ಇಲ್ಲಿನ ವಾಂಡರರ್ಸ್​​​ ಮೈದಾನದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​​ ಪಂದ್ಯದ ಎರಡನೇ ದಿನವಾದ ಇಂದು ದಕ್ಷಿಣ ಆಫ್ರಿಕಾ ಬ್ಯಾಟರ್​ಗಳನ್ನು ಕಾಡಿದ ಶಾರ್ದೂಲ್​​, ಮಾರಕ ಬೌಲಿಂಗ್​ ಪ್ರದರ್ಶನ ನೀಡಿದರು.

ಎರಡನೇ ಟೆಸ್ಟ್​​ ಪಂದ್ಯದ ಮೊದಲ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾ 202 ರನ್​​ಗಳಿಗೆ ಆಲೌಟ್​ ಆಗಿದೆ. ಬೃಹತ್ ರನ್​ ಕಲೆ ಹಾಕುವ ದಕ್ಷಿಣ ಆಫ್ರಿಕಾದ ಯೋಜನೆಗೆ ಶಾರ್ದೂಲ್​ ಠಾಕೂರ್​ ತಣ್ಣೀರೆರಚಿದ್ದು, ಈಗಾಗಲೇ 5 ವಿಕೆಟ್​ ಪಡೆದುಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾದ ಕ್ಯಾಪ್ಟನ್​ ಎಲ್ಗರ್​​(28), ಪಿಟರ್ಸನ್​(68), ದುಸ್ಸೆನ್​(1), ಬುವಂ(51), ಕೈಲೆ(21) ವಿಕೆಟ್​ ಕೀಳುವಲ್ಲಿ ಯಶಸ್ವಿಯಾದರು.

ಐದು ವಿಕೆಟ್​ ಪಡೆದು ಮಿಂಚಿದ ಶಾರ್ದೂಲ್​​

• ವಾಂಡರರ್ಸ್​ ಮೈದಾನದಲ್ಲಿ 5 ವಿಕೆಟ್ ಪಡೆದ ಭಾರತೀಯರು

6/53 ಅನಿಲ್ ಕುಂಬ್ಳೆ 1992/93

5/104 ಜಾವಗಲ್​ ಶ್ರೀನಾಥ್​ 1996/97

5/40 ಎಸ್​.ಶ್ರೀಶಾಂತ್​​​ 2006/07

5/54 ಜಸ್ಪ್ರೀತ್ ಬುಮ್ರಾ 2017/18

5/29 ಮೊಹಮ್ಮದ್​ ಶಮಿ 2017/18

5/37 ಶಾರ್ದೂಲ್ ಠಾಕೂರ್​​​ 2021/22

ಟೀ ವಿರಾಮದ ವೇಳೆಗೆ ದಕ್ಷಿಣ ಆಫ್ರಿಕಾ ಮೊದಲ ಇನ್ನಿಂಗ್ಸ್​​ನಲ್ಲಿ 195 ರನ್​​ಗಳಿಕೆ ಮಾಡಿ 7 ವಿಕೆಟ್​ ಕಳೆದುಕೊಂಡಿದ್ದು, ಇನ್ನೂ 7 ರನ್​​ಗಳ ಹಿನ್ನಡೆಯಲ್ಲಿದೆ.