ಮುಂಬೈ: ಭಾರತ ತಂಡದ ಸೀಮತ ಓವರ್ಗಳ ನಾಯಕ ರೋಹಿತ್ ಶರ್ಮಾ 2021ರಲ್ಲಿ ಟಿ-20 ಮತ್ತು ಟೆಸ್ಟ್ ಕ್ರಿಕೆಟ್ನಲ್ಲಿ ಅಧಿಕ ರನ್ ಗಳಿಸಿದ ಭಾರತದ ಬ್ಯಾಟರ್ ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ. ಇನ್ನು ಏಕದಿನ ಪಂದ್ಯಗಳಲ್ಲಿ ಅನುಭವಿ ಆರಂಭಿಕ ಬ್ಯಾಟರ್ ಶಿಖರ್ ಧವನ್ ಹೆಚ್ಚು ರನ್ಗಳಿಸಿದ್ದಾರೆ.
2021ರಲ್ಲಿ ರೋಹಿತ್ ಶರ್ಮಾ 11 ಪಂದ್ಯಗಳಲ್ಲಿ 906 ರನ್ಗಳಿಸಿ ಟೆಸ್ಟ್ ಕ್ರಿಕೆಟ್ನಲ್ಲಿ ಹೆಚ್ಚು ರನ್ಗಳಿಸಿದ ಭಾರತದ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಇವರ ನಂತರ ವಿಕೆಟ್ ಕೀಪರ್ ಬ್ಯಾಟರ್ ರಿಷಭ್ ಪಂತ್ 12 ಪಂದ್ಯಗಳಿಂದ 748, ಚೇತೇಶ್ವರ್ ಪೂಜಾರ 14 ಪಂದ್ಯಗಳಿಂದ 702, ವಿರಾಟ್ ಕೊಹ್ಲಿ 11 ಪಂದ್ಯಗಳಿಂದ 536 ರನ್ ಮತ್ತು ಅಜಿಂಕ್ಯ ರಹಾನೆ 13 ಪಂದ್ಯಗಳಿಂದ 478 ರನ್ಗಳಿಸಿದ್ದಾರೆ.
ಕನ್ನಡಿಗ ಕೆಎಲ್ ರಾಹುಲ್ ಕೇವಲ 5 ಪಂದ್ಯಗಳಿಂದ 461 ರನ್ಗಳಿಸಿ 7ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಜೊತೆಗೆ ರೋಹಿತ್ ಶರ್ಮಾ(2) ಜೊತೆಗೆ ಹೆಚ್ಚು ಶತಕ ಸಿಡಿಸದ ಬ್ಯಾಟರ್ ಎನಿಸಿಕೊಂಡಿದ್ದಾರೆ.
ಟಿ-20 ಕ್ರಿಕೆಟ್ನಲ್ಲೂ ರೋಹಿತ್ ಶರ್ಮಾ ಗರಿಷ್ಠ ಸ್ಕೋರರ್
ರೋಹಿತ್ ಶರ್ಮಾ 2021ರಲ್ಲಿ 11 ಟಿ-20 ಪಂದ್ಯಗಳನ್ನಾಡಿದ್ದು, 424 ರನ್ಗಳಿಸಿದ್ದಾರೆ. 2ನೇ ಸ್ಥಾನದಲ್ಲಿ ವಿರಾಟ್ ಕೊಹ್ಲಿ ಇದ್ದು, 10 ಪಂದ್ಯಗಳಿಂದ 299, ರಾಹುಲ್ 11 ಪಂದ್ಯಗಳಿಂದ 289, ಸೂರ್ಯಕುಮಾರ್ ಯಾದವ್ 244 ರನ್ ಹಾಗೂ ಪಂತ್ 13 ಪಂದ್ಯಗಳಿಂದ 213 ರನ್ಗಳಿಸಿದ್ದಾರೆ.
ಏಕದಿನ ಕ್ರಿಕೆಟ್ನಲ್ಲಿ ಶಿಖರ್ ಧವನ್
2021ರಲ್ಲಿ ಭಾರತ ತಂಡ ಕೇವಲ 6 ಏಕದಿನ ಪಂದ್ಯಗಳನ್ನಾಡಿದೆ. ಅದರಲ್ಲಿ 3 ಪಂದ್ಯಗಳನ್ನು ಭಾರತ ದ್ವಿತೀಯ ದರ್ಜೆ ತಂಡ ಶ್ರೀಲಂಕಾ ಪ್ರವಾಸದಲ್ಲಿ ಆಡಿದೆ. ಉಳಿದ ಮೂರು ಪಂದ್ಯಗಳನ್ನು ಇಂಗ್ಲೆಂಡ್ ವಿರುದ್ಧ ಮಾರ್ಚ್ನಲ್ಲಿ ಆಡಿತ್ತು. 6 ಪಂದ್ಯಗಳಲ್ಲಿ ಆಡಿದ್ದ ಶಿಖರ್ ಧವನ್ 297 ರನ್ಗಳಿಸಿದ್ದಾರೆ. 3 ಪಂದ್ಯಗಳನ್ನಾಡಿದ ರಾಹುಲ್177 ರನ್ಗಳಿಸಿ 2ನೇ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ:ಮುಂದುವರಿದ ವಿರಾಟ್ ವೈಫಲ್ಯ: ಸತತ 2ನೇ ವರ್ಷವೂ ಶತಕವಿಲ್ಲದೇ ಕೊನೆಗೊಳಿಸಿದ ಕೊಹ್ಲಿ
