ಜೈಪುರ : ಭಾರತ ತಂಡದ ಮಾಜಿ ವೇಗಿ ಪಂಕಜ್ ಸಿಂಗ್ ಎಲ್ಲಾ ಮಾದರಿಯ ಕ್ರಿಕೆಟ್ಗೆ ಶನಿವಾರ ನಿವೃತ್ತಿ ಘೋಷಿಸಿದ್ದಾರೆ. 36 ವರ್ಷದ ವೇಗಿ ಭಾರತ ತಂಡದ ಪರ 2 ಟೆಸ್ಟ್ ಮತ್ತು ಒಂದು ಏಕದಿನ ಪಂದ್ಯವನ್ನಾಡಿದ್ದರು. 2010ರಲ್ಲಿ ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದ ಪಂಕಜ್, 2014ರಲ್ಲಿ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು.
ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಹೇಳಿಕೊಳ್ಳುವಂತಹ ಸಾಧನೆ ಮಾಡದ ಪಂಕಜ್ ದೇಶಿ ಕ್ರಿಕೆಟ್ನಲ್ಲಿ ರಾಜಸ್ಥಾನ ತಂಡ 2010-11ಮತ್ತು 2011-12ರಲ್ಲಿ ರಣಜಿ ಟ್ರೋಫಿ ಗೆಲ್ಲುವುದಕ್ಕೆ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಅವರು 117 ಪ್ರಥಮ ದರ್ಜೆ ಪಂದ್ಯಗಳಿಂದ 472 ವಿಕೆಟ್ ಪಡೆದಿದ್ದಾರೆ. ಐಪಿಎಲ್ನಲ್ಲಿ 17 ಪಂದ್ಯಗಳನ್ನಾಡಿದ್ದು, ಆರ್ಸಿಬಿ ಮತ್ತು ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿ ಕಾಣಿಸಿದ್ದರು.
"ಈ ದಿನ ನನ್ನ ಪಾಲಿಗೆ ಕಠಿಣ ದಿನವಾಗಿದೆ. ಆದರೂ ಇಂದು ನಾನು ಕೃತಜ್ಞತೆ ತಿಳಿಸುವ ದಿನವೂ ಕೂಡ ಆಗಿದೆ. ಆರ್ಸಿಎ, ಬಿಸಿಸಿಐ, ಐಪಿಎಲ್ ಮತ್ತು ಸಿಎಪಿ ಪರ ಆಡಿರುವುದು ನನಗೆ ದೊಡ್ಡ ಗೌರವವಾಗಿದೆ" ಎಂದು ಪಂಕಜ್ ಸಿಂಗ್ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
"ನಾನು ಆರ್ಸಿಎ(ರಾಜಸ್ಥಾನ್ ಕ್ರಿಕೆಟ್ ಮಂಡಳಿ) ಪರ 15 ವರ್ಷ ಆಡಿದ್ದು, ಹಲವು ಮೈಲುಗಲ್ಲನ್ನು ತಲುಪಿದ್ದೇನೆ. ಆರ್ಸಿಬಿ ನೆರಳಲ್ಲಿ ಅಪಾರ ಅನುಭವಗಳಿಸಿಕೊಂಡಿದ್ದೇನೆ. ಆರ್ಸಿಎ ಜೊತೆಗಿನ ನನ್ನ ಪಯಣ ಸದಾ ನೆನಪಿನಲ್ಲಿರುತ್ತದೆ. ನಿವೃತ್ತಿ ನಿರ್ಧಾರ ಸುಲಭವಲ್ಲದಿದ್ದರೂ, ಪ್ರತಿಯೊಬ್ಬ ಕ್ರೀಡಾಪಟುವಿನ ಜೀವನದಲ್ಲಿ ಈ ದಿನ ಬಂದೇ ಬರುತ್ತದೆ. ತುಂಬು ಹೃದಯದಿಂದ ಮತ್ತು ಮಿಶ್ರ ಭಾವನೆಗಳಿಂದ ಇಂದು ನಾನು ಎಲ್ಲಾ ಸ್ವರೂಪದ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸುತ್ತಿದ್ದೇನೆ" ಎಂದು ಸಿಂಗ್ ಹೇಳಿದ್ದಾರೆ.
ಇದನ್ನು ಓದಿ: ಹರ್ಭಜನ್ ಸಿಂಗ್-ಗೀತಾ ಬಸ್ರಾ ದಂಪತಿಗೆ 2ನೇ ಮಗು ಜನನ.. ಪುತ್ರನ ಆಗಮನಕ್ಕೆ Turbanator ಖುಷ್..
