ಸೆಹ್ವಾಗ್, ಕೀರ್ಮಾನಿ ಜತೆಗೆ ವಿಶೇಷ ದಾಖಲೆಗೆ ಪಾತ್ರರಾದ ಕನ್ನಡಿಗ ಕೆಎಲ್ ರಾಹುಲ್​

ಕರ್ನಾಟಕ ಬ್ಯಾಟರ್​ 50 ಏಕದಿನ ಪಂದ್ಯಗಳನ್ನಾಡದೇ ನಾಯಕತ್ವ ಪಡೆದ 2ನೇ ಭಾರತೀಯ ಎನಿಸಿದರು. ಅವರು 39ನೇ ಪಂದ್ಯದಲ್ಲಿ ಟೀಂ​ ಇಂಡಿಯಾ ನಾಯಕನಾದರೆ, 1984ರ ಅಕ್ಟೋಬರ್​ನಲ್ಲಿ ಮೋಹಿಂದರ್ ಅಮರ್​ನಾಥ್​ 35 ಪಂದ್ಯಗಳನ್ನಾಡಿ ಭಾರತ ತಂಡವನ್ನು ಮುನ್ನಡೆಸಿದ್ದರು..

ಪಾರ್ಲ್​(ದಕ್ಷಿಣ ಆಫ್ರಿಕಾ) : ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಏಕದಿನ ಸರಣಿಯಲ್ಲಿ ಕೆ ಎಲ್ ರಾಹುಲ್​ ಭಾರತ ತಂಡವನ್ನು ಮುನ್ನಡೆಸುವ ಮೂಲಕ 50 ಓವರ್​ಗಳ ಕ್ರಿಕೆಟ್​ನಲ್ಲಿ ಹಿಂದೆ ಒಂದೂ ಪಂದ್ಯದಲ್ಲಿ ನಾಯಕನಾಗದೇ ನೇರವಾಗಿ ರಾಷ್ಟ್ರೀಯ ತಂಡವನ್ನು ಮುನ್ನಡೆಸಿದ 3ನೇ ಭಾರತೀಯ ಕ್ರಿಕೆಟರ್ ಎನಿಸಿದ್ದಾರೆ.

ವೀರೇಂದ್ರ ಸೆಹ್ವಾಗ್​ ಮತ್ತು ವಿಕೆಟ್ ಕೀಪರ್ ಸೈಯದ್ ಕೀರ್ಮಾನಿ ಈ ಹಿಂದೆ ಲಿಸ್ಟ್​ ಕ್ರಿಕೆಟ್​ನಲ್ಲಿ ನಾಯಕನಾಗದೇ ನೇರವಾಗಿ ಭಾರತ ತಂಡವನ್ನು ಮುನ್ನಡೆಸಿದ್ದರು.

ಕೊಹ್ಲಿ ಟಿ20 ನಾಯಕತ್ವಕ್ಕೆ ರಾಜೀನಾಮೆ ನೀಡಿದ ನಂತರ ಏಕದಿನ ನಾಯಕತ್ವದಿಂದ ಬಿಸಿಸಿಐ ವಜಾಗೊಳಿಸಿ, ಮುಂಬೈಕರ್​ ರೋಹಿತ್ ಶರ್ಮಾರನ್ನು ಏಕದಿನ ತಂಡದ ನಾಯಕನಾಗಿ ನೇಮಿಸಲಾಗಿತ್ತು. ಆದರೆ, ರೋಹಿತ್ ಫಿಟ್​ ಆಗಿಲ್ಲದ ಕಾರಣ ಕನ್ನಡಿಗ ರಾಹುಲ್​ರನ್ನು ಆಯ್ಕೆ ಸಮಿತಿ ನಾಯಕನನ್ನಾಗಿ ನೇಮಿಸಿತ್ತು.

ಕರ್ನಾಟಕ ಬ್ಯಾಟರ್​ 50 ಏಕದಿನ ಪಂದ್ಯಗಳನ್ನಾಡದೇ ನಾಯಕತ್ವ ಪಡೆದ 2ನೇ ಭಾರತೀಯ ಎನಿಸಿದರು. ಅವರು 39ನೇ ಪಂದ್ಯದಲ್ಲಿ ಟೀಂ​ ಇಂಡಿಯಾ ನಾಯಕನಾದರೆ, 1984ರ ಅಕ್ಟೋಬರ್​ನಲ್ಲಿ ಮೋಹಿಂದರ್ ಅಮರ್​ನಾಥ್​ 35 ಪಂದ್ಯಗಳನ್ನಾಡಿ ಭಾರತ ತಂಡವನ್ನು ಮುನ್ನಡೆಸಿದ್ದರು.

ಇದನ್ನೂ ಓದಿ:ಟೆನಿಸ್ ಅಭಿಮಾನಿಗಳಿಗೆ ಶಾಕ್... ನಿವೃತ್ತಿ ನಿರ್ಧಾರ ಪ್ರಕಟಿಸಿದ ಸಾನಿಯಾ ಮಿರ್ಜಾ