ಏಷ್ಯಾಕಪ್​ 2023: ಭಾರತ - ಪಾಕಿಸ್ತಾನ ಪಂದ್ಯಕ್ಕೆ ಮಳೆ ಅಡ್ಡಿ.. ಸೂಪರ್​-4 ಹಂತಕ್ಕೆ ಬಾಬರ್​ ಪಡೆ

Asia Cup 2023 Pakistan vs India: ಪಾಕಿಸ್ತಾನದ ಇನ್ನಿಂಗ್ಸ್​​ಗೆ ಮಳೆ ಅವಕಾಶ ಕೊಡದ ಕಾರಣ ಪಂದ್ಯವನ್ನು ರದ್ದು ಮಾಡಲಾಗಿದೆ.

ಕ್ಯಾಂಡಿ (ಶ್ರೀಲಂಕಾ): ಭಾರತ ಮತ್ತು ಪಾಕಿಸ್ತನ ನಡುವಣ ಏಷ್ಯಾಕಪ್​ ಪಂದ್ಯ ಒಂದು ಇನ್ನಿಂಗ್ಸ್​​ನ್ನು ಮಾತ್ರ ಕಂಡಿತು. ಪಾಕಿಸ್ತಾನದ ಬ್ಯಾಟಿಂಗ್​ಗೆ ಅವಕಾಶವೇ ಸಿಗದಂತೆ ಸುರಿದ ಮಳೆಯ ಕಾರಣ ಪಂದ್ಯವನ್ನು ರದ್ದು ಮಾಡಲಾಗಿದೆ. ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ್ದ ಭಾರತ 267 ರನ್​ನ ಗುರಿಯನ್ನು ಪಾಕಿಸ್ತಾನಕ್ಕೆ ನೀಡಿತ್ತು. ಆದರೆ ಎರಡನೇ ಇನ್ನಿಂಗ್ಸ್​ಗೆ ವರುಣ ಅವಕಾಶವನ್ನೇ ನೀಡಲಿಲ್ಲ.

ಪಾಕಿಸ್ತಾನದ ಸ್ಟಾರ್​ ಬೌಲರ್​​ಗಳಾದ ಶಾಹೀನ್ ಅಫ್ರಿದಿ, ನಸೀಮ್ ಶಾ ಮತ್ತು ಹ್ಯಾರಿಸ್ ರೌಫ್ ದಾಳಿಗೆ ಒಮ್ಮೆ ಭಾರತ ಬ್ಯಾಟಿಂಗ್​ ಬಲ ನಲುಗಿದರೂ ನಂತರ ಪುಟಿದೆದ್ದು ಸ್ಪರ್ಧಾತ್ಮಕ ಗುರಿಯನ್ನು ಕಲೆಹಾಕಿತ್ತು. ಮಧ್ಯಮ ಕ್ರಮಾಂಕದಲ್ಲಿ ಉತ್ತಮ ಫಾರ್ಮ್​ನಲ್ಲಿರುವ ಇಶಾನ್​ ಕಿಶನ್​ ಮತ್ತು ಉಪನಾಯಕ ಹಾರ್ದಿಕ್​ ಪಾಂಡ್ಯ ಭಾರತಕ್ಕೆ ಆಸರೆಯಾಗಿ ನಿಂತರು. ಈ ಜೋಡಿ 138 ರನ್​ ಜೊತೆಯಾಟವನ್ನೂ ಮಾಡಿತು. ಈ ಜೊತೆಯಾಟದ ನೆರವಿನಿಂದ ಭಾರತ 250 ಗಡಿ ದಾಟಿತು. ದುರಾದೃಷ್ಟವಶಾತ್ ಈ ಇಬ್ಬರು ಬ್ಯಾಟರ್​ಗಳು ಶತಕ ಗಳಿಸುವಲ್ಲಿ ಎಡವಿದರು.

ಆದರೂ 66 ರನ್​ಗೆ 4 ವಿಕೆಟ್​ ಕಳೆದುಕೊಂಡು 100 ಗಡಿ ದಾಟುವುದು ಅನುಮಾನ ಎಂಬಂತಿದ್ದ ಕ್ಷಣವನ್ನು ಇಬ್ಬರು ಬದಲಾಯಿಸಿ 200 ಗಡಿ ದಾಟಿಸಿದ್ದರು. ತಂಡ 204 ರನ್​ ಗಳಸಿದ್ದಾಗ 82 ರನ್​ ಗಳಿಸಿದ್ದ ಇಶಾನ್​ ಕಿಶನ್​ ವಿಕೆಟ್​ ಪತನ ಆಗುವ ಮೂಲಕ 18 ರನ್​ನಿಂದ ಅವರ ಶತಕ ತಪ್ಪಿದರೆ, ನೂರು ರನ್​ ಮೀರಿ ಬೆಳೆದಿದ್ದ ಜೊತೆಯಾಟವೂ ಅಂತ್ಯವಾಗಿತ್ತು. ಕಿಶನ್​ ಬೆನ್ನಲ್ಲೇ ಹಾರ್ದಿಕ್​ ಪಾಂಡ್ಯ ವಿಕೆಟ್​ ಸಹ ಪತನವಾಯಿತು. 87 ರನ್​ ಗಳಿಸಿ ಶತಕಕ್ಕೆ ಇನ್ನು 13 ರನ್​ ಬಾಕಿ ಇದ್ದಾಗ ಉಪನಾಯಕ ಸಹ ವಿಕೆಟ್​ ಒಪ್ಪಿಸಿದರು. 300 ಗಡಿ ತಲುಪುವ ಅಂದಾಜು ಅಲ್ಲಿಂದ ಕೈತಪ್ಪಿತು. ಈ ಎರಡು ವಿಕೆಟ್​ನ ನಂತರ ಕೊನೆಯ 4 ವಿಕೆಟ್​ಗೆ ಭಾರತ ಕೇವಲ 27 ರನ್​ ಕಲೆಹಾಕಿತು. 7 ಮತ್ತು 8ನೇ ವಿಕೆಟ್​ನಲ್ಲಿ ಆಲ್​ರೌಂಡರ್​ಗಳಿದ್ದರೂ ಸಮರ್ಥ ಪ್ರದರ್ಶನ ಕಾಣಲಿಲ್ಲ.

• No result! Both teams get one point each. 🌧️
  
  With Pakistan beating Nepal before, they now sit on three points and have secured a place in the super 4s. India have to beat Nepal in their next fixture to qualify! #AsiaCup2023 #PAKvIND pic.twitter.com/VH6Uw4nhoD

  — AsianCricketCouncil (@ACCMedia1) September 2, 2023 " class="align-text-top noRightClick twitterSection" data="

  No result! Both teams get one point each. 🌧️
  
  With Pakistan beating Nepal before, they now sit on three points and have secured a place in the super 4s. India have to beat Nepal in their next fixture to qualify! #AsiaCup2023 #PAKvIND pic.twitter.com/VH6Uw4nhoD

  — AsianCricketCouncil (@ACCMedia1) September 2, 2023

  ">

  No result! Both teams get one point each. 🌧️
  
  With Pakistan beating Nepal before, they now sit on three points and have secured a place in the super 4s. India have to beat Nepal in their next fixture to qualify! #AsiaCup2023 #PAKvIND pic.twitter.com/VH6Uw4nhoD

  — AsianCricketCouncil (@ACCMedia1) September 2, 2023

ಭಾರತ ಇನ್ನಿಂಗ್ಸ್​​ಗೂ ಕಾಡಿದ್ದ ಮಳೆ: ಟಾಸ್​ ಆಗಿ ಇಬ್ಬರು ಆರಂಭಿಕರು ಮೈದಾನಕ್ಕಿಳಿದು 4.2 ಓವರ್​​ ಆಗುತ್ತಿದ್ದಂತೆ ಮಳೆ ಶುರುವಿಟ್ಟುಕೊಂಡಿತ್ತು. ಈ ವೇಳೆ 20 ನಿಮಿಷ ಪಂದ್ಯವನ್ನು ನಿಲ್ಲಿಸಲಾಯಿತು. ನಂತರ ಸತತ ಎರಡು ವಿಕೆಟ್​ ಪತನವಾಯಿತು ಮತ್ತು 10 ಓವರ್​ನ ನಡುವೆ ಮಳೆ ಕಾಡಿತು. ಆದರೆ ನಂತರ ಆಕಾಶದಲ್ಲಿ ಸೂರ್ಯನ ದರ್ಶನ ಆಗಿದ್ದರಿಂದ ಮಳೆ ದೂರ ಹೋದ ಅಂದಾಜು ಮಾಡಲಾಗಿತ್ತು. ಆದರೆ ಮೊದಲ ಇನ್ನಿಂಗ್ಸ್​ ಪೂರ್ಣಗೊಂಡ ಬೆನ್ನಲ್ಲೇ ಎರಡನೇ ಇನ್ನಿಂಗ್ಸ್​ಗೆ ಅವಕಾಶ ಕೊಡದಂತೆ ಮಳೆ ಬಂದ ಕಾರಣ ಎರಡೂ ತಂಡಕ್ಕೆ ಒಂದೊಂದು ಅಂಕ ಹಂಚಲಾಯಿತು.

ಸೂಪರ್​ ಫೋರ್​ ಪಾಕ್​ ಎಂಟ್ರಿ: ನೇಪಾಳದ ಮೇಲೆ ಬೃಹತ್ ಜಯ ಸಾಧಿಸಿದ ಪಾಕಿಸ್ತಾನ ತಂಡ ಎರಡು ಅಂಕವನ್ನು ಪಡೆದುಕೊಂಡು ಎ ಗುಂಪಿನ ಟಾಪ್​ ತಂಡವಾಗುತ್ತು. ಇಂದಿನ ಪಂದ್ಯದಲ್ಲಿ 1 ಅಂಕ ಸೇರಿ 3 ಪಾಯಿಂಟ್​ನೊಂದಿಗೆ ಮುಂದಿನ ಹಂಚ ಸೂಪರ್​ ಫೋರ್​ಗೆ ಪಾಕಿಸ್ತಾನ ಕ್ವಾಲಿಫೈ ಆಗಿದೆ. ಭಾರತ ಸಪ್ಟೆಂಬರ್​ 4ರಂದು ನೇಪಾಳದ ವಿರುದ್ಧ ಪಂದ್ಯ ಆಡಲಿದ್ದು, ಅದರಲ್ಲಿ ಗೆದ್ದಲ್ಲಿ ಅಥವಾ ಪಂದ್ಯ ರದ್ದಾದಲ್ಲಿ ಕ್ವಾಲಿಫೈ ಆಗಲಿದೆ. ಸೋತಲ್ಲಿ ಏಷ್ಯಾಕಪ್​ನಿಂದ ಹೊರಗುಳಿಯಬೇಕಾಗುತ್ತದೆ.

ಇದನ್ನೂ ಓದಿ: IND vs PAK: ಕಿಶನ್​ ಅರ್ಧಶತಕ.. ಸಂಕಷ್ಟದಲ್ಲಿದ್ದ ಭಾರತಕ್ಕೆ ಉಪನಾಯಕ ಹಾರ್ದಿಕ್​ ಆಸರೆ​.. 30 ಓವರ್​ಗೆ 149/4