ಕೋಲ್ಕತ್ತಾ: ಐಪಿಎಲ್ ಮೆಗಾ ಹರಾಜಿನಲ್ಲಿ 10.75 ಕೋಟಿ ರೂ ಪಡೆದಿದ್ದ ವೆಸ್ಟ್ ಇಂಡೀಸ್ ತಂಡದ ಬ್ಯಾಟರ್ ನಿಕೋಲಸ್ ಪೂರನ್ ಬಯೋಬಬಲ್ ಒಳಗೆ ತಮ್ಮ ತಂಡದ ಸಹಾ ಆಟಗಾರರಿಗೆ 15,000 ರೂ ಮೌಲ್ಯದ ಪಿಜ್ಜಾ ಪಾರ್ಟಿ ನೀಡಿದ್ದಾರೆ.
ಪೂರನ್ 2021ರ ಹರಾಜಿನಲ್ಲಿ 7.72 ರ ಸರಾಸರಿಯಲ್ಲಿ ಕೇವಲ 85 ರನ್ಗಳಿಸಿದ್ದರು. ಆದರೂ ಮೆಗಾ ಹರಾಜಿನಲ್ಲಿ 10.75 ಕೋಟಿ ರೂ. ನೀಡಿ ಸನ್ರೈಸರ್ಸ್ ಹೈದರಾಬಾದ್ ವಿಂಡೀಸ್ ಎಡಗೈ ಬ್ಯಾಟರ್ನನ್ನು ಖರೀದಿಸಿತು. ಈ ಸಂಭ್ರಮದಲ್ಲಿ ಕೆರಿಬಿಯನ್ ಸ್ಟಾರ್ ಹೊರಗಡೆ ಪಾರ್ಟಿ ಮಾಡಲು ಸಾಧ್ಯವಾಗದಿರುವುದರಿಂದ ಹೋಟೆಲ್ನಲ್ಲೇ ಸಿಗುವ 1000 ರೂ ಮೌಲ್ಯದ 15 ಪಿಜ್ಜಾಗಳನ್ನು ತಂಡದ ಆಟಗಾರರಿಗೆ ಕೊಡಿಸಿದ್ದಾರೆ.
ಹೋಟೆಲ್ ಒಳಗೆ ಹೊರಗಡೆಯ ಅಹಾರವನ್ನು ಸ್ವೀಕರಿಸುವುದಕ್ಕೆ ಅನುಮತಿಯಿಲ್ಲದಿರುವುದರಿಂದ ಪೂರನ್ ಹೋಟೆಲ್ ಚೆಫ್ಗೆ 15 ಪಿಜ್ಜಾಗೆ ಆರ್ಡರ್ ಮಾಡಿದ್ದರು ಎಂದು ಸ್ಥಳೀಯ ಟೀಮ್ ಮ್ಯಾನೇಜರ್ ಹೇಳಿದ್ದಾರೆ.
ಅಂತಾರಾಷ್ಟ್ರೀಯ ಪಂದ್ಯವಾಗಿರುವುದರಿಂದ ಎರಡೂ ತಂಡಗಳು ಗ್ರೇಡ್ 1 ಬಯೋಬಬಲ್ನಲ್ಲಿವೆ. ಪ್ರತಿಯೊಂದು ವಸ್ತುಗಳನ್ನು ಸ್ಯಾನಿಟೈಜ್ ಮಾಡಲಾಗುತ್ತದೆ. ಇಂದು ಆಟಗಾರರಿಗೆ ತಲುಪಿಸಿದ ಪಿಜ್ಜಾ ಬಾಕ್ಸ್ಗಳನ್ನು ಆಟಗಾರರಿಗೆ ನೀಡುವ ಮುನ್ನ ಸ್ಯಾನಿಟೈಸರ್ ನೀಡಲಾಗಿತ್ತು. ಇನ್ನು ಭಾರತ ಪ್ರವಾಸದಲ್ಲಿರುವ ವಿಂಡೀಸ್ 3 ಪಂದ್ಯಗಳ ಏಕದಿನ ಸರಣಿಯನ್ನು 0-3ರಲ್ಲಿ ಕಳೆದುಕೊಂಡಿದೆ. ಇದೀಗ ಟಿ-20 ಯಲ್ಲಿ ತಿರುಗೇಟು ನೀಡುವ ಆಲೋಚನೆಯಲ್ಲಿದೆ.
ಇದನ್ನೂ ಓದಿ:ಮಹಿಳಾ ಏಕದಿನ ವಿಶ್ವಕಪ್: ಸತತ 2ನೇ ಬಾರಿ ಬಹುಮಾನ ಮೊತ್ತ ದ್ವಿಗುಣಗೊಳಿಸಿದ ಐಸಿಸಿ
