NZ vs SL ಟೆಸ್ಟ್​​​ : ನ್ಯೂಜಿಲ್ಯಾಂಡ್​ ಕಾಡಿದ ಸಿಂಹಳೀಯರು, ತವರು ಪಿಚ್​ನಲ್ಲಿ ಕಿವೀಸ್​ ಪರದಾಟ

ಕಿವೀಸ್​ ನೆಲೆದಲ್ಲಿ ಲಂಕಾ ತಂಡದ ಪಾರಮ್ಯ - ಮೊದಲ ಇನ್ನಿಂಗ್ಸ್​ನಲ್ಲಿ 355 ರನ್​ ಗಳಿಸಿದ ಸಿಂಹಳೀಯರು - ಎರಡನೇ ದಿನದ ಆಟದ ಅಂತ್ಯಕ್ಕೆ 162ಕ್ಕೆ 5 ವಿಕೆಟ್​ ಕಳೆದುಕೊಂಡಿರುವ ನ್ಯೂಜಿಲ್ಯಾಂಡ್​​

ಕ್ರೈಸ್ಟ್‌ಚರ್ಚ್ (ನ್ಯೂಜಿಲ್ಯಾಂಡ್​ ​): ಭಾರತ-ಆಸಿಸ್ ನಡುವೆ ಕೊನೆಯ ಟೆಸ್ಟ್​ ಅಹಮದಾಬಾದ್​ನಲ್ಲಿ ನಡೆಯುತ್ತಿದೆ, ಇದರಲ್ಲಿ ಗೆದ್ದರೆ ಭಾರತ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಆಡುವುದು ಪಕ್ಕಾ ಆಗಲಿದೆ. ಭಾರತ ಸೋತಲ್ಲಿ ಶ್ರೀಲಂಕಾಗೆ ಫೈನಲ್​ ಪ್ರವೇಶಕ್ಕೆ ಅವಕಾಶ ತೆರೆದುಕೊಳ್ಳಲಿದೆ. ಇದಕ್ಕಾಗಿ ನ್ಯೂಜಿಲ್ಯಾಂಡ್​ನಲ್ಲೇ ಸಿಂಹಳೀಯರು ಕಿವೀಸ್​ನ್ನು ಕ್ಲೀನ್​ ಸ್ಪೀಪ್​ ಮಾಡಬೇಕಿದೆ.

ನ್ಯೂಜಿಲ್ಯಾಂಡ್​ ​ನಲ್ಲಿ ಶ್ರೀಲಂಕಾದ ಆಟಗಾರು ಮೊದಲೆರಡು ದಿನ ತಮ್ಮ ಹಿಡಿತವನ್ನು ಸಾಧಿಸಿದ್ದಾರೆ. ಟಾಸ್​ ಗೆದ್ದು ಕಿವೀಸ್​ ನಾಯಕ ಟೀಮ್​ ಸೌಥಿ ಕ್ಷೇತ್ರ ರಕ್ಷಣೆ ಆಯ್ದುಕೊಂಡರು. ಲಂಕಾ ಬ್ಯಾಟರ್​ಗಳು ಸೌಥಿ ಪಡೆಯ ಬೌಲಿಂಗ್​ಗೆ ತಕ್ಕ ಉತ್ತರವನ್ನು ನೀಡಿ ಮೊದಲ ಇನ್ನಿಂಗ್ಸ್​​ಗೆ 355 ರನ್​ ಗಳಿಸಿದರು. ಮೊದಲ ದಿನ ಶ್ರೀಲಂಕಾ 6 ವಿಕೆಟ್​ ನಷ್ಟಕ್ಕೆ 305 ಗಳಿಸಿತ್ತು. ಇಂದು 17.4 ಓವರ್​ ಆಡಿದ ಲಂಕಾ ನಿನ್ನೆಯ ಸ್ಕೋರ್​ಗೆ 50 ಸೇರಿಸುವಷ್ಟರಲ್ಲಿ 4 ವಿಕೆಟ್​ ಕಳೆದುಕೊಂಡಿತು.

• Sri Lanka are on top in the first Test against New Zealand as they look to press their claims for a #WTC23 Final berth 🔥
  
  📝 https://t.co/sRBwLQxfUB | 📺 https://t.co/CPDKNxoJ9v (in select regions) pic.twitter.com/EJXNyZd5uF

  — ICC (@ICC) March 10, 2023 " class="align-text-top noRightClick twitterSection" data="

  Sri Lanka are on top in the first Test against New Zealand as they look to press their claims for a #WTC23 Final berth 🔥
  
  📝 https://t.co/sRBwLQxfUB | 📺 https://t.co/CPDKNxoJ9v (in select regions) pic.twitter.com/EJXNyZd5uF

  — ICC (@ICC) March 10, 2023

  ">

  Sri Lanka are on top in the first Test against New Zealand as they look to press their claims for a #WTC23 Final berth 🔥
  
  📝 https://t.co/sRBwLQxfUB | 📺 https://t.co/CPDKNxoJ9v (in select regions) pic.twitter.com/EJXNyZd5uF

  — ICC (@ICC) March 10, 2023

ಆರಂಭಿಕ ಓಶಾದ ಫೆರ್ನಾಂಡೊ 13ಕ್ಕೆ ಔಟ್​ ಆದರು. ನಂತರ ನಾಯಕ ದಿಮುತ್ ಕರುಣಾರತ್ನೆ ಮತ್ತು ಕುಸಾಲ್ ಮೆಂಡಿಸ್​ ತಂಡಕ್ಕೆ ಉತ್ತಮ ಜೊತೆಯಾಟ ನೀಡಿದರು. ನಾಯಕ ಜೊತೆ ಸೇರಿದ ಕುಸಾಲ್ ಮೆಂಡಿಸ್​ ಬಿರುಸಿನ ಆಟ ಆಡಿ ಅರ್ಧಶತಕ ಗಳಿಸಿದರು. 83 ಎಸೆತಗಳನ್ನು ಎದುರಿಸಿದ ಅವರು 16 ಬೌಂಡರಿಯಿಂದ 87 ರನ್​ ಗಳಿಸಿ ನಾಯಕ ಸೌಥಿಗೆ ವಿಕೆಟ್​ ಒಪ್ಪಿಸಿರು. ಇವರ ಬೆನ್ನಲ್ಲೇ 50 ರನ್​ ಗಳಿಸಿ ಆಡುತ್ತಿದ್ದ ಲಂಕಾ ಸಾರಥಿ ಕರುಣಾರತ್ನೆ ಮ್ಯಾಟ್ ಹೆನ್ರಿಗೆ ಔಟ್​ ಆದರು.

ಏಂಜೆಲೊ ಮ್ಯಾಥ್ಯೂಸ್ (47), ದಿನೇಶ್ ಚಾಂಡಿಮಲ್ (36) ಮತ್ತು ಧನಂಜಯ ಡಿ ಸಿಲ್ವಾ (46) ರನ್​ ಗಳಿಸಿದರು. ವಿಕೆಟ್​ ಕೀಪರ್​ ನಿರೋಶನ್ ಡಿಕ್ವೆಲ್ಲಾ 7 ರನ್​ಗೆ ಔಟ್​ ಆದರೆ ನಂತರ ಬಂದ ಕಸುನ್ ರಜಿತಾ (22), ಪ್ರಭಾತ್ ಜಯಸೂರ್ಯ (13), ಅಸಿತ ಫೆರ್ನಾಂಡೊ (13) ಮತ್ತು ಲಹಿರು ಕುಮಾರ (10) ಸಾಧಾರಣ ಬ್ಯಾಟ್​ ಮಾಡಿ ಕಿವೀಸ್​ ವಿರುದ್ಧ 350+ ರನ್​ ಗಳಿಸಲು ನೆರವಾದರು.

ಮೊದಲ ಇನ್ನಿಂಗ್ಸ್​ ಆರಂಭಿಸಿದ ನ್ಯೂಜಿಲೆಂಡ್​ ತವರು ನೆಲದಲ್ಲೇ ಲಂಕಾ ಬೌಲರ್​ಗಳ ದಾಳಿಗೆ ನಲುಗಿದೆ. ದಿನದಾಟದ ಅಂತ್ಯದ ವೇಳೆಗೆ 162 ರನ್​ಗೆ ನ್ಯೂಜಿಲೆಂಡ್​ನ 5 ವಿಕೆಟ್​ಗಳ ಪತನವಾಗಿದೆ. ಆರಂಭಿಕ ಆಟಗಾರರಾದ ಟಾಮ್ ಲ್ಯಾಥಮ್ ಮತ್ತು ಡೆವೊನ್ ಕಾನ್ವೇ 50+ ರನ್​ನ ಜೊತೆಯಾಟ ಮಾಡಿದ್ದು ಹಾಗೂ ಡೇರಿಲ್ ಮಿಚೆಲ್ ಅವರ 40 ರನ್​ ತಂಡಕ್ಕೆ 150+ ರನ್​ ಗಳಿಗೆ ಸಹಕಾರವಾಗಿದೆ.

ಲಂಕಾ ಬೌಲರ್​ ಅಸಿತ ಫೆರ್ನಾಂಡೊ 30ರನ್​ ಗಳಿಸಿ ಆಡುತ್ತಿದ್ದ ಕಾನ್ವೇ ವಿಕೆಟ್​ ಪಡೆದರು. ಇವರ ಬೆನ್ನಲ್ಲೆ ಲಹಿರುಗೆ ಕೇನ್ ವಿಲಿಯಮ್ಸನ್ (1) ಮತ್ತು ಹೆನ್ರಿ ನಿಕೋಲ್ಸ್ (2) ವಿಕೆಟ್​ ಒಪ್ಪಿಸಿದರು. ಉತ್ತಮ ಲಯದಲ್ಲಿ ಬ್ಯಾಟ್​ ಬೀಸುತ್ತಿದ್ದ ಟಾಮ್​ ಲ್ಯಾಥಮ್​ 67 ರನ್​ ಗಳಿಸಿದ್ದಾಗ ಔಟ್​ ಆದರು. ಕಸುನ್ ರಜಿತಾ ಅವರು ಟಾಮ್ ಬ್ಲಂಡೆಲ್ (7) ಅವರ ವಿಕೆಟ್ ಪಡೆದು ಕೊಂಡರು. ಸಧ್ಯಕ್ಕೆ ಡೇರಿಲ್ ಮಿಚೆಲ್ (40) ಮತ್ತು ಮೈಕೆಲ್ ಬ್ರೇಸ್‌ವೆಲ್ (9) ಕ್ರೀಸ್​ನಲ್ಲಿದ್ದಾರೆ.

ಇದನ್ನೂ ಓದಿ: ಪ್ಯಾಟ್​ ಕಮಿನ್ಸ್​ಗೆ ಮಾತೃ ವಿಯೋಗ: ಕಪ್ಪು ಪಟ್ಟಿ ಧರಿಸಿ ಗೌರವ ಸೂಚಿಸಿದ ಆಸಿಸ್​ ಟೀಂ