ನವದೆಹಲಿ : ಭಾರತ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಭ್ ಪಂತ್, ನ್ಯೂಜಿಲ್ಯಾಂಡ್ನ ಕೈಲ್ ಜೆಮೀಸನ್ ಮತ್ತು ಬಿಜೆ ವಾಟ್ಲಿಂಗ್ ಅವರ ಆಟವನ್ನು WTC ಫೈನಲ್ನಲ್ಲಿ ಎದುರುನೋಡಬಹುದು ಎಂದು ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಮೈಕಲ್ ವಾನ್ ತಿಳಿಸಿದ್ದಾರೆ.
ಜೂನ್ 18ರಿಂದ ಸೌತಾಂಪ್ಟನ್ನ ಏಜಿಯಸ್ ಬೌಲ್ನಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವೆ ಚೊಚ್ಚಲ ಆವೃತ್ತಿಯ ಫೈನಲ್ ಪಂದ್ಯ ನಡೆಯಲಿದೆ.
ಟೆಸ್ಟ್ ವೃತ್ತಿ ಜೀವನವನ್ನು ಅದ್ಭುತವಾಗಿ ಆರಂಭಿಸಿದ ಕೈಲ್ ಜೆಮೀಸನ್ ಅವರ ಆಟವನ್ನು ಮೊದಲು ನೋಡಲು ಬಯಸುತ್ತೇನೆ. ನಂತರ ರಿಷಭ್ ಪಂತ್.
ಏಕೆಂದರೆ, ಅವರು ವಿಶ್ವ ಕ್ರಿಕೆಟ್ನಲ್ಲಿ ಸ್ಟಾರ್ ಆಗಿದ್ದಾರೆ. ಕಳೆದ ಕೆಲವು ತಿಂಗಳಿಂದ ಅವರ ನಂಬಲಸಾಧ್ಯವಾಗಿದ್ದಾರೆ. ವಿಶೇಷವಾಗಿ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ವಿರುದ್ಧ ಅವರ ಆಟ ಅದ್ಭುತವಾಗಿತ್ತು.
ನಂತರ ನಾನು ಬಿಜೆ ವಾಟ್ಲಿಂಗ್ ಅವರನ್ನ ಆಯ್ಕೆ ಮಾಡುತ್ತೇನೆ, ಅವರು ನ್ಯೂಜಿಲ್ಯಾಂಡ್ ಕ್ರಿಕೆಟ್ನ ಅದ್ಭುತ ಸೇವಕನಾಗಿದ್ದಾರೆ ಎಂದು ವಾನ್ ಹೇಳಿದ್ದಾರೆ.
ಜೆಮೀಸನ್ ಕಿವೀಸ್ನ ಕೀ ಬೌಲರ್ ಆಗಿದ್ದಾರೆ. ಅವರು ಆಡಿರುವ 6 ಪಂದ್ಯಗಳಲ್ಲಿ 36 ವಿಕೆಟ್ ಪಡೆದಿದ್ದಾರೆ. ಇನ್ನು ರಿಷಭ್ ಪಂತ್ ಭಾರತ ತಂಡದ ಬಹುದೊಡ್ಡ ಮ್ಯಾಚ್ ವಿನ್ನರ್ ಆಗಿದ್ದಾರೆ.
ಅವರು ಕಳೆದ ಆಸ್ಟ್ರೇಲಿಯಾ ಪ್ರವಾಸದಿಂದ ಟೆಸ್ಟ್ ಕ್ರಿಕೆಟ್ನಲ್ಲಿ ಅಮೋಘ ಫಾರ್ಮ್ನಲ್ಲಿದ್ದಾರೆ. ಅವರ ಬ್ಯಾಟಿಂಗ್ ನೆರವಿನಿಂದ ಭಾರತ ತಂಡ ಆಸ್ಟ್ರೇಲಿಯಾದಲ್ಲಿ ಐತಿಹಾಸಿಕ ಟೆಸ್ಟ್ ಸರಣಿ ಮತ್ತು ಇಂಗ್ಲೆಂಡ್ ವಿರುದ್ಧ 3-1ರಲ್ಲಿ ಟೆಸ್ಟ್ ಸರಣಿ ಗೆದ್ದು ಬೀಗಿತ್ತು.
ಇನ್ನು ವಾಟ್ಲಿಂಗ್ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ ಮುಗಿಯುತ್ತಿದ್ದಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸುತ್ತಿದ್ದಾರೆ.
ಇದನ್ನು ಓದಿ:ವಮಿಕಾ ಹೆಸರಿನ ಅರ್ಥ,ಮಗಳ ಫೋಟೋ ಶೇರ್ ಮಾಡದಿರಲು ಕಾರಣ ತಿಳಿಸಿದ ಕೊಹ್ಲಿ
