ರಣಜಿ: ಉತ್ತರಾಖಂಡ ಮಣಿಸಿ ಸೆಮಿಫೈನಲ್‌ಗೇರಿದ ಕರ್ನಾಟಕ; ಗೋಪಾಲ್​ 'ಪಂದ್ಯಶ್ರೇಷ್ಠ' ಪ್ರದರ್ಶನ

ಉತ್ತರಾಖಂಡವನ್ನು 281 ರನ್​ ಮತ್ತು ಇನ್ನಿಂಗ್ಸ್​ನಿಂದ ಸೋಲಿಸಿದ ಕರ್ನಾಟಕ ನಾಲ್ಕರ ಘಟ್ಟ ಪ್ರವೇಶಿಸಿತು.

ಬೆಂಗಳೂರು: ಇಲ್ಲಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ರಣಜಿ ಟ್ರೋಫಿಯ ಮೂರನೇ ಕ್ವಾರ್ಟರ್​ ಫೈನಲ್​ನಲ್ಲಿ ಕರ್ನಾಟಕ 281 ರನ್​ ಹಾಗು ಇನ್ನಿಂಗ್ಸ್​ ಗೆಲುವು ಪಡೆಯಿತು. ಶ್ರೇಯಸ್ ಗೋಪಾಲ್ ಮತ್ತು ವಿಜಯ್‌ಕುಮಾರ್ ವೈಶಾಕ್ ಅವರು ಕಬಳಿಸಿದ ಅಮೂಲ್ಯ ಆರು ವಿಕೆಟ್​ಗಳ ನೆರವಿನಿಂದ ಕರ್ನಾಟಕವು ಉತ್ತರಾಖಂಡವನ್ನು 209 ರನ್‌ಗಳಿಗೆ ಆಲೌಟ್​ ಮಾಡಿ ಇನ್ನಿಂಗ್ಸ್‌ಸಹಿತ ವಿಜಯೋತ್ಸವ ಆಚರಿಸಿತು. ಈ ಮೂಲಕ ಕರ್ನಾಟಕ ಸೆಮೀಸ್​ಗೆ ಅವಕಾಶ ಪಡೆದುಕೊಂಡಿದೆ. ಶ್ರೇಯಸ್ ಗೋಪಾಲ್ ಆಲ್​ರೌಂಡ್​ ಆಟಕ್ಕೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಒಲಿಯಿತು.

ಮೂರನೇ ದಿನವಾದ ನಿನ್ನೆಗೆ ಉತ್ತರಾಖಂಡ 106ಕ್ಕೆ 3 ವಿಕೆಟ್​​ ನಷ್ಟ ಅನುಭವಿಸಿತ್ತು. ಕರ್ನಾಟಕ 384 ರನ್​ಗಳ ಮುನ್ನಡೆ ಕಾಯ್ದುಕೊಂಡಿತ್ತು. ಕರ್ನಾಟಕ ಇಂದಿನ ಆಟ ಆರಂಭಿಸುವ ಮುನ್ನ ಏಳು ವಿಕೆಟ್​ ಕಬಳಿಸುವ ಗುರಿಯೊಂದಿಗೆ ಕಣಕ್ಕಿಳಿದಿತ್ತು. ಅದರಂತೆ ಮಾರಕ ದಾಳಿ ಮಾಡಿದ ಅನುಭವಿ ಶ್ರೇಯಸ್ ಗೋಪಾಲ್ ಮತ್ತು ವಿಜಯ್‌ಕುಮಾರ್ ವೈಶಾಕ್ ತಲಾ 3 ವಿಕೆಟ್​ ಗಳಿಸಿದರು. ವಿದ್ವತ್​ ಕಾವೇರಪ್ಪ ಮತ್ತು ಚೊಚ್ಚಲ ಪಂದ್ಯ ಆಡುತ್ತಿರುವ ಮುರಳೀಧರ ವೆಂಕಟೇಶ್​ ತಲಾ ಎರಡು ವಿಕೆಟ್​ ಪಡೆದು ಕರ್ನಾಟಕಕ್ಕೆ 281 ರನ್​ಗಳ ಗೆಲುವಿಗೆ ಕಾರಣರಾದರು.

ಜನವರಿ 31 ರಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರಿಡಾಂಗಣದಲ್ಲಿ ಉತ್ತರಾಖಂಡದ ವಿರುದ್ಧ ಟಾಸ್​ ಗೆದ್ದ ಮಯಾಂಕ್ ಅಗರ್ವಾಲ್ ಫೀಲ್ಡಿಂಗ್​ ಆಯ್ದುಕೊಂಡಿದ್ದರು. ಮೊದಲ ಇನ್ನಿಂಗ್ಸ್​ನಲ್ಲಿ ಉತ್ತರಾಖಂಡ 116ಕ್ಕೆ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡಿತು. ಚೊಚ್ಚಲ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಮುರಳೀಧರ ವೆಂಕಟೇಶ್ ಐದು ವಿಕೆಟ್​ ಗಳಿಸಿ ಮಿಂಚಿದರು. ಕುನಾಲ್ ಚಂಡೇಲಾ 31, ಅವನೀಶ್ ಸುಧಾ 17, ಆದಿತ್ಯ ತಾರೆ 14 ಮತ್ತು ಅಖಿಲ್ ರಾವತ್ 14 ರನ್​ ಗಳಿಸಿದ್ದು ಬಿಟ್ಟರೆ ಬೇರೆ ಎಲ್ಲರೂ ಒಂದಂಕಿಗೆ ವಿಕೆಟ್​ ಚೆಲ್ಲಿದರು.

• Karnataka Won by an innings and 281 Run(s) (Qualified) #KARvCAU #RanjiTrophy #QF3 Scorecard:https://t.co/Ygx67JDemv

  — BCCI Domestic (@BCCIdomestic) February 3, 2023 " class="align-text-top noRightClick twitterSection" data="

  Karnataka Won by an innings and 281 Run(s) (Qualified) #KARvCAU #RanjiTrophy #QF3 Scorecard:https://t.co/Ygx67JDemv

  — BCCI Domestic (@BCCIdomestic) February 3, 2023

  ">

  Karnataka Won by an innings and 281 Run(s) (Qualified) #KARvCAU #RanjiTrophy #QF3 Scorecard:https://t.co/Ygx67JDemv

  — BCCI Domestic (@BCCIdomestic) February 3, 2023

ಶ್ರೇಯಸ್ ಗೋಪಾಲ್ ಶತಕ: ಮೊದಲ ಇನ್ನಿಂಗ್ಸ್​ನಲ್ಲಿ ಕರ್ನಾಟಕ 606 ರನ್​ ಗಳಿಸಿ ಆಲ್​ ಔಟ್​ ಆಯಿತು. ಈ ಮೂಲಕ ಕನ್ನಡಿಗರು 490 ರನ್​ಗಳ ಮುನ್ನಡೆ ಪಡೆದರು. ಆರಂಭಿಕರಾದ ಸಮರ್ಥ (82) ಮತ್ತು ಅಗರ್ವಾಲ್​ (83) 159 ರನ್​ಗಳ ಜೊತೆಯಾಟ ನೀಡಿದರು. ಮಧ್ಯಮ ಕ್ರಮಾಂಕದಲ್ಲಿ ಬಂದ ಪಡಿಕ್ಕಲ್​ (69) ಮತ್ತು ನಿಕಿನ್ (62)​ ತಲಾ ಅರ್ಧ ಶತಕ ಗಳಿಸಿದರು. ಆರನೇ ವಿಕೆಟ್​ ಆಗಿ ಬಂದ ಶ್ರೇಯಸ್ ಗೋಪಾಲ್ ಅಜೇಯರಾಗಿ ಐದನೇ ಪ್ರಥಮ ದರ್ಜೆ ಶತಕ (161) ಗಳಿಸಿ ಅವರ ವೈಯುಕ್ತಿಕ ಶ್ರೇಷ್ಠ ರನ್​ ಸಾಧನೆ ಮಾಡಿದರು. ಕರ್ನಾಟಕ ಬೃಹತ್​ ಮೊತ್ತ ಗಳಿಸಲು ಉತ್ತಮ ಕೊಡುಗೆ ನೀಡಿದರು. ಮನೀಶ್​ ಪಾಂಡೆ 39 ರನ್​ಗೆ ಸುಸ್ತಾದರು. ಶರತ್​ ಬಿಆರ್ (33), ಕೆ ಗೌತಮ್​ (39) ಸಾಧಾರಣ ಮೊತ್ತ ಗಳಿಸಿ ಗೋಪಾಲ್ ಜೊತೆ ಆಟ ಕಟ್ಟಿದರು. ವೆಂಕಟೇಶ್​ ಚೊಚ್ಚಲ ಪಂದ್ಯದಲ್ಲಿ 15 ರನ್​ಗಳಿಸಿದರು.

ಕಾಡಿದ ಗೋಪಾಲ್,​ ವೆಂಕಟೇಶ್​: ಮೂರನೇ ದಿನ ಕರ್ನಾಟಕ 606ಕ್ಕೆ ಆಲೌಟ್​ ಆಗಿತ್ತು. 490 ರನ್​ಗಳ ಹಿಂದಿದ್ದ ಉತ್ತರಾಖಂಡಕ್ಕೆ ಒಂದು ಅರ್ಧ ದಿನ ಮಾತ್ರ ಬಾಕಿಯಿತ್ತು. ಮೂರನೇ ದಿನದಾಟದ ಅಂತ್ಯಕ್ಕೆ 41 ಓವರ್​ ಮುಕ್ತಾಯಕ್ಕೆ 3 ವಿಕೆಟ್​ ನಷ್ಟಕ್ಕೆ 106 ರನ್​ಗಳಿಸಿತ್ತು. 7 ವಿಕೆಟ್​ಗಳನ್ನು ಕೈಯಲ್ಲಿಟ್ಟುಕೊಂಡಿದ್ದ ಉತ್ತರಾಖಂಡಕ್ಕೆ ಶತಕ ಗಳಿಸಿದ್ದ ಗೋಪಾಲ್​ ಮೂರು ವಿಕೆಟ್​ ಕಬಳಿಸಿ ಮಾರಕ ಆದರು. ಸ್ವಪ್ನಿಲ್ ಸಿಂಗ್ ಅರ್ಧ ಶತಕ ಗಳಿಸಿದ್ದು ಬಿಟ್ಟರೆ ಮತ್ತಾರೂ 30 ಗಡಿ ತಲುಪಲಿಲ್ಲ. ಕರ್ನಾಟಕಕ್ಕೆ ಕೊನೆಯ ದಿನ ಉತ್ತರಾಖಂಡ ಸುಲಭ ತುತ್ತಾಯಿತು.

ಇದನ್ನೂ ಓದಿ: ಬಾರ್ಡರ್ ಗವಾಸ್ಕರ್ ಟ್ರೋಫಿ ಸರಣಿ: ನಾಗ್ಪುರ ತಲುಪಿದ ವಿರಾಟ್​, ರಾಹುಲ್​..