ನಾಲ್ಕು ಎಸೆತಗಳಲ್ಲಿ 4 ವಿಕೆಟ್​ ಕಬಳಿಸಿದ ಹೋಲ್ಡರ್.. ಇಂಗ್ಲೆಂಡ್​ ವಿರುದ್ಧ T-20 ಸರಣಿ ಗೆದ್ದ ವಿಂಡೀಸ್​

ಇಂಗ್ಲೆಂಡ್ ವಿರುದ್ಧ 5ನೇ ಹಾಗೂ ಅಂತಿಮ ಟಿ-20 ಪಂದ್ಯದಲ್ಲಿ ಜಯ ಸಾಧಿಸಿರುವ ವೆಸ್ಟ್​ ಇಂಡೀಸ್​ 3-2ರಲ್ಲಿ ಸರಣಿ ತನ್ನದಾಗಿಸಿಕೊಂಡಿದೆ.

ಬಾರ್ಬಡೋಸ್(ವೆಸ್ಟ್​ ಇಂಡೀಸ್​)​: ಅನುಭವಿ ಆಲ್​ರೌಂಡರ್​​ ಜೇಸನ್ ಹೋಲ್ಡರ್ ಹ್ಯಾಟ್ರಿಕ್​ ಸಹಿತ ಮಾರಕ ಬೌಲಿಂಗ್​ (27ಕ್ಕೆ 5)​ ನೆರವಿನಿಂದ ಆತಿಥೇಯ ವೆಸ್ಟ್​ ಇಂಡೀಸ್​ ತಂಡವು ಇಂಗ್ಲೆಂಡ್ ವಿರುದ್ಧ 5ನೇ ಟಿ-20 ಪಂದ್ಯದಲ್ಲಿ 17 ರನ್‌ಗಳ ಅಂತರದ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ ಕೆರಿಬಿಯನ್ನರು ಆಂಗ್ಲರ ವಿರುದ್ಧ 3-2 ಅಂತರದಲ್ಲಿ ಸರಣಿ ಗೆದ್ದಿದ್ದಾರೆ.

ಪಂದ್ಯದ ಅಂತಿಮ ಓವರ್​ ಎಸೆದ ಜೇಸನ್ ಹೋಲ್ಡರ್ ನಾಲ್ಕು ವಿಕೆಟ್‌ ಕಬಳಿಸಿದರು. ಆಗ ಇಂಗ್ಲೆಂಡ್​ ಗೆಲುವಿಗೆ 20 ರನ್​ ಅಗತ್ಯವಿತ್ತು. ಜೋರ್ಡನ್​ ಹಾಗೂ ವಿಕೆಟ್​ ಕೀಪರ್​ ಬ್ಯಾಟರ್​ ಸ್ಯಾಮ್ ಬಿಲ್ಲಿಂಗ್ಸ್(41)​ ಕ್ರೀಸ್​ನಲ್ಲಿದ್ದರು. ಆದರೆ ಮೊದಲ ಎಸೆತ ನೋಬಾಲ್​, ನಂತರದ ಎಸೆತದಲ್ಲಿ ಒಂದೂ ರನ್​ ನೀಡದ ಹೋಲ್ಡರ್, ಬಳಿಕ ನಾಲ್ಕು ಎಸೆತಗಳಲ್ಲಿ 4 ಹುದ್ದರಿ ಪಡೆದು ಮಿಂಚಿದರು. ಇದು ವಿಂಡೀಸ್​ ಪರ ಟಿ-20 ಕ್ರಿಕೆಟ್​ನಲ್ಲಿ ಚೊಚ್ಚಲ ಹ್ಯಾಟ್ರಿಕ್​ ಸಾಧನೆಯಾಗಿದೆ. ಅಲ್ಲದೆ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಈ ಸಾಧನೆಗೈದ ನಾಲ್ಕನೇ ಬೌಲರ್​ ಆಗಿದ್ದಾರೆ.

• 2nb . W W W W
  
  What a final over by Jason Holder 🔥
  
  He becomes the first West Indies men's bowler to take a T20I hat-trick 👏#WIvENG pic.twitter.com/nDJpXEGGFD

  — ICC (@ICC) January 31, 2022 " class="align-text-top noRightClick twitterSection" data="

  2nb . W W W W
  
  What a final over by Jason Holder 🔥
  
  He becomes the first West Indies men's bowler to take a T20I hat-trick 👏#WIvENG pic.twitter.com/nDJpXEGGFD

  — ICC (@ICC) January 31, 2022

  ">

  2nb . W W W W
  
  What a final over by Jason Holder 🔥
  
  He becomes the first West Indies men's bowler to take a T20I hat-trick 👏#WIvENG pic.twitter.com/nDJpXEGGFD

  — ICC (@ICC) January 31, 2022

ವಿಂಡೀಸ್ ನೀಡಿದ 180 ರನ್​ ಗುರಿ ಬೆನ್ನಟ್ಟಿದ ಆಂಗ್ಲರು 19.5 ಓವರ್​ಗಳಲ್ಲಿ 162 ರನ್​ಗೆ ಆಲೌಟ್​ ಆದರು. ತಂಡದ ಪರ ಜೇಮ್ಸ್​ ವಿನ್ಸ್​ ಅರ್ಧಶತಕ (55) ಬಾರಿಸಿದರೆ, ಬಳಿಕ ಬಿಲ್ಲಿಂಗ್ಸ್​ 41 ರನ್​ ಗಳಿಸಿ ಗೆಲುವಿಗೆ ಹೋರಾಡಿದರು. ನಾಯಕ ಮೋಯಿನ್​ ಅಲಿ 14, ಜಾಸನ್​ ರಾಯ್​ 8, ಬ್ಯಾಂಟನ್​ 16 ರನ್​ ಬಾರಿಸಿದ್ದು, ಬಿಟ್ಟರೆ ಉಳಿದವರು ಎರಡಂಕಿ ಮೊತ್ತ ತಲುಪಲಿಲ್ಲ. ವಿಂಡೀಸ್​ ಪರ ಹೋಲ್ಡರ್​ ಹ್ಯಾಟ್ರಿಕ್​ ಸಹಿತ 27 ರನ್​ಗೆ 5 ಹಾಗೂ ಅಕೀಲ್ ಹೊಸೆನ್​ 30ಕ್ಕೆ 4 ವಿಕೆಟ್​ ಕಬಳಿಸಿದರು.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ಇದಕ್ಕೂ ಮುನ್ನ ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ವೆಸ್ಟ್​ ಇಂಡೀಸ್​ ಪರ ಯಾರೊಬ್ಬರೂ ಅರ್ಧಶತಕ ಗಳಿಸದಿದ್ದರೂ, ಉತ್ತಮ ಆಟದಿಂದ 4 ವಿಕೆಟ್​ಗೆ 179 ರನ್​ ಪೇರಿಸಿತು. ಆರಂಭಿಕ ಆಟಗಾರರಾದ ಬ್ರಾಂಡನ್​ ಕಿಂಗ್​ 34 ಹಾಗೂ ಕೆ ಮೆಯರ್ಸ್​ 31 ರನ್​ ಬಾರಿಸಿ ಮೊದಲ ವಿಕೆಟ್​ 59 ರನ್​ಗಳ ಜೊತೆಯಾಟವಾಡಿದರು. ನಂತರ ವಿಕೆಟ್​ ಕೀಪರ್​ ಪೂರನ್​ 21, ನಾಯಕ ಪೊಲಾರ್ಡ್​ ಅಜೇಯ 41 ಹಾಗೂ ಪೊವೆಲ್​ರ​ ಅಜೇಯ 35 ರನ್​ ಬಾರಿಸಿ ತಂಡದ ಮೊತ್ತ ಹಿಗ್ಗಿಸಿದರು. ಇವರಿಬ್ಬರು ಕೊನೆಯ 24 ಎಸೆತಗಳಲ್ಲಿ 66 ರನ್ ಚಚ್ಚಿದರು.

ಇಂಗ್ಲೆಂಡ್ ಪರ ಆದಿಲ್​ ರಶಿದ್​ ಹಾಗೂ ಲಿವಿಂಗ್ಸ್​ಟನ್​ ತಲಾ 2 ವಿಕೆಟ್​ ಪಡೆದರು. ಈ ಗೆಲುವಿನೊಂದಿಗೆ ವಿಂಡೀಸ್ ಟಿ-20​ ಸರಣಿಯನ್ನು 3-2ರ ಅಂತರದಲ್ಲಿ ಗೆದ್ದುಕೊಂಡಿದೆ.

ಇದನ್ನೂ ಓದಿ: ಫೆಡರರ್, ಜೊಕೊವಿಕ್ ದಾಖಲೆ ಮುರಿದ ರಾಫೆಲ್​​: 21ನೇ ಗ್ರ್ಯಾಂಡ್ ಸ್ಲ್ಯಾಮ್​ಗೆ ಮುತ್ತಿಕ್ಕಿದ ನಡಾಲ್