ದುಬೈ: ಪಂಜಾಬ್ ಕಿಂಗ್ಸ್ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ್ದಕ್ಕೆ ಆರ್ಆರ್ ತಂಡದ ನಾಯಕ ಸಂಜು ಸ್ಯಾಮ್ಸನ್ ಸಂತಸ ವ್ಯಕ್ತಪಡಿಸಿದ್ದಾರೆ. ಪಂದ್ಯದ ಬಳಿಕ ಮಾತನಾಡಿದ ಅವರು, ನಾವು ತಂಡದಲ್ಲಿ ವಿಶೇಷ ಬೌಲರ್ಗಳನ್ನು ಹೊಂದಿದ್ದೇವೆ ಎಂಬ ಅರಿವು ನಮಗೆ ಇತ್ತು ಎಂದು ಹೇಳಿಕೊಂಡಿದ್ದಾರೆ.
ಪಂದ್ಯವನ್ನು ಗೆಲ್ಲಲು ಬೇಕಾದ ಉತ್ತಮ ಬೌಲರ್ಗಳು ನಮ್ಮ ಬಳಿ ಇದ್ದರು. ಮುಸ್ತಾಫಿಜುರ್ ಅವರ ಬೌಲಿಂಗ್ ಅನ್ನು ಕೊನೆವರೆಗೂ ಉಳಿಸಿಕೊಂಡಿದ್ದು, ಮತ್ತು ತ್ಯಾಗಿ ಯಾರ್ಕರ್ ಬೌಲಿಂಗ್ ಮಾಡಿ ಪಂದ್ಯದ ಜಯ ಆರ್ಆರ್ ಪರ ಬರುವಂತೆ ಮಾಡಿದರು ಎಂದು ಸ್ಯಾಮ್ಸನ್ ಹೇಳಿದರು.
ಇದನ್ನೂ ಓದಿ: Ipl 2021 : ರಾಜಸ್ಥಾನ ರಾಯಲ್ಸ್ಗೆ ಪಂಜಾಬ್ ಕಿಂಗ್ಸ್ ವಿರುದ್ಧ ರೋಚಕ ಗೆಲುವು
ಹೊಸ ಬ್ಯಾಟ್ಸ್ಮನ್ಗಳ ವಿರುದ್ಧ ಬೌಲರ್ಗಳನ್ನು ಅತ್ಯುತ್ತಮವಾಗಿ ಬಳಸಿಕೊಂಡಿದ್ದೇವೆ. ಅಷ್ಟೇ ಅಲ್ಲ ಉತ್ತಮ ಫೀಲ್ಡಿಂಗ್ ಯೋಜನೆಯನ್ನು ಕೂಡಾ ಹೊಂದಿದ್ದೆವು. ನಮಗೆ ಆ ಸ್ಕೋರ್ ಸಂತೋಷ ತಂದಿದೆ. ಆರಂಭದಲ್ಲಿ ಕೆಲ ಡ್ರಾಪ್ ಮಾಡದಿದ್ದರೆ ಇನ್ನೂ ಮೊದಲೇ ಗೆಲ್ಲುತ್ತಿದ್ದೆವು ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಮ್ಯಾನ್ ಆಫ್ ದಿ ಮ್ಯಾಚ್ ಆಗಿರುವ ತ್ಯಾಗಿ ಮಾತನಾಡಿ, ಗೆದ್ದಿರುವುದು ಸಂತಸ ತಂದಿದೆ. ಐಪಿಎಲ್ ಆರಂಭವಾದಾಗ ಗಾಯಗೊಂಡಿದ್ದೆ, ಆ ಬಳಿಕ ಬೇಗ ಚೇತರಿಸಿಕೊಂಡೆ. ಅಷ್ಟರಲ್ಲೇ ಟೂರ್ನಿ ರದ್ದಾಯಿತು ಎಂದು ನೆನಪಿಸಿಕೊಂಡರು.
