IPLನಲ್ಲಿ ಇಂದು: ಕೃನಾಲ್ ಪಾಂಡ್ಯ ಪಡೆ ಮಣಿಸಿ ಪ್ಲೇ ಆಫ್​ ಪ್ರವೇಶಿಸುತ್ತಾ ಮುಂಬೈ?

ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಇಂದಿನ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ಗೆದ್ದರೆ ಪ್ಲೇ ಆಫ್​ ಪ್ರವೇಶ ಪಡೆದ ಎರಡನೇ ತಂಡವಾಗಲಿದೆ. ಲಕ್ನೋಗೆ ಈ ಪಂದ್ಯ ಸೇರಿ ಮುಂದಿನ ಮತ್ತೊಂದು ಪಂದ್ಯದ ಗೆಲುವು ಅನಿವಾರ್ಯವಾಗಿದೆ.

ಲಕ್ನೋ (ಉತ್ತರ ಪ್ರದೇಶ): ಇಂಡಿಯನ್ ಪ್ರೀಮಿಯರ್ ಲೀಗ್​ನ 63ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಪೈಪೋಟಿ ನಡೆಸಲಿದೆ. ಲಕ್ನೋದ ಏಕಾನಾ ಸ್ಟೇಡಿಯಂನಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ ಮುಂಬೈ ತಂಡ ಗೆದ್ದರೆ ಪ್ಲೇ ಆಫ್‌ಗೆ ಅರ್ಹತೆ ಪಡೆದ ಎರಡನೇ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ. ಲಕ್ನೋ ಸೂಪರ್ ಜೈಂಟ್ಸ್ ಗೆದ್ದಲ್ಲಿ ಪ್ಲೇ ಆಫ್​ಗೆ ಪ್ರವೇಶಕ್ಕೆ ಒಂದು ಹೆಜ್ಜೆ ಬಾಕಿ ಇರುತ್ತದೆ.

ಸೋಮವಾರ ನಡೆದ ಪಂದ್ಯದಲ್ಲಿ ಗೆದ್ದ ಗುಜರಾತ್ ಟೈಟಾನ್ಸ್​ ಪ್ಲೇಆಫ್ ಪ್ರವೇಶ ಪಡೆದುಕೊಂಡಿದೆ. ಅತ್ತ ಸನ್​ ರೈಸರ್ಸ್​ ಹೈದರಾಬಾದ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ಲೀಗ್​ನಿಂದ ಹೊರಬಿದ್ದಿವೆ. ಮಿಕ್ಕ ಏಳು ತಂಡಗಳಲ್ಲಿ ಪ್ಲೇ ಆಫ್ ಪ್ರವೇಶಕ್ಕೆ ಜೋರಿನ ಹಣಾಹಣಿ ನಡೆಯುತ್ತಿದೆ. ಇಂದಿನ ಲಕ್ನೋ ಮುಂಬೈ ಪಂದ್ಯವೂ ಸಹ ಇದೇ ಉಭಯ ತಂಡಗಳಿಗೆ ಮಹತ್ವದ್ದಾಗಿದೆ.

• Our boys train hard in Lucknow ahead of #LSGvMI for crucial 2️⃣ points 💙👉 https://t.co/wc8p5074qI
  
  🎥 Enjoy the full episode of #MIDaily on the MI App 📱#OneFamily #MumbaiMeriJaan #MumbaiIndians #TATAIPL #IPL2023 MI TV pic.twitter.com/1rgIOE24yq

  — Mumbai Indians (@mipaltan) May 16, 2023 " class="align-text-top noRightClick twitterSection" data="

  Our boys train hard in Lucknow ahead of #LSGvMI for crucial 2️⃣ points 💙👉 https://t.co/wc8p5074qI
  
  🎥 Enjoy the full episode of #MIDaily on the MI App 📱#OneFamily #MumbaiMeriJaan #MumbaiIndians #TATAIPL #IPL2023 MI TV pic.twitter.com/1rgIOE24yq

  — Mumbai Indians (@mipaltan) May 16, 2023

  ">

  Our boys train hard in Lucknow ahead of #LSGvMI for crucial 2️⃣ points 💙👉 https://t.co/wc8p5074qI
  
  🎥 Enjoy the full episode of #MIDaily on the MI App 📱#OneFamily #MumbaiMeriJaan #MumbaiIndians #TATAIPL #IPL2023 MI TV pic.twitter.com/1rgIOE24yq

  — Mumbai Indians (@mipaltan) May 16, 2023

ಮುಂಬೈ ಇಂಡಿಯನ್ಸ್ ತಂಡ ಇದುವರೆಗೆ ಆಡಿರುವ 12 ಪಂದ್ಯಗಳಲ್ಲಿ 7 ಪಂದ್ಯಗಳನ್ನು ಗೆದ್ದು 14 ಅಂಕ ಗಳಿಸಿದೆ. ಇಂದಿನ ಪಂದ್ಯವನ್ನು ಗೆದ್ದ ನಂತರ, ಅವರು 16 ಅಂಕಗಳನ್ನು ಹೊಂದಿರುತ್ತಾರೆ ಮತ್ತು ಅವರು ಪ್ಲೇ-ಆಫ್‌ಗೆ ಅರ್ಹತೆ ಪಡೆದ ಎರಡನೇ ತಂಡವಾಗಲಿದ್ದಾರೆ. ಲಕ್ನೋ ಸೂಪರ್ ಜೈಂಟ್ಸ್‌ ಆಡಿರುವ 12 ಪಂದ್ಯದಲ್ಲಿ 6 ರಲ್ಲಿ ಗೆದ್ದಿದ್ದು ಒಂದು ರದ್ದಾದ ಹಿನ್ನೆಲೆ 13 ಅಂಕದಿಂದ ಸದ್ಯ ಅಂಕ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.

ಕಳೆದ ಪಂದ್ಯದಲ್ಲಿ ಲಕ್ನೋ ಸನ್​ ರೈಸರ್ಸ್​ ಹೈದರಾಬಾದ್​ ಭರ್ಜರಿ ಗೆಲುವು ದಾಖಲಿಸಿದ್ದು, ಇಂದು ಅದೇ ಆತ್ಮವಿಶ್ವಾದಲ್ಲಿ ತವರು ಮೈದಾನದಲ್ಲಿ ಕಣಕ್ಕಿಳಿಯುತ್ತಿದೆ. ಮುಂಬೈ ಸಹ ಕಳೆದೆರಡು ಪಂದ್ಯದಲ್ಲಿ ಬೃಹತ್​ ಸ್ಕೋರ್​ನ್ನ ಉತ್ತಮವಾಗಿ ಬೆನ್ನು ಹತ್ತಿದೆ. ಮುಂಬೈಗೆ ಸೂರ್ಯ ಕುಮಾರ್​ ಯಾದವ್​ ಕಳೆದೆರಡು ಪಂದ್ಯದಿಂದ ಆಸರೆಯಾಗಿದ್ದು, ಆಂಭದಲ್ಲಿ ಪ್ಲೇ ಸತತ ಸೋಲು ಕಂಡಿದ್ದ ತಂಡ ಪ್ಲೇ ಆಫ್​ ಪ್ರವೇಶಕ್ಕೆ ಒಂದು ಗೆಲುವನ್ನು ಎದುರು ನೋಡುತ್ತಿದೆ.

• Focus only on the 𝐖. 👊🔥 pic.twitter.com/14hm846aSE

  — Lucknow Super Giants (@LucknowIPL) May 16, 2023 " class="align-text-top noRightClick twitterSection" data="

  Focus only on the 𝐖. 👊🔥 pic.twitter.com/14hm846aSE

  — Lucknow Super Giants (@LucknowIPL) May 16, 2023

  ">

  Focus only on the 𝐖. 👊🔥 pic.twitter.com/14hm846aSE

  — Lucknow Super Giants (@LucknowIPL) May 16, 2023

ಮುಂಬೈ ಇಂಡಿಯನ್ಸ್ ಮತ್ತು ಲಕ್ನೋ ಸೂಪರ್‌ಜೈಂಟ್ಸ್ ಈವರೆಗೆ ಐಪಿಎಲ್​ನಲ್ಲಿ ಎರಡು ಬಾರಿ ಮುಖಾಮುಖಿಯಾಗಿದ್ದು, ಎರಡರಲ್ಲೂ ಲಕ್ನೋ ಗೆದ್ದಿದೆ.

ಸಂಭಾವ್ಯ ತಂಡ ಇಂತಿದೆ..: ಮುಂಬೈ ಇಂಡಿಯನ್ಸ್​: ರೋಹಿತ್ ಶರ್ಮಾ (ನಾಯಕ), ಇಶಾನ್ ಕಿಶನ್ (ವಿಕೆಟ್​ ಕೀಪರ್​), ಕ್ಯಾಮೆರಾನ್ ಗ್ರೀನ್, ಸೂರ್ಯಕುಮಾರ್ ಯಾದವ್, ನೆಹಾಲ್ ವಧೇರಾ, ಟಿಮ್ ಡೇವಿಡ್, ಹೃತಿಕ್ ಶೋಕೀನ್, ಪಿಯೂಷ್ ಚಾವ್ಲಾ, ಕ್ರಿಸ್ ಜೋರ್ಡಾನ್, ಕುಮಾರ್ ಕಾರ್ತಿಕೇಯ, ಆಕಾಶ್ ಮಧ್ವಾಲ್, ಜೇಸನ್ ಬೆಹ್ರೆಂಡಾರ್ಫ್

ಲಕ್ನೋ ಸೂಪರ್​ ಜೈಂಟ್ಸ್​​: ಕ್ವಿಂಟನ್ ಡಿ ಕಾಕ್ (ವಿಕೆಟ್​ ಕೀಪರ್), ಕೈಲ್ ಮೇಯರ್ಸ್, ಪ್ರೇರಕ್ ಮಂಕಡ್, ಮಾರ್ಕಸ್ ಸ್ಟೋನಿಸ್, ನಿಕೋಲಸ್ ಪೂರನ್, ಕೃನಾಲ್ ಪಾಂಡ್ಯ (ನಾಯಕ), ಆಯುಷ್ ಬಡೋನಿ, ಕೆ ಗೌತಮ್, ಯುಧ್ವೀರ್ ಚರಕ್/ಯಶ್ ಠಾಕೂರ್, ರವಿ ಬಿಷ್ಣೋಯ್, ಅಮಿತ್ ಮಿಶ್ರಾ, ಅವೇಶ್ ಖಾನ್

ಇದನ್ನೂ ಓದಿ: ಶುಭ್​ಮನ್​ ಗಿಲ್ ಶತಕದಾಟ, ಹೈದರಾಬಾದ್​ ವಿರುದ್ಧ ಗೆದ್ದ ಟೈಟಾನ್ಸ್​ : ಪ್ಲೇ ಆಫ್​ಗೆ ಪ್ರವೇಶ