RCB vs LSG: ಆರ್​ಸಿಬಿ ವಿರುದ್ಧ ಲಕ್ನೋ ಕಣಕ್ಕೆ, ತವರಲ್ಲಿ 2ನೇ ಜಯ ಕಾಣ್ತಾರಾ ಫಾಫ್​ ಹುಡುಗರು​

ಇಂಡಿಯನ್​ ಪ್ರೀಮಿಯರ್​ ಲೀಗ್​ನ 15ನೇ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಲಕ್ನೋ ಸೂಪರ್​ ಜೈಟ್ಸ್​ ತಂಡವನ್ನು ಎದುರಿಸಲಿದೆ.

ಬೆಂಗಳೂರು: 16ನೇ ಐಪಿಎಲ್​ ಆವೃತ್ತಿಯನ್ನು ಮುಂಬೈ ಇಂಡಿಯನ್ಸ್​ನ್ನು ಮಣಿಸುವ ಮೂಲಕ ಭರ್ಜರಿ ಆರಂಭ ಮಾಡಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು, ಈಡನ್​ ಗಾರ್ಡನ್​ನಲ್ಲಿ ಕೊಲ್ಕತ್ತಾ ವಿರುದ್ಧ ನಡೆದ ಪಂದ್ಯದಲ್ಲಿ ಬ್ಯಾಟಿಂಗ್​ ವೈಫಲ್ಯದಿಂದ ಹೀನಾಯ ಸೋಲನುಭವಿಸಿ ರನ್​ ರೇಟ್​ ಕಳೆದುಕೊಂಡು ಅಂಕಪಟ್ಟಿಯಲ್ಲಿ ಕುಸಿಯಿತು. ಇಂದು ಮತ್ತೆ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಫಾಫ್​ ಹುಡುಗರು, ಕನ್ನಡಿಗ ಕೆಎಲ್​ ರಾಹುಲ್​ ಅವರ ಪಾಳಯವನ್ನು ಎದುರಿಸುತ್ತಿದ್ದಾರೆ.

• Match ready! 👊
  
  Bring out the big guns 💪#PlayBold #ನಮ್ಮRCB #IPL2023 #RCBvLSG pic.twitter.com/g6hWuCKbIw

  — Royal Challengers Bangalore (@RCBTweets) April 10, 2023 " class="align-text-top noRightClick twitterSection" data="

  Match ready! 👊
  
  Bring out the big guns 💪#PlayBold #ನಮ್ಮRCB #IPL2023 #RCBvLSG pic.twitter.com/g6hWuCKbIw

  — Royal Challengers Bangalore (@RCBTweets) April 10, 2023

  ">

  Match ready! 👊
  
  Bring out the big guns 💪#PlayBold #ನಮ್ಮRCB #IPL2023 #RCBvLSG pic.twitter.com/g6hWuCKbIw

  — Royal Challengers Bangalore (@RCBTweets) April 10, 2023

ಆರ್​ಸಿಬಿ ರನ್​ ರೇಟ್​ ಉತ್ತಮ ಮಾಡಿಕೊಳ್ಳುವ ಹಿನ್ನೆಲೆಯಲ್ಲಿ ದೊಡ್ಡ ಗೆಲುವನ್ನು ಸಾಧಿಸಲು ತಯಾರಿ ನಡೆಸುತ್ತಿದ್ದರೆ, ಅತ್ತ ಲಕ್ನೋ ಮೂರನೇ ಗೆಲುವು ಪಡೆದು ಅಂಕಪಟ್ಟಿಯ ಅಗ್ರಸ್ಥಾನಕ್ಕೇರಲು ಕಣ್ಣಿಟ್ಟಿದೆ. ಲಕ್ನೋ ಸೂಪರ್​ ಜೈಂಟ್ಸ್​ ತಂಡ ಆಡಿರುವ ಮೂರರಲ್ಲಿ ಎರಡು ಪಂದ್ಯವನ್ನು ಜಯಿಸಿದೆ. ಆದರೆ ಗೆದ್ದ ಎರಡೂ ಪಂದ್ಯಗಳು ಲಕ್ನೋದಲ್ಲಿ ಆಡಲಾಗಿತ್ತು. ಚೆನ್ನೈನ ಚೆಪಾಕ್​ನಲ್ಲಿ ಸೋಲನುಭವಿಸಿತ್ತು.

ಸ್ಪಿನ್ನರ್​ಗಳ ಮುಂದೆ ಆರ್​ಸಿಬಿ ಮಂಕು: ಕೆಕೆಆರ್​ನ ಸ್ಪಿನ್​ ಬೌಲರ್​ಗಳ ವಿರುದ್ಧ ಚಾಲೆಂಜರ್ಸ್​ ಬ್ಯಾಟರ್​ಗಳು ವಿಫಲರಾಗಿದ್ದರು. ಕೆಲ ವಿಮರ್ಶೆಗಳ ಪ್ರಕಾರ ಕೆಲ ಐಪಿಎಲ್​ ನಡೆಯುವ ಎಲ್ಲ ಪಿಚ್​ಗಳು ಸ್ಪಿನ್​ ಬೌಲಿಂಗ್​​ಗೆ​ ಸಹಕಾರಿಯಗಿ ವರ್ತಿಸುತ್ತಿವೆ. ಅದಕ್ಕೆ ಕಾರಣ ಪಿಚ್​ನಲ್ಲಿ ಪದೇ ಪದೆ ಪಂದ್ಯ ನಡೆದಾಗ ನೆಲದ ಶೈನ್​ ಹೋಗಿ ಬಿರುಕುಗಳು ಹೆಚ್ಚಾಗುದರಿಂದ ಸ್ಪಿನ್​ ಪಿಚ್​ ನಂತೆ ವರ್ತಿಸುತ್ತದೆ. ಇದರಿಂದ ಆರ್​ಸಿಬಿ ಆಟಗಾರರು ಇದಕ್ಕೆ ತಕ್ಕಂತ ಬ್ಯಾಟಿಂಗ್​ ಮಾಡುವ ಕೌಶಲ್ಯ ಬೆಳೆಸಿಕೊಳ್ಳಬೇಕಾಗುತ್ತದೆ.

• Kaptaan Sahab loves taking on 𝑹𝒐𝒚𝒂𝒍 𝒄𝒉𝒂𝒍𝒍𝒆𝒏𝒈𝒆𝒔 💪#RCBvLSG | #IPL2023 | #LucknowSuperGiants | #LSG | #GazabAndaz pic.twitter.com/CDeAoeGw37

  — Lucknow Super Giants (@LucknowIPL) April 10, 2023 " class="align-text-top noRightClick twitterSection" data="

  Kaptaan Sahab loves taking on 𝑹𝒐𝒚𝒂𝒍 𝒄𝒉𝒂𝒍𝒍𝒆𝒏𝒈𝒆𝒔 💪#RCBvLSG | #IPL2023 | #LucknowSuperGiants | #LSG | #GazabAndaz pic.twitter.com/CDeAoeGw37

  — Lucknow Super Giants (@LucknowIPL) April 10, 2023

  ">

  Kaptaan Sahab loves taking on 𝑹𝒐𝒚𝒂𝒍 𝒄𝒉𝒂𝒍𝒍𝒆𝒏𝒈𝒆𝒔 💪#RCBvLSG | #IPL2023 | #LucknowSuperGiants | #LSG | #GazabAndaz pic.twitter.com/CDeAoeGw37

  — Lucknow Super Giants (@LucknowIPL) April 10, 2023

ಡೆತ್​ ಓವರ್​ ನಿಯಂತ್ರಣ: ಎರಡೂ ಪಂದ್ಯದಲ್ಲಿ ಆರ್​ಸಿಬಿ 15ರ ನಂತರದ ಓವರ್​ಗಳಲ್ಲಿ ಸುಲಭವಾಗಿ ರನ್​ಗಳನ್ನು ಬಿಟ್ಟುಕೊಟ್ಟಿದೆ. ಮೊದಲ ಪಂದ್ಯದಲ್ಲಿ ತಿಲಕ್​ ವರ್ಮ ಡೆತ್​ ಓವರ್​ಗಳಲ್ಲಿ ಸವಾರಿ ಮಾಡಿದರೆ, ಕೋಲ್ಕತ್ತಾ ಪಂದ್ಯದಲ್ಲಿ ಶಾರ್ದೂಲ್​ ಠಾಕೂರ್​ ಮನ ಬಂದಂತೆ ರನ್​ ಗಳಿಸಿದರು. ಎರಡನೇ ಪಂದ್ಯದಲ್ಲಿ ಶಾರ್ದೂಲ್​ ರನ್​ಗೆ ಕಡಿವಾಣ ಹಾಕಿದ್ದರೆ ಆರ್​ಸಿಬಿಗೆ ಗೆಲುವು ಹತ್ತಿರದಲ್ಲಿತ್ತು.

ಕೈಲ್ ಮೇಯರ್ಸ್ ಲಕ್ನೋ ಬಲ: ಆರಂಭಿಕ ಕೈಲ್ ಮೇಯರ್ಸ್ ಅಬ್ಬರದ ಆಟ ಎಲ್​ಎಸ್​ಜಿಯ ಬ್ಯಾಟಿಂಗ್​ಗೆ ಬಲವಾಗಿದೆ. ಎರಡು ಪಂದ್ಯಗಳಲ್ಲಿ ಅರ್ಧಶತಕ ಗಳಿಸಿದ್ದಾರೆ. ಕೆಎಲ್​ ರಾಹುಲ್​ಗೆ ತವರು ಮೈದಾನದ ಲಾಭವೂ ಇದೆ. ಅತ್ತ ನಿಕೋಲಸ್ ಪೂರನ್, ಮಾರ್ಕಸ್ ಸ್ಟೋನಿಸ್ ಅಥವಾ ಕ್ವಿಂಟನ್ ಡಿ ಕಾಕ್ ತಂಡಕ್ಕೆ ಸ್ಕೋರ್​ ಹೆಚ್ಚಿಸಲಿದ್ದಾರೆ.

ಸತತ ಏಳು ಇನ್ನಿಂಗ್ಸ್​ನಲ್ಲಿ ಕೆಎಲ್​ ರಾಹುಲ್ ಆರ್​ಸಿಬಿ ಮೇಲೆ ಘರ್ಜಿಸಿದ್ದಾರೆ. ಅದಕ್ಕೆ ಪ್ರಥಮ ಕಾರಣ ತವರು ಮೈದಾನದ ಲಾಭ ಅವರಿಗೆ ಸಿಗುತ್ತಿರುವುದು. ಹೀಗಾಗಿ ಆರ್​ಸಿಬಿ ವಿರುದ್ಧ ಮತ್ತೆ ರಾಹುಲ್​ ಅಬ್ಬರಿಸುವ ಸಾಧ್ಯತೆ ಇದೆ. ಇವರನ್ನು ಕಟ್ಟಿ ಹಾಕಲು ಡು ಪ್ಲೆಸಿಸ್ ಯಾವ ತಂತ್ರ ಹೂಡಲಿದ್ದಾರೆ ಕಾದು ನೋಡಬೇಕಿದೆ.

ಸಂಭಾವ್ಯ ತಂಡಗಳು..: ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು: ಫಾಫ್ ಡು ಪ್ಲೆಸಿಸ್, ವಿರಾಟ್ ಕೊಹ್ಲಿ, ಅನುಜ್ ರಾವತ್, ಗ್ಲೆನ್ ಮ್ಯಾಕ್ಸ್‌ವೆಲ್, ಶಹಬಾಜ್ ಅಹ್ಮದ್, ದಿನೇಶ್ ಕಾರ್ತಿಕ್, ಮೈಕೆಲ್ ಬ್ರೇಸ್‌ವೆಲ್, ಡೇವಿಡ್ ವಿಲ್ಲಿ, ಹರ್ಷಲ್ ಪಟೇಲ್, ಕರ್ಣ್ ಶರ್ಮಾ, ಮೊಹಮ್ಮದ್ ಸಿರಾಜ್

ಲಕ್ನೋ ಸೂಪರ್​ ಜೈಂಟ್ಸ್​​: ಕೆಎಲ್ ರಾಹುಲ್, ಕೈಲ್ ಮೇಯರ್ಸ್, ದೀಪಕ್ ಹೂಡಾ, ಮಾರ್ಕಸ್ ಸ್ಟೋನಿಸ್/ಕ್ವಿಂಟನ್ ಡಿ ಕಾಕ್, ನಿಕೋಲಸ್ ಪೂರನ್, ಕೃನಾಲ್ ಪಾಂಡ್ಯ, ಕೆ ಗೌತಮ್/ಅಮಿತ್ ಮಿಶ್ರಾ, ಯಶ್ ಠಾಕೂರ್, ಅವೇಶ್ ಖಾನ್/ಜಯದೇವ್ ಉನದ್ಕತ್, ಮಾರ್ಕ್ ವುಡ್, ರವಿ ಬಿಷ್ಣೋಯ್

ಪಂದ್ಯ : ಇಂದು ಸಂಜೆ 7:30ಕ್ಕೆ ಬೆಂಗಳೂರಿನ ಚಿನ್ನ ಸ್ವಾಮಿ ಕ್ರೀಡಾಂಗಣದಿಂದ ನೇರ ಪ್ರಸಾರ ಜಿಯೋ ಸಿನಿಮಾ ಹಾಗೂ ಸ್ಟಾರ್​ ಸ್ಪೋರ್ಟ್ಸ್​ನಲ್ಲಿ.

ಇದನ್ನೂ ಓದಿ: ಮೊದಲ ಗೆಲುವು ದಾಖಲಿಸಿದ ಸನ್​ರೈಸರ್ಸ್​: ಹುಚ್ಚೆದ್ದು ಕುಣಿದ ಫ್ಯಾನ್ಸ್​