ಇಂದು ಆರ್​ಸಿಬಿ-ಮುಂಬೈ ಇಂಡಿಯನ್ಸ್​ ಫೈಟ್​: ಹಸರಂಗ, ಜೋಶ್​, ರಜತ್​ ಅಲಭ್ಯ

ಇಂದು ಸಂಜೆ 7.30ಕ್ಕೆ ಆರ್​ಸಿಬಿ ಮತ್ತು ಮುಂಬೈ ಇಂಡಿಯನ್ಸ್​ ತಂಡಗಳು ಸೆಣಸಾಡಲಿವೆ. ಆರ್​ಸಿಬಿಗೆ ಗಾಯಾಳುಗಳ ಸಮಸ್ಯೆ ಇದ್ದರೆ, ಮುಂಬೈ ಗೆಲುವಿನ ಶುಭಾರಂಭದ ಗುರಿ ಹೊಂದಿದೆ.

2019 ರ ಬಳಿಕ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಐಪಿಎಲ್​ ಪಂದ್ಯ ಆಯೋಜನೆಯಾಗಿದ್ದು, ತಮ್ಮ ನೆಚ್ಚಿನ ತಂಡವಾದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರನ್ನು ಹುರಿದುಂಬಿಸಲು ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಇದೇ ವೇಳೆ ತಂಡದ ಪ್ರಮುಖ ಆಲ್​ರೌಂಡರ್​ ಆಗಿದ್ದ ವನಿಂದು ಹಸರಂಗ ಮತ್ತು ಜೋಸ್​ ಹೇಜಲ್​ವುಡ್​ ಗಾಯದ ಕಾರಣ ಟೂರ್ನಿಯ ಆರಂಭಿಕ ಪಂದ್ಯಗಳಿಂದ ದೂರವುಳಿಯಲಿದ್ದಾರೆ.

ಇಂದು ನಡೆಯುವ ಪಂದ್ಯದಲ್ಲಿ ಆರ್​ಸಿಬಿ, ಮಾಜಿ ಚಾಂಪಿಯನ್​​ ಮುಂಬೈ ಇಂಡಿಯನ್ಸ್​ ತಂಡವನ್ನು ಎದುರಿಸಲಿದೆ. ಗೆಲುವಿನ ಮೂಲಕ ಉಭಯ ತಂಡಗಳು ಕಣಕ್ಕಿಳಿಯಲಿದ್ದರೆ, ಆರ್​ಸಿಬಿ ಮೊದಲ ಟೂರ್ನಿಯ ಮೊದಲ ಪಂದ್ಯವನ್ನು ತವರು ನೆಲದಲ್ಲೇ ಆಡುತ್ತಿದೆ. ಗೆಲುವಿನ ಮೂಲಕ ಅಭಿಮಾನಿಗಳಿಗೆ ಉಡುಗೊರೆ ನೀಡುವ ತವಕದಲ್ಲಿದೆ.

• Just two greats having fun at practice. @Gmaxi_32 @imVkohli #PlayBold #ನಮ್ಮRCB #IPL2023 #Choosebold #RoyalChallenge pic.twitter.com/ND5HDNeZrk

  — Royal Challengers Bangalore (@RCBTweets) April 1, 2023 " class="align-text-top noRightClick twitterSection" data="

  Just two greats having fun at practice. @Gmaxi_32 @imVkohli #PlayBold #ನಮ್ಮRCB #IPL2023 #Choosebold #RoyalChallenge pic.twitter.com/ND5HDNeZrk

  — Royal Challengers Bangalore (@RCBTweets) April 1, 2023

  ">

  Just two greats having fun at practice. @Gmaxi_32 @imVkohli #PlayBold #ನಮ್ಮRCB #IPL2023 #Choosebold #RoyalChallenge pic.twitter.com/ND5HDNeZrk

  — Royal Challengers Bangalore (@RCBTweets) April 1, 2023

ಹೇಜಲ್​ವುಡ್​, ಹಸರಂಗ ಇಲ್ಲ: ಇನ್ನೊಂದೆಡೆ ನಾಯಕ ಫಾಫ್​ ಡು ಪ್ಲೆಸ್ಸಿ ನೇತೃತ್ವದಲ್ಲಿ ತಂಡ ಟೂರ್ನಿಗೆ ಭರ್ಜರಿ ತಾಲೀಮು ನಡೆಸಿದೆ. ಆದರೆ, ಪ್ರಮುಖ ಆಟಗಾರರ ಗಾಯದ ಸಮಸ್ಯೆ ತಂಡಕ್ಕೆ ಮುಳುವಾಗಲಿದೆ. ಶ್ರೀಲಂಕಾದ ಆಲ್​ರೌಂಡರ್​ ವನಿಂದು ಹಸರಂಗ, ಆಸ್ಟ್ರೇಲಿಯಾದ ಬೌಲರ್​ ಜೋಶ್​ ಹೇಜಲ್​ವುಡ್​ ಮತ್ತು ಕಳೆದ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ರಜತ್​ ಪಾಟೀದಾರ್ ಗಾಯದ ಸಮಸ್ಯೆಯಿಂದಾಗಿ ಟೂರ್ನಿಯ ಆರಂಭಿಕ ಪಂದ್ಯಗಳನ್ನು ತಪ್ಪಿಸಿಕೊಳ್ಳಲಿದ್ದಾರೆ. ಇದು ತಂಡದ ಸಂಯೋಜನೆಗೆ ಪೆಟ್ಟು ನೀಡಲಿದೆ.

ಹಸರಂಗ ಏಪ್ರಿಲ್​ 9 ರ ಬಳಿಕ ತಂಡಕ್ಕೆ ಲಭ್ಯವಾಗಲಿದ್ದಾರೆ. ಜೋಶ್​ ಹೇಜಲ್​ವುಡ್​ ಗಾಯದಿಂದ ಚೇತರಿಸಿಕೊಂಡಿಲ್ಲ. ಹೀಗಾಗಿ ಆರಂಭಿಕ ಪಂದ್ಯಗಳಿಗೆ ಅವರ ಬದಲಿಗೆ ಇಂಗ್ಲೆಂಡ್ ವೇಗಿ ರೀಸ್ ಟೋಪ್ಲಿ ಅವರನ್ನು ಪರಿಗಣಿಸಲಾಗುವುದು. ಇನ್ನು ಹಿಮ್ಮಡಿ ಗಾಯದಿಂದಾಗಿ ಐಪಿಎಲ್‌ನ ಮೊದಲಾರ್ಧವನ್ನು ಕಳೆದುಕೊಳ್ಳಲಿರುವ ರಜತ್ ಪಾಟೀದಾರ್ ಕುರಿತು ಫ್ರಾಂಚೈಸಿ ಮಾಹಿತಿ ಪಡೆದುಕೊಳ್ಳಲಿದೆ. ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ (ಎನ್‌ಸಿಎ) ಪಾಟೀದಾರ್​ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಂಡದ ಮುಖ್ಯ ಕೋಚ್ ಸಂಜಯ್ ಬಂಗಾರ್ ತಿಳಿಸಿದರು.

ಮ್ಯಾಕ್ಸಿಗೆ ಗ್ರೀನ್​ಸಿಗ್ನಲ್​: ಕಾಲಿನ ಗಾಯದ ಬಳಲುತ್ತಿದ್ದ ಆಸ್ಟ್ರೇಲಿಯಾದ ಆಲ್​ರೌಂಡರ್​ ಗ್ಲೆನ್​ ಮ್ಯಾಕ್ಸ್​ವೆಲ್​ಗೆ ಕ್ರಿಕೆಟ್ ಆಸ್ಟ್ರೇಲಿಯಾ ಐಪಿಎಲ್​ನಲ್ಲಿ ಆಡಲು ಅನುಮತಿ ನೀಡಿದೆ. ಇದು ತಂಡಕ್ಕೆ ಶುಭ ಸುದ್ದಿಯಾಗಿದೆ. ಮ್ಯಾಕ್ಸಿ ಸೇರ್ಪಡೆಯಿಂದ ತಂಡಕ್ಕೆ ಬಲ ಬಂದಿದೆ ಎಂದು ಬಂಗಾರ್​ ಹೇಳಿದರು.

ಕಳೆದ ವರ್ಷ ಆರ್​ಸಿಬಿ ಪ್ಲೇಆಫ್‌ಗೆ ಅರ್ಹತೆ ಗಳಿಸಿತ್ತು. ಕ್ವಾಲಿಫೈಯರ್ 2 ರಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಏಳು ವಿಕೆಟ್‌ಗಳಿಂದ ಸೋತು ಪ್ರಶಸ್ತಿ ರೇಸ್​​ನಿಂದ ಹೊರಬಿದ್ದಿತ್ತು. ಗಾಯಾಳು ಹಸರಂಗಾ ಕಳೆದ ಋತುವಿನಲ್ಲಿ ಆರ್​ಸಿಬಿ ತಂಡದ ಪ್ರಮುಖ ವಿಕೆಟ್ ಟೇಕರ್ ಆಗಿದ್ದರು. 16 ಪಂದ್ಯಗಳಲ್ಲಿ 16.53 ರ ಸರಾಸರಿಯಲ್ಲಿ 26 ವಿಕೆಟ್​ ಕಬಳಿಸಿದ್ದರು. ಸೀಸನ್​ನ ಎರಡನೇ ಅತಿ ಹೆಚ್ಚು ವಿಕೆಟ್ ಟೇಕರ್ ಎನಿಸಿದ್ದರು.

ಹಳೆ ಟ್ರ್ಯಾಕ್​ಗೆ ಮರಳುತ್ತಾ ಮುಂಬೈ?: ಇನ್ನೊಂದೆಡೆ, ರೋಹಿತ್ ಶರ್ಮಾ ನೇತೃತ್ವದ ಮುಂಬೈ ಇಂಡಿಯನ್ಸ್​ ತಂಡ ಸರಣಿಯಲ್ಲಿ ಹಳೆಯ ಲಯ ಕಂಡುಕೊಳ್ಳಲು ಹೋರಾಡಲಿದೆ. 5 ಬಾರಿಯ ಚಾಂಪಿಯನ್​ ತಂಡ ಗೆಲುವಿನ ಮೂಲಕ ಸರಣಿ ಶುಭಾರಂಭದ ಗುರಿ ಹೊಂದಿದೆ. ನಾಯಕ ರೋಹಿತ್​ ಅನಾರೋಗ್ಯದಿಂದ ಚೇತರಿಸಿಕೊಂಡಿದ್ದು, ಇಂದಿನ ಪಂದ್ಯಕ್ಕೆ ಲಭ್ಯವಿದ್ದಾರೆ. ತಂಡದಲ್ಲಿ ಟಿ20 ಸ್ಪೆಷಲಿಸ್ಟ್​ ಸೂರ್ಯಕುಮಾರ್​ ಯಾದವ್, ಇಶಾನ್​ ಕಿಶನ್​, ಡೆವಾಲ್ಡ್​ ಬ್ರೆವಿಸ್​, ಟಿಮ್​ ಡೇವಿಡ್​ರಂತಹ ಘಟಾನುಘಟಿಗಳು ಇದ್ದಾರೆ.

ಇದನ್ನೂ ಓದಿ: IPL2023: 5 ವಿಕೆಟ್​ ಉರುಳಿಸಿದ ಮಾರ್ಕ್​ ವುಡ್​: ದೆಹಲಿ ವಿರುದ್ಧ ಲಕ್ನೋಗೆ 50 ರನ್​ಗಳ ಜಯ