ಬೆಂಗಳೂರು: ಇತ್ತೀಚೆಗೆ ಮುಗಿದ ಭಾರತ ವಿರುದ್ಧದ ಏಕದಿನ ಸರಣಿಯಲ್ಲಿ ಅತ್ಯುತ್ತಮ ಆಲ್ರೌಂಡರ್ ಪ್ರದರ್ಶನ ತೋರಿದ್ದ ವಿಂಡೀಸ್ ಬೌಲರ್‌ನನ್ನು ಪಂಜಾಬ್ ಕಿಂಗ್ಸ್ ತಂಡ ಬರೋಬ್ಬರಿ 6 ಕೋಟಿ ರೂ ನೀಡಿ ಖರೀದಿಸಿದೆ.
ವೇಗದ ಬೌಲಿಂಗ್ ಜೊತೆಗೆ ಕೆಳ ಕ್ರಮಾಂಕದಲ್ಲಿ ಬೌಂಡರಿ ಮತ್ತು ಸಿಕ್ಸರ್ಗಳ ಮೂಲಕ ವೇಗವಾಗಿ ರನ್ ಗಳಿಸುವ ಸಾಮರ್ಥ್ಯ ಹೊಂದಿರುವ ಸ್ಮಿತ್, ಕಳೆದ ಬಾರಿ ಇಂಗ್ಲೆಂಡ್ ವಿರುದ್ಧ ನಡೆದ ಟಿ20 ಸರಣಿ ಮತ್ತು ಇತ್ತೀಚಿಗೆ ಭಾರತ ಪ್ರವಾಸದಲ್ಲಿ ಆಲ್ರೌಂಡರ್ ಆಟದ ಮೂಲಕ ಗಮನ ಸೆಳೆದಿದ್ದರು. ಈ ವಿಂಡೀಸ್ ದೈತ್ಯನ ಖರೀದಿಗಾಗಿ ಪಂಜಾಬ್ ಕಿಂಗ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿಗಳು ಪೈಪೋಟಿ ನಡೆಸಿದವಾದರೂ ಕೊನೆಗೆ ಬಿಡ್ನಲ್ಲಿ ಪಂಜಾಬ್ ಜಯಶಾಲಿಯಾಯಿತು. ಈಗಾಗಲೇ ಇಂಗ್ಲೆಂಡ್ ಆಲ್ರೌಂಡರ್ ಲಿಯಾಮ್ ಲಿವಿಂಗ್ಸ್ಟೋನ್ರನ್ನು ಕೂಡ ಭಾರಿ ಪೈಪೋಟಿ ನೀಡಿ 11.50 ಕೋಟಿ ರೂಗಳಿಗೆ ಖರೀದಿಸಿದೆ.
25 ವರ್ಷದ ಒಡಿಯನ್ ಸ್ಮಿತ್ 33 ಟಿ20 ಪಂದ್ಯಗಳನ್ನಾಡಿದ್ದು 8.9ರ ಎಕಾನಮಿಯಲ್ಲಿ 36 ವಿಕೆಟ್ ಪಡೆದಿದ್ದಾರೆ. ಬ್ಯಾಟಿಂಗ್ನಲ್ಲಿ 124ರ ಸ್ಟ್ರೈಕ್ರೇಟ್ನಲ್ಲಿ 542 ರನ್ಗಳಿಸಿದ್ದಾರೆ.
ಪಂಜಾಬ್ ಕಿಂಗ್ಸ್ ಖರೀದಿಸಿರುವ ಆಟಗಾರರ ಪಟ್ಟಿ:
- ರಾಹುಲ್ ಚಹಾರ್ -ಭಾರತೀಯ ಬೌಲರ್- ₹5,25,00,000
- ಪ್ರಭಾಸಿಮ್ರಾನ್ -ಸಿಂಗ್ ಭಾರತೀಯ ವಿಕೆಟ್ ಕೀಪರ್ -₹60,00,000
- ಜಿತೇಶ್ ಶರ್ಮಾ- ಭಾರತೀಯ ವಿಕೆಟ್ ಕೀಪರ್- ₹20,00,000
- ಶಾರುಖ್ ಖಾನ್ -ಭಾರತೀಯ ಆಲ್ ರೌಂಡರ್- ₹9,00,00,000
- ಕಗಿಸೊ ರಬಾಡ- ವಿದೇಶಿ ಬೌಲರ್- ₹9,25,00,000
- ಹರ್‌ಪ್ರೀತ್ ಬ್ರಾರ್- ಭಾರತೀಯ ಆಲ್ರೌಂಡರ್- ₹3,80,00,000
- ಇಶಾನ್ ಪೊರೆಲ್- ಭಾರತೀಯ ಬೌಲರ್- ₹25,00,000
- ಶಿಖರ್ ಧವನ್- ಭಾರತೀಯ ಬ್ಯಾಟ್ಸ್‌ಮನ್ -₹8,25,00,000
- ಲಿಯಾಮ್ ಲಿವಿಂಗ್‌ಸ್ಟೋನ್- ವಿದೇಶಿ ಆಲ್ ರೌಂಡರ್- ₹11,50,00,000
- ಜಾನಿ ಬೈರ್‌ಸ್ಟೋವ್- ವಿದೇಶಿ ವಿಕೆಟ್ ಕೀಪರ್- ₹6,75,00,000
- ಒಡಿಯನ್ ಸ್ಮಿತ್- ವಿದೇಶಿ ಬೌಲರ್- ₹6,00,00,000
ಇದನ್ನೂ ಓದಿ:
IPL: 2ನೇ ದಿನ ಲಿವಿಂಗ್ಸ್ಟೋನ್ಗೆ ಜಾಕ್ಪಾಟ್; 11.5 ಕೋಟಿ ರೂಗೆ ಖರೀದಿಸಿದ ಪಂಜಾಬ್
ಪಾದರಕ್ಷೆ ಅಂಗಡಿ ಇಟ್ಟುಕೊಂಡಿದ್ದ ವ್ಯಕ್ತಿಯ ಮಗನ ಅದೃಷ್ಟ; IPLನಲ್ಲಿ ₹2.60 ಕೋಟಿಗೆ ಹರಾಜಾದ ಕನ್ನಡಿಗ
