ಹೈದರಾಬಾದ್: ಎರಡು ದಿನಗಳ ಐಪಿಎಲ್ ಮೆಗಾ ಹರಾಜು ಮುಗಿದಿದ್ದು, 10 ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರರನ್ನು ಖರೀದಿಸಿವೆ. ಮುಂಬೈ ಇಂಡಿಯನ್ಸ್ ಯುವ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಇಶಾನ್ ಕಿಶನ್ರನ್ನು 15.5 ಕೋಟಿ ರೂ.ಗೆ ಖರೀದಿಸಿದ್ದು, ಐಪಿಎಲ್ 2022ರ ಹರಾಜಿನ ಗರಿಷ್ಠ ಖರೀದಿಯಾಯಿತು.
ಐಪಿಎಲ್ ಹರಾಜಿನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ 21, ಡೆಲ್ಲಿ ಕ್ಯಾಪಿಟಲ್ಸ್ 20, ಗುಜರಾತ್ ಟೈಟನ್ಸ್ 20, ಕೆಕೆಆರ್ 21, ಲಖನೌ 18, ಮುಂಬೈ ಇಂಡಿಯನ್ಸ್ 21, ಪಂಜಾಬ್ ಕಿಂಗ್ಸ್ 23, ರಾಜಸ್ಥಾನ ರಾಯಲ್ಸ್ 21, ಆರ್ಸಿಬಿ 19 ಮತ್ತು ಸನ್ರೈಸರ್ಸ್ ಹೈದರಾಬಾದ್ 20 ಆಟಗಾರರನ್ನು ಖರೀದಿಸಿದೆ.
ಇನ್ನು ವಿದೇಶಿ ಆಟಗಾರರಿಗೆ ಹೆಚ್ಚು ಹಣ ಹೂಡಿಕೆ ಮಾಡಿರುವ ಫ್ರಾಂಚೈಸಿಯಲ್ಲಿ ಸನ್ರೈಸರ್ಸ್ ಹೈದಾಬಾದ್ ಮತ್ತು ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಅಗ್ರಸ್ಥಾನದಲ್ಲಿವೆ. ಸನ್ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿ ತನ್ನ 90 ಕೋಟಿ ರೂ ಪರ್ಸ್ನಲ್ಲಿ 8 ವಿದೇಶಿಯರಿಗೆ 43.70 ಕೋಟಿ ರೂಗಳನ್ನು ವಿನಿಯೋಗಿಸಿದ್ದರೆ, ಚೆನ್ನೈ ಸೂಪರ್ ಕಿಂಗ್ಸ್ ಈ ಲಿಸ್ಟ್ನಲ್ಲಿ ಕೊನೆಯ ಸ್ಥಾನದಲ್ಲಿದ್ದು, ಫ್ರಾಂಚೈಸಿ 8 ಆಟಗಾರರಿಗೆ ಕೇವಲ 22 ಕೋಟಿ ರೂ ವೆಚ್ಚಮಾಡಿದೆ.
ಐಪಿಎಲ್ನಲ್ಲಿ ವಿದೇಶಿ ಆಟಗಾರರಿಗೆ ಫ್ರಾಂಚೈಸಿ ವ್ಯಯಸಿದ ಹಣದ ವಿವರ
- ಸನ್ರೈಸರ್ಸ್ ಹೈದರಾಬಾದ್ - 8 ಆಟಗಾರರಿಗೆ 43.70 ಕೋಟಿರ ರೂ
- ರಾಯಲ್ ಚಾಲೆಂಜರ್ಸ್ ಬೆಂಗಳೂರು -7 ಆಟಗಾರರಿಗೆ 41.05 ಕೋಟಿ ರೂ
- ಲಖನೌ ಸೂಪರ್ ಜೈಂಟ್ಸ್ - 8 ಆಟಗಾರರಿಗೆ 36.70 ಕೋಟಿ ರೂ
- ಗುಜರಾತ್ ಟೈಟನ್ಸ್-- 8 ಆಟಗಾರರಿಗೆ 31,20 ಕೋಟಿ ರೂ
- ಪಂಜಾಬ್ ಕಿಂಗ್ಸ್------7 ಆಟಗಾರರಿಗೆ 35.15 ಕೋಟಿ ರೂ
- ರಾಜಸ್ಥಾನ್ ರಾಯಲ್ಸ್-- 8 ಆಟಗಾರರಿಗೆ 31.50 ಕೋಟಿ ರೂ
- ಕೋಲ್ಕತ್ತಾ ನೈಟ್ ರೈಡರ್ಸ್- 8 ಆಟಗಾರರಿಗೆ 31.75 ಕೋಟಿ ರೂ
- ಮುಂಬೈ ಇಂಡಿಯನ್ಸ್- 8 ಆಟಗಾರರಿಗೆ 31.10 ಕೋಟಿ ರೂ
- ಡೆಲ್ಲಿ ಕ್ಯಾಪಿಟಲ್ಸ್------- 7 ಆಟಗಾರರಿಗೆ 25 ಕೋಟಿ ರೂ
- ಚೆನ್ನೈ ಸೂಪರ್ ಕಿಂಗ್ಸ್---- 8 ಆಟಗಾರರಿಗೆ 22 ಕೋಟಿ
ಇದನ್ನೂ ಓದಿ:ಆರ್ಸಿಬಿಯಲ್ಲಿ ಸಿಕ್ಕಿದ ಈ ಪಾತ್ರ ನನ್ನ ವೃತ್ತಿಜೀವನವನ್ನೇ ಬದಲಾಯಿಸಿತು: ಹರ್ಷಲ್ ಪಟೇಲ್
