ದುಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವೇಗಿ ಹರ್ಷಲ್ ಪಟೇಲ್ ಮಾರಕ ಬೌಲಿಂಗ್ ಪ್ರದರ್ಶನ ಮುಂದುವರೆಸಿದ್ದಾರೆ. ಇಂದು ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಒಂದೇ ಓವರ್ನಲ್ಲಿ 3 ವಿಕೆಟ್ ಪಡೆದು ಮಿಂಚಿದರು.
ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದುಕೊಂಡಿದ್ದ ಪಟೇಲ್, ರಾಜಸ್ಥಾನ ರಾಯಲ್ಸ್ ವಿರುದ್ಧದ ಕೊನೆ ಓವರ್ನಲ್ಲಿ ಕಮಾಲ್ ಮಾಡಿದರು. ಇದರ ಜೊತೆಗೆ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಹೊಸ ದಾಖಲೆಯನ್ನೂ ಸೃಷ್ಟಿಸಿದರು.
ಇದನ್ನೂ ಓದಿ: ಆರಂಭದಲ್ಲಿ ಅಬ್ಬರಿಸಿ ನಂತರ ಮುಗ್ಗರಿಸಿದ ರಾಯಲ್ಸ್... ಆರ್ಸಿಬಿಗೆ ಗೆಲ್ಲಲು 150ರನ್ಗಳ ಟಾರ್ಗೆಟ್
ಐಪಿಎಲ್ ಇತಿಹಾಸದಲ್ಲೇ ಅನ್ಕ್ಯಾಪ್ಡ್ ಪ್ಲೇಯರ್ (ರಾಷ್ಟ್ರೀಯ ತಂಡದ ಪರ ಇನ್ನೂ ಪದಾರ್ಪಣೆ ಮಾಡದೇ ಇರುವ ಆಟಗಾರ) ಆಗಿ ಅತಿ ಹೆಚ್ಚು ವಿಕೆಟ್ ಪಡೆದುಕೊಂಡಿರುವ ಸಾಧನೆ ಮಾಡಿದ್ದಾರೆ. 14ನೇ ಆವೃತ್ತಿಯಲ್ಲಿ ಇಲ್ಲಿಯವರೆಗೆ 26 ವಿಕೆಟ್ ಪಡೆದುಕೊಂಡಿರುವ ಹರ್ಷಲ್ ಪಟೇಲ್, ಯುಜುವೇಂದ್ರ ಚಹಲ್ ಅವರನ್ನು ಹಿಂದಿಕ್ಕಿದ್ದಾರೆ.
ಐಪಿಎಲ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಅನ್ಕ್ಯಾಪ್ಡ್ ಪ್ಲೇಯರ್ಸ್‌:
- ಹರ್ಷಲ್ ಪಟೇಲ್ (ಆರ್ಸಿಬಿ) 26 ವಿಕೆಟ್, 2021
- ಯಜುವೇಂದ್ರ ಚಹಲ್ (ಆರ್ಸಿಬಿ) 23 ವಿಕೆಟ್, 2015
- ಶ್ರೀನಾಥ್ ಅರವಿಂದ್ (ಆರ್ಸಿಬಿ) 21 ವಿಕೆಟ್, 2011
- ಸಿದ್ಧಾರ್ಥ್ ಕೌಲ್ (ಹೈದರಾಬಾದ್) 21 ವಿಕೆಟ್, 2018
ಸದ್ಯದ ಐಪಿಎಲ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದುಕೊಂಡಿರುವ ಹರ್ಷಲ್ ಪಟೇಲ್ ಪರ್ಪಲ್ ಕ್ಯಾಪ್ ಹೊಂದಿದ್ದಾರೆ. ಇವರ ನಂತರದ ಸ್ಥಾನದಲ್ಲಿ ಡೆಲ್ಲಿ ತಂಡದ ಆವೀಶ್ ಖಾನ್ ಇದ್ದಾರೆ.
