ಹೈದರಾಬಾದ್: ಆರ್ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ ಮತ್ತು ವಿಕೆಟ್ ಕೀಪರ್ ಎಬಿ ಡಿ ವಿಲಿಯರ್ಸ್ ಅವರನ್ನು ಐಪಿಎಲ್ನಿಂದ ಬ್ಯಾನ್ ಮಾಡುವಂತೆ ಮನವಿ ಮಾಡುವೆ ಎಂದು ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕ ಕೆ.ಎಲ್.ರಾಹುಲ್ ಹೇಳಿದ್ದಾರೆ.
ಪುಮಾ ಇಂಡಿಯಾಗಾಗಿ ಇನ್ಸ್ಟಾಗ್ರಾಂನಲ್ಲಿ ರಾಹುಲ್ ಮತ್ತು ವಿರಾಟ್ ಕೊಹ್ಲಿ ಲೈವ್ ಚಾಟ್ ನಡೆಸಿದ್ದು, ಈ ವೇಳೆ ರಾಹುಲ್ ಇಂತಹದ್ದೊಂದು ಆಸೆಯನ್ನು ಕೊಹ್ಲಿ ಮುಂದಿಟ್ಟಿದ್ದಾರೆ.
ಲೈವ್ ಚಾಟ್ ವೇಳೆ ಅಭಿಮಾನಿಗಳು ಕೇಳಿದ ಪ್ರಶ್ನೆಯನ್ನು ವಿರಾಟ್, ರಾಹುಲ್ ಮುಂದಿಡುತ್ತಿದ್ದರು. ಈ ವೇಳೆ ಐಪಿಎಲ್ನಲ್ಲಿ ನಿಮಗೆ ಅನುಕೂಲವಾಗುವಂತಹ ಒಂದು ನಿಯಮ ಬದಲಾವಣೆ ಮಾಡುವಂತಹ ಅವಕಾಶ ನೀಡಿದರೆ ನೀವು ಏನ್ನನ್ನು ಬಯಸುತ್ತೀರಿ ಎಂದು ಅಭಿಮಾನಿ ಕೇಳಿದ ಪ್ರಶ್ನೆಯನ್ನು ವಿರಾಟ್, ರಾಹುಲ್ ಮುಂದಿಟ್ಟರು.
- " class="align-text-top noRightClick twitterSection" data="
">
ನಗು ನಗುತ್ತಲೆ ಪ್ರತಿಕ್ರಿಯೆ ನೀಡಿದ ರಾಹುಲ್, ಎಬಿಡಿ ಮತ್ತು ವಿರಾಟ್ ಕೊಹ್ಲಿಯನ್ನು ಐಪಿಎಲ್ನಿಂದ ಬ್ಯಾನ್ ಮಾಡಿ ಎಂದು ಮನವಿ ಮಾಡುವೆ ಎಂದಿದ್ದಾರೆ. ಈಗಾಗಲೇ ಟೂರ್ನಿಯಲ್ಲಿ ನೀವು ಸಾಕಷ್ಟು ದಾಖಲೆ ಬರೆದಿದ್ದೀರಾ. 5 ಸಾವಿರಕ್ಕೂ ಅಧಿಕ ರನ್ ಗಳಿಸಿದ್ದೀರಿ. ಉಳಿದ ಯುವ ಆಟಗಾರರರಿಗೂ ಅವಕಾಶ ಸಿಗಲಿ ಎಂದಿದ್ದಾರೆ.
ಇದೇ ಸಂಭಾಷಣೆ ವೇಳೆ ಇಂದಿನ ಪಂದ್ಯದ ಬಗ್ಗೆ ವಿರಾಟ್ ಪ್ರಶ್ನೆ ಮಾಡಿದಾಗ ಇದಕ್ಕೆ ಉತ್ತರಿಸಿದ ರಾಹುಲ್, ನಾವು ಟೂರ್ನಿಯಲ್ಲಿ ಗೆದ್ದಿರುವುದು ಆರ್ಸಿಬಿ ವಿರುದ್ಧ ಮಾತ್ರ. ಇಂದಿನ ಪಂದ್ಯದಲ್ಲಿ ನಿಮ್ಮ ಫೀಲ್ಡರ್ಗಳು ಒಂದೆರಡು ಕ್ಯಾಚ್ ಬಿಟ್ಟರೆ ಉತ್ತಮವಾಗಿರುತ್ತದೆ ಎಂದು ಕಳೆದ ಪಂದ್ಯದಲ್ಲಿ ಕೊಹ್ಲಿ 2 ಕ್ಯಾಚ್ ಕೈಬಿಟ್ಟ ಘಟನೆಯನ್ನು ನೆನಪಿಸಿದ್ದಾರೆ.
