ಜೋಹಾನ್ಸ್ಬರ್ಗ್(ದಕ್ಷಿಣ ಆಫ್ರಿಕಾ): ಟೀಂ ಇಂಡಿಯಾ ಸದ್ಯ ಇಂಗ್ಲೆಂಡ್ ಪ್ರವಾಸದಲ್ಲಿದ್ದು, ಇದು ಮುಕ್ತಾಯಗೊಳ್ಳುತ್ತಿದ್ದಂತೆ ಇಂಡಿಯನ್ ಪ್ರೀಮಿಯರ್ ಲೀಗ್ ತದನಂತರ ಬಹುನಿರೀಕ್ಷಿತ ಟಿ-20 ವಿಶ್ವಕಪ್ ಟೂರ್ನಾಮೆಂಟ್ನಲ್ಲಿ ಭಾಗಿಯಾಗಲಿದೆ. ಇದಾದ ಬಳಿಕ ಕೂಡ ಟೀಂ ಇಂಡಿಯಾ ವಿಶ್ರಾಂತಿ ಪಡೆದುಕೊಳ್ಳುವ ಬದಲು ಮತ್ತೊಂದು ದೇಶದ ಪ್ರವಾಸ ಕೈಗೊಳ್ಳಲಿದೆ.
ಡಿಸೆಂಬರ್ 17ರಿಂದ ಭಾರತ-ದಕ್ಷಿಣ ಆಫ್ರಿಕಾ ತಂಡಗಳ ನಡುವೆ ಕ್ರಿಕೆಟ್ ಸರಣಿ ಆಯೋಜನೆಗೊಂಡಿರುವ ಕಾರಣ ಅಲ್ಲಿಗೆ ಪ್ರವಾಸ ಕೈಗೊಳ್ಳಲಿದೆ. ಮೂರು ಟೆಸ್ಟ್ ಪಂದ್ಯ, ಮೂರು ಏಕದಿನ ಹಾಗೂ ಮೂರು ಟಿ-20 ಪಂದ್ಯಗಳಲ್ಲಿ ಟೀಂ ಇಂಡಿಯಾ ಭಾಗಿಯಾಗಲಿದ್ದು, ಅದರ ವೇಳಾಪಟ್ಟಿ ದಕ್ಷಿಣ ಆಫ್ರಿಕಾ ಇಂದು ರಿಲೀಸ್ ಮಾಡಿದೆ.
ಡಿಸೆಂಬರ್ 17ರಿಂದ ಟೆಸ್ಟ್ ಸರಣಿ ಆರಂಭಗೊಳ್ಳಲಿದ್ದು, ಇದಾದ ಬಳಿಕ ಜನವರಿ 11ರಿಂದ ಏಕದಿನ ಸರಣಿ ತದನಂತರ ಜನವರಿ 19ರಿಂದ ಜನವರಿ 23ರವರೆಗೆ ಟಿ-20 ಕ್ರಿಕೆಟ್ ಪಂದ್ಯಗಳು ನಡೆಯಲಿವೆ ಎಂದು ಕ್ರಿಕೆಟ್ ಸೌತ್ ಆಫ್ರಿಕಾ ತಿಳಿಸಿದೆ.
ಇದನ್ನೂ ಓದಿರಿ: ಭಾರತ-ಇಂಗ್ಲೆಂಡ್ ನಡುವೆ 5ನೇ ಟೆಸ್ಟ್ ಪಂದ್ಯ ನಡೆಯುತ್ತೋ, ಇಲ್ವೋ ಗೊತ್ತಿಲ್ಲ: ಗಂಗೂಲಿ
ಸಂಪೂರ್ಣ ವೇಳಾಪಟ್ಟಿ ಇಂತಿದೆ
- ಮೊದಲ ಟೆಸ್ಟ್ ಪಂದ್ಯ: ಡಿಸೆಂಬರ್ 17-21, ಜೋಹಾನ್ಸ್ಬರ್ಗ್
- 2ನೇ ಟೆಸ್ಟ್ ಪಂದ್ಯ: ಡಿಸೆಂಬರ್ 26-30, ಸೆಂಚುರಿಯನ್
- 3ನೇ ಟೆಸ್ಟ್ ಪಂದ್ಯ: ಜನವರಿ 3-7,ಜೋಹಾನ್ಸ್ಬರ್ಗ್
ಏಕದಿನ ಪಂದ್ಯಗಳ ಸರಣಿ
- ಮೊದಲ ಏಕದಿನ ಪಂದ್ಯ: ಪಾರ್ಲಿ, ಜನವರಿ 11
- ಎರಡನೇ ಏಕದಿನ ಪಂದ್ಯ: ಕೇಪ್ಟೌನ್, ಜನವರಿ 14
- ಮೂರನೇ ಏಕದಿನ ಪಂದ್ಯ: ಕೇಪ್ಟೌನ್, ಜನವರಿ 16
ಟಿ-20 ಕ್ರಿಕೆಟ್ ಪಂದ್ಯಗಳು
- ಮೊದಲ ಟಿ-20 ಪಂದ್ಯ, ಕೇಪ್ಟೌನ್, ಜನವರಿ 19
- ಎರಡನೇ ಟಿ-20 ಪಂದ್ಯ,ಕೇಪ್ಟೌನ್, ಜನವರಿ 21
- ಮೂರನೇ ಟಿ-20 ಪಂದ್ಯ, ಪರ್ಲಿ, ಜನವರಿ 23
ಯುಎಇನಲ್ಲಿ ನಡೆಯಲಿರುವ ಟಿ-20 ವಿಶ್ವಕಪ್ಗಾಗಿ ದಕ್ಷಿಣ ಆಫ್ರಿಕಾ 15 ಸದಸ್ಯರನ್ನೊಳಗೊಂಡ ತಂಡವನ್ನ ಇಂದು ಪ್ರಕಟ ಮಾಡಿದ್ದು, ಇದು ಮುಕ್ತಾಯಗೊಳ್ಳುತ್ತಿದ್ದಂತೆ ಟೀಂ ಇಂಡಿಯಾ ಜೊತೆ ಸೆಣಸಾಟ ನಡೆಸಲಿದೆ.
