ಮುಂಬೈ: ಇಂಗ್ಲೆಂಡ್ ಪ್ರವಾಸದಲ್ಲಿ ಗಾಯಗೊಂಡಿದ್ದ ಶುಬ್ಮನ್ ಗಿಲ್ ತವರಿಗೆ ಮರಳಿದ್ದಾರೆ. ಈ ಬಗ್ಗೆ ಇನ್ಸ್ಟಾಗ್ರಾಮ ಪೋಸ್ಟ್ ಮಾಡಿದ್ದು, ಮನೆಗೆ ಬಂದಿರುವ ವಿಷಯವನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.
ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ವೇಳೆ ಭಾರತ ತಂಡದ ಭಾಗವಾಗಿದ್ದ ಗಿಲ್ ಎರಡೂ ಇನ್ನಿಂಗ್ಸ್ ಮೂಲಕ ಕ್ರಮವಾಗಿ 28 ಮತ್ತು 8 ರನ್ಗಳಿಸಿದ್ದರು. ಈ ವೇಳೆ ಮಣಿಕಟ್ಟಿಗೆ ಗಂಭೀರ ಗಾಯವಾಗಿದ್ದರಿಂದ ಇಂಗ್ಲೆಂಡ್ ವಿರುದ್ಧದ ಸರಣಿಯಿಂದ ಹೊರಬಿದ್ದಿದ್ದರು.
ಶುಬ್ಮನ್ ಗಿಲ್ ಏರ್ಪೋರ್ಟ್ ರನ್ವೇಯಲ್ಲಿರುವ ಫೋಟೋ ಮತ್ತು ಮನೆಯಲ್ಲಿ ವೆಲ್ಕಮ್ ಟು ಹೋಮ್ ಶುಬಿ ಎಂದು ಬರೆದಿರುವ ಕೇಕ್ ಪೋಟೋವನ್ನು ತಮ್ಮ ಇನ್ಸ್ಟಾಗ್ರಾಮನಲ್ಲಿ ಬರೆದುಕೊಂಡಿದ್ದರು.
ಶುಬ್ಮನ್ ಗಿಲ್ ಟೆಸ್ಟ್ ಸರಣಿಯಿಂದ ಹೊರಬೀಳುತ್ತಿದ್ದಂತೆ ಟೀಮ್ ಇಂಡಿಯಾ ಮ್ಯಾನೇಜ್ಮೆಂಟ್ ಅವರ ಸ್ಥಾನಕ್ಕೆ ಬೇರೊಬ್ಬ ಆಟಗಾರನನ್ನು ಕಳುಹಿಸಿಕೊಡುವಂತೆ ಪತ್ರ ಬರೆದಿತ್ತು. ಪೃಥ್ವಿ ಶಾ ಮತ್ತು ದೇವದತ್ ಪಡಿಕ್ಕಲ್ರನ್ನು ಕಳುಹಿಸಿಕೊಡುವಂತೆ ಮ್ಯಾನೇಜ್ ಮೆಂಟ್ ಇಮೇಲ್ ಮಾಡಿದೆ ಎಂಬ ಗುಮಾನಿಗಳು ಕೇಳಿನ ಬಂದಿದ್ದವು.
ಆದರೆ ಆಯ್ಕೆಗಾರರು ಈಗಾಗಲೇ ಇಂಗ್ಲೆಂಡ್ ಸರಣಿಗಾಗಿ ಮೀಸಲು ಆಟಗಾರನಾಗಿ ಆಯ್ಕೆಯಾಗಿರುವ ಅಭಿಮನ್ಯು ಈಶ್ವರನ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳುವಂತೆ ತಿಳಿಸಿದ್ದರು.
ಇದನ್ನೂ ಓದಿ:ದೀಪಕ್‌ ಚಹಾರ್‌ 'ನಿನಗೆ ಕ್ರಿಕೆಟ್‌ ಆಗಿಬರೋಲ್ಲ, ಬೇರೆ ಕೆಲಸವಿದ್ದರೆ ನೋಡಿಕೋ' ಎಂದಿದ್ದರಂತೆ ಗ್ರೆಗ್ ಚಾಪೆಲ್‌!
