ವಿಶ್ವಕಪ್​: ಏಕದಿನ ಕ್ರಿಕೆಟ್‌ನಲ್ಲಿ 48ನೇ ಶತಕ ಸಿಡಿಸಿದ ಕೊಹ್ಲಿ; 'ವಿರಾಟ್‌' ಪ್ರದರ್ಶನಕ್ಕೆ ಮಣಿದ ಬಾಂಗ್ಲಾ!

ಬಾಂಗ್ಲಾದೇಶ ವಿರುದ್ದದ ಪಂದ್ಯದಲ್ಲಿ ಭಾರತ 7 ವಿಕೆಟ್​ಗಳ ಜಯಭೇರಿ ಬಾರಿಸಿದೆ.

ಪುಣೆ: ಏಕದಿನ ವಿಶ್ವಕಪ್‌ ಕ್ರಿಕೆಟ್‌ನ ಇಂದಿನ ಪಂದ್ಯದಲ್ಲಿ ಭಾರತ ತಂಡ ಬಾಂಗ್ಲಾದೇಶ ವಿರುದ್ಧ 7 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲಿಸಿತು. ಮಹಾರಾಷ್ಟ್ರ ಕ್ರಿಕೆಟ್​ ಅಸೋಸಿಯೇಷನ್ಸ್​ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಬಾಂಗ್ಲಾ ನೀಡಿದ್ದ 256 ರನ್‌​ಗಳ ಗುರಿ ಬೆನ್ನತ್ತಿದ ಭಾರತ 3 ವಿಕೆಟ್​ ನಷ್ಟಕ್ಕೆ ಗುರಿ ತಲುಪಿ ಗೆಲುವಿನ ನಗೆಬೀರಿತು. ವಿರಾಟ್‌ ಕೊಹ್ಲಿ ಏಕದಿನ ಕ್ರಿಕೆಟ್‌ನಲ್ಲಿ 48ನೇ ಶತಕ ಸಿಡಿಸಿ ಸಂಭ್ರಮಿಸಿದರು.

• Virat Kohli slams his 48th ODI ton in an emphatic India win in Pune 🔥 @mastercardindia Milestones 🏏 #CWC23 | #INDvBAN pic.twitter.com/iC8i2Bf7dR

  — ICC (@ICC) October 19, 2023 " class="align-text-top noRightClick twitterSection" data="

  Virat Kohli slams his 48th ODI ton in an emphatic India win in Pune 🔥 @mastercardindia Milestones 🏏 #CWC23 | #INDvBAN pic.twitter.com/iC8i2Bf7dR

  — ICC (@ICC) October 19, 2023

  ">

  Virat Kohli slams his 48th ODI ton in an emphatic India win in Pune 🔥 @mastercardindia Milestones 🏏 #CWC23 | #INDvBAN pic.twitter.com/iC8i2Bf7dR

  — ICC (@ICC) October 19, 2023

ಇದಕ್ಕೂ ಮೊದಲು ಟಾಸ್​ ಗೆದ್ದ ಬಾಂಗ್ಲಾ ದೇಶ ನಾಯಕ ನಜ್​ಮುಲ್​ ಹೊಸೈನ್​ ಶಾಂಟೋ ಮೊದಲು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡರು. ಆರಂಭಿಕ ಜೋಡಿಗಳಾದ ತಂಜಿದ್​ ಹಸನ್​ ಮತ್ತು ಲಿಟ್ಟನ್​ ದಾಸ್​ 93 ರನ್‌ಗಳ ಜೊತೆಯಾಟವಾಡಿ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದರು. ಅರ್ಧಶತಕ ಸಿಡಿಸಿದ್ದ ತಂಜಿದ್ ಕುಲ್ದೀಪ್​ ಯಾದವ್ ಎಸೆತದಲ್ಲಿ ಎಲ್​ಬಿ ಬಲೆಗೆ ಬಿದ್ದರು. ಇದರ ಬೆನ್ನಲ್ಲೇ ನಾಯಕ ಶಾಂಟೋ (8), ಮೆಹೆದಿ ಹಸನ್(3)​ ಕೂಡ ಕ್ರೀಸ್​ನಲ್ಲಿ ಹೆಚ್ಚು ಹೊತ್ತು ಉಳಿಯದೇ ಪೆವಿಲಿಯನ್​ ಸೇರಿದರು. ಮತ್ತೊಂದೆಡೆ, ಅರ್ಧಶತಕ ಪೂರೈಸಿ ಉತ್ತಮ ಬ್ಯಾಟಿಂಗ್ ಮಾಡುತ್ತಿದ್ದ ಲಿಟನ್​ ದಾಸ್​ (66) ಜಡೇಜಾ ಬಲೆಗೆ ಬಿದ್ದರು. ಉಳಿದಂತೆ, ಮುಶ್ಪಿಫಿಕರ್​ ರೆಹಮಾನ್​ (38), ಮೊಹ್ಮದುಲ್ಲಾ (48) ಬ್ಯಾಟಿಂಗ್​ ನೆರವಿನಿಂದ ಬಾಂಗ್ಲಾ 8 ವಿಕೆಟ್​ ನಷ್ಟಕ್ಕೆ 255 ರನ್ ಕಲೆ ಹಾಕಿತು.

ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ್ದ ಭಾರತ ಉತ್ತಮ ಆರಂಭ ಪಡೆಯಿತು. ಆರಂಭಿಕರಾದ ನಾಯಕ ರೋಹಿತ್​ ಶರ್ಮಾ (48) ಮತ್ತು ಶುಭ್‌ಮನ್​ ಗಿಲ್​ (53) 88 ರನ್​ಗಳ ಜತೆಯಾಟವಾಡಿದರು. ಬೌಂಡರಿಗಳನ್ನು ಸಿಡಿಸುತ್ತಾ ಸ್ಫೋಟಕ ಪ್ರದರ್ಶನ ತೋರುತ್ತಿದ್ದ ಹಿಟ್‌ಮ್ಯಾನ್​ ರೋಹಿತ್​ ಶರ್ಮಾ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ಹಸನ್​ ಮಹ್ಮುದ್​ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದರು. ಇದರ ನಂತರ ಅರ್ಧಶತಕ ಪೂರೈಸಿದ್ದ ಗಿಲ್ ಮತ್ತು ಶ್ರೇಯಸ್​ ಐಯರ್​ ಮೆಹೆದಿ ಹಸನ್​ ಎಸೆತದಲ್ಲಿ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ ಸೇರಿದರು.

ವಿರಾಟ್‌ ಕೊಹ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿ: ರೋಹಿತ್​ ನಿರ್ಗಮನದ ನಂತರ ಕ್ರೀಸ್​ಗಿಳಿದ ವಿರಾಟ್ ಕೊಹ್ಲಿ ಆಟಕ್ಕೆ ಬ್ರೇಕ್​ ಹಾಕಲು ಬಾಂಗ್ಲಾ ಬೌಲರ್​ಗಳು ಶತಪ್ರಯತ್ನ ನಡೆಸಿದರೂ ಫಲಿಸಲಿಲ್ಲ. ತಮ್ಮ ಹಳೆಯ ಫಾರ್ಮ್​ ಮುಂದುವರೆಸಿದ ರನ್​ ಮಷಿನ್​ ಸಿಕ್ಸರ್​ನೊಂದಿಗೆ ಅಜೇಯ ಶತಕ ಪೂರೈಸಿದರು. ಈ ಸಿಕ್ಸರ್‌ನೊಂದಿಗೆ ಟೀಂ ಇಂಡಿಯಾ ಕೂಡ ಜಯಭೇರಿ ಬಾರಿಸಿತು. ವಿರಾಟ್‌ ಕೊಹ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಕೊಹ್ಲಿ ತಮ್ಮ ವೃತ್ತಿಜೀವನದ 78ನೇ ಶತಕವನ್ನು ಪೂರೈಸಿದರು. ಏಕದಿನ ಕ್ರಿಕೆಟ್ ಪಂದ್ಯಗಳಲ್ಲಿ 48 ಶತಕಗಳನ್ನು ಪೂರ್ಣಗೊಳಿಸಿದ್ದು ಕ್ರಿಕೆಟ್​ ದೇವರು ಸಚಿನ್ ತೆಂಡೂಲ್ಕರ್​ ದಾಖಲೆ ಸರಿಗಟ್ಟಲು ಇನ್ನು ಒಂದು ಶತಕ ಮಾತ್ರ ಬೇಕಿದೆ.​

ಇದನ್ನೂ ಓದಿ: ಆಸ್ಟ್ರೇಲಿಯಾದ ನೀರಸ ಪ್ರದರ್ಶನಕ್ಕೆ ಮೈಕಲ್ ಕ್ಲಾರ್ಕ್ ಟೀಕೆ: ನಾಯಕ ಪ್ಯಾಟ್​ ಕಮಿನ್ಸ್ ಹೇಳಿದ್ದೇನು?