ಬೌಂಡರಿ ಲೈನ್​ನಲ್ಲಿದ್ದ ಮಿಚೆಲ್ ಮಾರ್ಷ್​ಗಾಗಿ ಬರ್ತ್ ಡೇ ಸಾಂಗ್ ಮೂಲಕ ವಿಶ್​ ಮಾಡಿದ ಅಭಿಮಾನಿಗಳು

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಿನ್ನೆ ನಡೆದ ಕ್ರಿಕೆಟ್​ ವಿಶ್ವಕಪ್​ನ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ ಆಟಗಾರ ಮಿಚೆಲ್ ಮಾರ್ಷ್​ಗೆ ಬೌಂಡರಿ ಲೈನ್​ನಲ್ಲಿದ್ದ ವೇಳೆಯಲ್ಲಿ, ಬರ್ತ್ ಡೇ ಸಾಂಗ್ ಮೂಲಕ ಅಭಿಮಾನಿಗಳು ವಿಶ್​ ಮಾಡಿದ್ದಾರೆ.

ಬೆಂಗಳೂರು‌: ವಿಶ್ವಕಪ್‌ನ ಲೀಗ್ ಹಂತದ ಮಹತ್ವದ ಪಂದ್ಯದಲ್ಲಿ ಪಾಕಿಸ್ತಾನ ಬೌಲರ್‌ಗಳ ಬೆವರಿಳಿಸುವ ಮೂಲಕ ಡೇವಿಡ್ ವಾರ್ನರ್ (163) ಪಂದ್ಯ ಶ್ರೇಷ್ಠ ಎನಿಸಿದರು. ಏಕದಿನ ವಿಶ್ವಕಪ್‌ನಲ್ಲಿ ಮೊದಲ ವಿಕೆಟ್‌ಗೆ ದಾಖಲಾದ ಗರಿಷ್ಠ ಜೊತೆಯಾಟದ ಮೈಲಿಗಲ್ಲು (2011ರ ವಿಶ್ವಕಪ್‌ನಲ್ಲಿ ಜಿಂಬಾಬ್ವೆ ವಿರುದ್ಧ ತಿಲಕರತ್ನೆ ದಿಲ್ಶಾನ್ - ಉಪುಲ್ ತರಂಗಾರ 282 ರನ್) ದಾಟುವ ಅವಕಾಶದಿಂದ ವಂಚಿತರಾದ ಆಸೀಸ್ ಆರಂಭಿಕ ಜೋಡಿ 259 ರನ್ ಗಳಿಸುವ ಮೂಲಕ ಬೆಂಗಳೂರಿನ ಅಭಿಮಾನಿಗಳ ಜೋಶ್ ಹೆಚ್ಚಿಸಿತು. ವಾರ್ನರ್​ಗೆ ತಕ್ಕ ಸಾಥ್ ನೀಡುವ ಮೂಲಕ ಮತ್ತೋರ್ವ ಆಟಗಾರ ಮಿಚೆಲ್ ಮಾರ್ಷ್​ (121) ತಮ್ಮ ಜನ್ಮದಿನವನ್ನು ಸ್ಮರಣೀಯವಾಗಿಸಿಕೊಂಡರು.

ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಬೌಂಡರಿ ಲೈನ್ ಬಳಿ ಫೀಲ್ಡಿಂಗ್​ಗೆ ಬಂದ ಮಿಚೆಲ್ ಮಾರ್ಷ್​ಗೆ ಅಭಿಮಾನಿಗಳು ಸಾಮೂಹಿಕವಾಗಿ ಬರ್ತ್ ಡೇ ಸಾಂಗ್ ಹೇಳುವ ಮೂಲಕ ಶುಭಾಶಯ ಕೋರಿದ್ದು ಗಮನ ಸೆಳೆಯಿತು. ಅಭಿಮಾನಿಗಳ ಪ್ರೀತಿಗೆ ಥಂಬ್ಸ್ ಅಪ್ ತೋರಿಸುವ ಮೂಲಕ ಮಾರ್ಷ್​ ಸಹ ತಮ್ಮ ಧನ್ಯವಾದ ಸೂಚಿಸಿದರು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

• Chinnaswamy crowd wishing Mitchell Marsh as today is his birthday pic.twitter.com/5RgjVGauBI

  — Vikkash S (@vikkash36) October 20, 2023 " class="align-text-top noRightClick twitterSection" data="

  Chinnaswamy crowd wishing Mitchell Marsh as today is his birthday pic.twitter.com/5RgjVGauBI

  — Vikkash S (@vikkash36) October 20, 2023

  ">

  Chinnaswamy crowd wishing Mitchell Marsh as today is his birthday pic.twitter.com/5RgjVGauBI

  — Vikkash S (@vikkash36) October 20, 2023

ನಿನ್ನೆ ಆಸ್ಟ್ರೇಲಿಯಾ ತಂಡಕ್ಕೆ ಭರ್ಜರಿ ಗೆಲವು: ವಿಶ್ವಕಪ್​ ಕ್ರಿಕೆಟ್​ ಟೂರ್ನಿಯ ನಿನ್ನೆ ನಡೆದ ಪಂದ್ಯದಲ್ಲಿ ಬ್ಯಾಟಿಂಗ್​ ಮತ್ತು ಬೌಲಿಂಗ್​ನಲ್ಲಿ​ ಸುಧಾರಿತ ಪ್ರದರ್ಶನ ತೋರಿಸಿದ್ದ ಆಸ್ಟ್ರೇಲಿಯಾ ತಂಡವು ಪಾಕಿಸ್ತಾನವನ್ನು 62 ರನ್​ಗಳಿಂದ ಮಣಿಸಿತ್ತು. ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ಎರಡನೇ ಇನ್ನಿಂಗ್ಸ್​ನಲ್ಲಿ ಆ್ಯಡಂ​ ಝಂಪಾ ಅವರು ಪಾಕಿಸ್ತಾನಿ ಬ್ಯಾಟ್ಸ್​ಮನ್​ಗಳಿಗೆ ಕಂಠಕವಾದರು. ಪಾಕಿಸ್ತಾನದ ಪರ ಆರಂಭಿಕ ಜೋಡಿಯ ದೊಡ್ಡ ಜೊತೆಯಾಟದ ಹೊರತಾಗಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ಬರಲಿಲ್ಲ. ಇದರಿಂದ 45.3 ಓವರ್​ಗೆ 305ಕ್ಕೆ ಪಾಕ್​ ತಂಡವು ಪತನ ಕಂಡು ಸೋಲು ಅನುಭವಿಸಿತು.

ಟಾಸ್ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ್ದ ಆಸ್ಟ್ರೇಲಿಯಾ ತಂಡವು ಡೇವಿಡ್​ ವಾರ್ನರ್​ (163) ಹಾಗೂ ಮಿಚೆಲ್​ ಮಾರ್ಷ್​ (121) ಅವರ ಅಮೋಘ ಶತಕದಗಳ ನೆರವಿನಿಂದ 367 ರನ್​ ಗಳಿಸಿತ್ತು. ಈ ಗುರಿಯನ್ನು ಬೆನ್ನತ್ತಿದ್ದ ಪಾಕ್​ ತಂಡವು ಉತ್ತಮ ಆರಂಭ ಪಡೆಯಿತಾದರೂ ಮಧ್ಯಮ ಕ್ರಮಾಂಕದಲ್ಲಿ ಉತ್ತಮ ಜೊತೆಯಾಟ ಆಡದ ಕಾರಣಕ್ಕೆ ಸೋಲು ಅನುಭವಿಸಬೇಕಾಯಿತು.

ಇನ್ನು, ಅಬ್ದುಲ್ಲಾ ಶಫೀಕ್ ಹಾಗೂ ಇಮಾಮ್- ಉಲ್- ಹಕ್ ಪಾಕಿಸ್ತಾನಕ್ಕೆ ಉತ್ತಮ ಆರಂಭವನ್ನು ಒದಗಿಸಿಕೊಟ್ಟಿದ್ದರು. ಬೆಂಗಳೂರಿನ ಮೈದಾನದಲ್ಲಿ ಲೀಲಾಜಾಲವಾಗಿ ಬೌಂಡರಿ ಹಾಗೂ ಸಿಕ್ಸರ್​ ಬಾರಿಸಿದ್ದರು. ಫಸ್ಟ್​ ಪವರ್​ ಪ್ಲೇ ಅಂತ್ಯಕ್ಕೆ ವಿಕೆಟ್​ನಷ್ಟವಿಲ್ಲದೇ 59 ರನ್​ ಕಲೆಹಾಕಿದ್ದರು. ಈ ಜೋಡಿ ತಲಾ ಅರ್ಧ ಶತಕ ಗಳಿಸಿ ಸಂಭ್ರಮಿಸಿದ್ದರು. 64 ರನ್​ ಗಳಿಸಿದ್ದ ಅಬ್ದುಲ್ಲಾ ಶಫೀಕ್ ಸ್ಟೋಯ್ನಿಸ್ ಅವರ ಓವರ್​ನಲ್ಲಿ ವಿಕೆಟ್​ ಒಪ್ಪಿಸಿದ್ದರು. ಇದರ ಪರಿಣಾಮ 134 ರನ್​ ಜೊತೆಯಾಟಕ್ಕೆ ಬ್ರೇಕ್​ ಬಿದ್ದಿತು. ಶಫೀಕ್ ನಂತರ, ಇಮಾಮ್​ ಉಲ್​ ಹಕ್​ ಕೂಡ 70 ರನ್​ಗಳಿಗೆ ಔಟಾಗಿದ್ದರು.

ಇದನ್ನೂ ಓದಿ: ವಿಶ್ವಕಪ್​ ಕ್ರಿಕೆಟ್​​: ಆಸ್ಟ್ರೇಲಿಯಾ ಭರ್ಜರಿ ಕಮ್​ಬ್ಯಾಕ್​.. ​ಪಾಕಿಸ್ತಾನಕ್ಕೆ ಸತತ ಎರಡನೇ ಸೋಲು