T-20 ವಿಶ್ವಕಪ್​​ನಲ್ಲಿ ಐರ್ಲೆಂಡ್​ ಕನಸು ಭಗ್ನ.. ಸೂಪರ್​-12 ಹಂತಕ್ಕೆ ನಮೀಬಿಯಾ ಎಂಟ್ರಿ

ಐರ್ಲೆಂಡ್​ ವಿರುದ್ಧ ಗೆಲುವು ಸಾಧಿಸಿರುವ ನಮೀಬಿಯಾ ಇದೀಗ ಸೂಪರ್​​-12 ಹಂತಕ್ಕೆ ಲಗ್ಗೆ ಹಾಕಿದ್ದು, ಈ ಮೂಲಕ ಐತಿಹಾಸಿಕ ಕ್ಷಣಕ್ಕೆ ಕಾರಣವಾಗಿದೆ.

ಶಾರ್ಜಾ: ಐಸಿಸಿ ಟಿ-20 ವಿಶ್ವಕಪ್​ನ ಗ್ರೂಪ್ ಎ​ ಹಂತದ ಪಂದ್ಯದಲ್ಲಿ ಐರ್ಲೆಂಡ್​ ವಿರುದ್ಧ 8 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲು ಮಾಡುವ ಮೂಲಕ ನಮೀಬಿಯಾ ಸೂಪರ್​-12 ಹಂತಕ್ಕೆ ಲಗ್ಗೆ ಹಾಕಿದೆ. ಈ ಮೂಲಕ ಐತಿಹಾಸಿಕ ಕ್ಷಣಕ್ಕೆ ಕಾರಣವಾಗಿದೆ.

ಐರ್ಲೆಂಡ್ ವಿರುದ್ಧ ಭರ್ಜರಿ ಜಯ ಸಾಧಿಸಿದ ನಮೀಬಿಯಾ

ಶಾರ್ಜಾ ಕ್ರಿಕೆಟ್​ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟ್​ ಬೀಸಿದ ಐರ್ಲೆಂಡ್​ ತಂಡ ಉತ್ತಮ ಆರಂಭದ ಹೊರತಾಗಿ ಮಧ್ಯಮ ಕ್ರಮಾಂಕದಲ್ಲಿ ದಿಢೀರ್​​ ಪತನಗೊಂಡು ಕೇವಲ125ರನ್​ಗಳಿಕೆ ಮಾಡಲು ಶಕ್ತವಾಯಿತು.

ಐರ್ಲೆಂಡ್​​ ತಂಡದ ಕನಸು ಭಗ್ನ

ಐರ್ಲೆಂಡ್​​ ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ಸ್ಟ್ರಿಲಿಂಗ್​ ಹಾಗೂ ಕೆವಿನ್​​ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿದರು. ಈ ಜೊಡಿ ಮೊದಲ ವಿಕೆಟ್​ ನಷ್ಟಕ್ಕೆ 7 ಓವರ್​​ಗಳಲ್ಲಿ 62ರನ್​ಗಳಿಕೆ ಮಾಡಿತು. 38ರನ್​​ಗಳಿಕೆ ಮಾಡಿದ್ದ ಸ್ಟ್ರಿಲಿಂಗ್​​ ಸ್ಕೋಲ್ಟ್ಜ್ ಓವರ್​​ನಲ್ಲಿ ವಿಕೆಟ್​ ಒಪ್ಪಿಸಿದರೆ, ಇದರ ಬೆನ್ನಲ್ಲೇ ಕೆವಿನ್​ ಕೂಡ 25ರನ್​ಗಳಿಗೆ ಔಟಾದರು.

ಇದಾದ ಬಳಿಕ ಬಂದ ಕ್ಯಾಪ್ಟನ್​​ ಬಾಲ್ಬಿರ್ನಿ 21ರನ್​ಗಳಿಕೆ ಮಾಡಿದ್ದೂ ಬಿಟ್ಟರೆ ಬೇರೆ ಯಾವುದೇ ಬ್ಯಾಟರ್​ ಎರಡಂಕ್ಕಿ ಗಡಿ ದಾಟಲಿಲ್ಲ. ಹೀಗಾಗಿ ತಂಡ 20 ಓವರ್​ಗಳಲ್ಲಿ 8ವಿಕೆಟ್​​ನಷ್ಟಕ್ಕೆ 125ರನ್​ಗಳಿಕೆ ಮಾಡಿತು.

ನಮೀಬಿಯಾ ಪರ ಉತ್ತಮ ಬೌಲಿಂಗ್ ದಾಳಿ ನಡೆಸಿದ ಜಾನ್​ ಫ್ರಾಲಿಂಕ್​​​ 3​,ವೈಸಿ 2, ಸ್ಮಿತಿ ಹಾಗೂ ಸ್ಕೋಲ್ಟ್ಜ್​ ತಲಾ 1 ವಿಕೆಟ್ ಪಡೆದುಕೊಂಡರು.

• History ✅
  
  Namibia are through to the Super 12 ✨#T20WorldCup | #NAMvIRE | https://t.co/xv8AGpwHXi pic.twitter.com/p46oBP3Acj

  — T20 World Cup (@T20WorldCup) October 22, 2021 " class="align-text-top noRightClick twitterSection" data="

  History ✅
  
  Namibia are through to the Super 12 ✨#T20WorldCup | #NAMvIRE | https://t.co/xv8AGpwHXi pic.twitter.com/p46oBP3Acj

  — T20 World Cup (@T20WorldCup) October 22, 2021

  ">

  History ✅
  
  Namibia are through to the Super 12 ✨#T20WorldCup | #NAMvIRE | https://t.co/xv8AGpwHXi pic.twitter.com/p46oBP3Acj

  — T20 World Cup (@T20WorldCup) October 22, 2021

126 ರನ್​ಗಳ ಗುರಿ ಬೆನ್ನತ್ತಿದ್ದ ನಮೀಬಿಯಾ ಕೇವಲ 2 ವಿಕೆಟ್ ಕಳೆದುಕೊಂಡು 18.3 ಓವರ್​ಗಳಲ್ಲಿ ಗುರಿ ಮುಟ್ಟಿ, ಸೂಪರ್​-12 ಹಂತಕ್ಕೆ ಲಗ್ಗೆ ಹಾಕಿದೆ. ತಂಡದ ಪರ ಆರಂಭಿಕರಾದ ವಿಲಿಯಮ್ಸ್​​​​ 15, ಜಾನ್​ ಗ್ರೀನ್​​​​ 24ರನ್​ಗಳಿಸಿದ್ರೆ, ಕ್ಯಾಪ್ಟನ್​ ಗ್ರಿಹಾರ್ಡ್​ ಅಜೇಯ 53ರನ್​ ಹಾಗೂ ಡೆವಿಡ್​​ ಅಜೇಯ 28ರನ್​ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು.

ಈ ಹಿಂದೆ ನೆದೆರ್ಲೆಂಡ್ಸ್ ವಿರುದ್ಧ 6 ವಿಕೆಟ್​ಗಳಿಂದ ಗೆಲುವು ಸಾಧಿಸುವ ಮೂಲಕ ನಮೀಬಿಯಾ ಟಿ-20 ವಿಶ್ವಕಪ್​ ಇತಿಹಾಸದಲ್ಲಿ ತನ್ನ ಮೊದಲ ಜಯ ದಾಖಲಿಸಿತ್ತು. ಇದೀಗ ಶ್ರೀಲಂಕಾ, ಬಾಂಗ್ಲಾದೇಶ, ಸ್ಕಾಟ್ಲೆಂಡ್​ ಜೊತೆ ನಮೀಬಿಯಾ ಕೂಡ ಸೂಪರ್​-12 ಹಂತಕ್ಕೆ ಲಗ್ಗೆ ಹಾಕಿದ್ದು, ಬಲಿಷ್ಠ ತಂಡಗಳ ಜೊತೆ ಸೆಣಸಾಟ ನಡೆಸಲಿವೆ.