ವಿಶ್ವಕಪ್​ ಕ್ರಿಕೆಟ್​​: ಅಫ್ಘಾನ್​​​ ಬಿಗಿ ಬೌಲಿಂಗ್​ ದಾಳಿ.. 179ಕ್ಕೆ ಸರ್ವಪತನ ಕಂಡ ಡಚ್ಚರು

ಅಫ್ಘಾನಿಸ್ತಾನ ಲಖನೌನ ಏಕನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನೆದರ್ಲೆಂಡ್ಸ್ ತಂಡವನ್ನು 179ಕ್ಕೆ ಆಲ್​ಔಟ್​ ಮಾಡಿದೆ.

ಲಖನೌ (ಉತ್ತರ ಪ್ರದೇಶ): ಬೌಲಿಂಗ್​ ಮತ್ತು ಬ್ಯಾಟಿಂಗ್​​ನಿಂದ ಇಂಗ್ಲೆಂಡ್​, ಪಾಕಿಸ್ತಾನ, ಶ್ರೀಲಂಕಾವನ್ನು ಮಣಿಸಿದ ಅಫ್ಘಾನಿಸ್ತಾನ ಕ್ರಿಕೆಟ್​ ಶಿಶು ನೆದರ್ಲೆಂಡ್ಸ್​​ ವಿರುದ್ಧ ಕ್ಷೇತ್ರರಕ್ಷಣೆಯ ಮಿಂಚಿನ ಸಂಚಲನ ಮೂಡಿಸಿ 4 ಪ್ರಮುಖ ಆಟಗಾರರನ್ನು ರನ್​ಔಟ್​ ಮಾಡಿ ನಿಯಂತ್ರಣ ಹೇರುವಲ್ಲಿ ಯಶಸ್ವಿ ಆಗಿದೆ. ಅಫ್ಘಾನ್​ ​ ಚುರುಕಾದ ಫೀಲ್ಡಿಂಗ್​ನಿಂದಾಗಿ ಡಚ್ಚರು 46.3 ಓವರ್​ಗೆ 179 ರನ್​ ಗಳಿಸಿ ಸರ್ವಪತನ ಕಂಡರು. ಸೆಮೀಸ್​ ರೇಸ್​ನಲ್ಲಿ ಅಫ್ಘಾನ್​ ಮುಂದುವರೆಯಬೇಕಾದಲ್ಲಿ 180 ರನ್​ಗಳ ಸುಲಭ ಗುರಿಯನ್ನು ಭೇದಿಸಬೇಕಿದೆ.

• " class="align-text-top noRightClick twitterSection" data="">

ದಕ್ಷಿಣ ಆಫ್ರಿಕಾ ಮತ್ತು ಬಾಂಗ್ಲಾದೇಶವನ್ನು ತನ್ನ ಬೌಲಿಂಗ್​ನ ಶಕ್ತಿಯಿಂದ ಕಟ್ಟಿಹಾಕಿದ ನೆದರ್ಲೆಂಡ್ಸ್​ ಲಖನೌನ ಏಕನಾ ಕ್ರಿಕೆಟ್ ಸ್ಟೇಡಿಯಂ ಟಾಸ್​ ಗೆದ್ದು ಬ್ಯಾಟಿಂಗ್​​ ಆಯ್ಕೆ ಮಾಡಿಕೊಂಡಿತು. ಆದರೆ ಬ್ಯಾಟಿಂಗ್​ನಲ್ಲಿ ಭರ್ಜರಿ ಪ್ರದರ್ಶನ ನೀಡುವಲ್ಲಿ ಎಡವಿತು. ಮುಜೀಬ್ ಉರ್ ರಹಮಾನ್ ಡಚ್ಚರಿಗೆ ಮೊದಲ ಓವರ್​ನಲ್ಲೇ ಶಾಕ್​ ನೀಡಿದರು. ತಂಡ 3 ರನ್​ ಗಳಿಸಿದ್ದಾಗ ವೆಸ್ಲಿ ಬ್ಯಾರೆಸಿ (1) ಎಲ್​ಬಿಡ್ಲ್ಯೂಗೆ ಬಲಿಯಾದರು.

ಎರಡನೇ ವಿಕೆಟ್​ಗೆ ಅರ್ಧಶತಕದ ಜತೆಯಾಟ: ಎರಡನೇ ವಿಕೆಟ್​ಗೆ ಒಂದಾದ ಮ್ಯಾಕ್ಸ್ ಓಡೌಡ್ ಮತ್ತು ಕಾಲಿನ್ ಅರ್ಕಮನ್ 73 ರನ್​ ಪಾಲುದಾರಿಕೆ ಮಾಡಿದರು. ಫಸ್ಟ್​​ ಓವರ್​ನಲ್ಲೇ ಮೊದಲ ವಿಕೆಟ್​ ಕಳೆದುಕೊಂಡಿದ್ದರೂ ಇಬ್ಬರೂ ವಿಚಲಿತರಾಗದೇ ಬ್ಯಾಟ್​ ಬೀಸಿದರು. ಇದರಿಂದ ಪವರ್​​ಪ್ಲೇ (ಮೊದಲ 10ಓವರ್)​ ಮುಕ್ತಾಯಕ್ಕೆ ​ತಂಡ 6 ರನ್​ರೇಟ್​​ನಲ್ಲಿ 66 ರನ್​ ಕಲೆಹಾಕಿತ್ತು. ಈ ಜೊತೆಯಾಟ ರನ್​ಔಟ್​ನಿಂದ ಬ್ರೇಕ್​ ಆಯಿತು. 42 ರನ್ ಗಳಿಸಿ ಆಡುತ್ತಿದ್ದ ಮ್ಯಾಕ್ಸ್ ಓಡೌಡ್ ಓಟ ಕದಿಯುವಾಗ ವಿಕೆಟ್​ ಕೊಟ್ಟು 8 ರನ್​ನಿಂದ ಅರ್ಧಶತಕ ಕಳೆದುಕೊಂಡರು.

• Afghanistan Bundle the Netherlands out for 179! 👊#AfghanAtalan, banking on some incredible bowling from @MohammadNabi007 (3/28) & @noor_ahmad_15 (2/28) and some outstanding fielding efforts by the team, bundled out the @KNCBcricket for 179 runs in the 1st inning. 🤩👏#CWC23 pic.twitter.com/VB1ddZfHx9

  — Afghanistan Cricket Board (@ACBofficials) November 3, 2023 " class="align-text-top noRightClick twitterSection" data="

  Afghanistan Bundle the Netherlands out for 179! 👊#AfghanAtalan, banking on some incredible bowling from @MohammadNabi007 (3/28) & @noor_ahmad_15 (2/28) and some outstanding fielding efforts by the team, bundled out the @KNCBcricket for 179 runs in the 1st inning. 🤩👏#CWC23 pic.twitter.com/VB1ddZfHx9

  — Afghanistan Cricket Board (@ACBofficials) November 3, 2023

  ">

  Afghanistan Bundle the Netherlands out for 179! 👊#AfghanAtalan, banking on some incredible bowling from @MohammadNabi007 (3/28) & @noor_ahmad_15 (2/28) and some outstanding fielding efforts by the team, bundled out the @KNCBcricket for 179 runs in the 1st inning. 🤩👏#CWC23 pic.twitter.com/VB1ddZfHx9

  — Afghanistan Cricket Board (@ACBofficials) November 3, 2023

ಸೈಬ್ರಾಂಡ್ ಆಕರ್ಷಕ ಅರ್ಧಶತಕ: ಓಡೌಡ್ ರನ್​ಔಟ್​ ಬೆನ್ನಲ್ಲೇ ಮತ್ತೆರಡು ವಿಕೆಟ್​ಗಳು ಅದೇ ರೀತಿ ಪತನ ಆಯಿತು. 24 ರನ್​ಗಳಿಸಿ ಆಡುತ್ತಿದ್ದ ಕಾಲಿನ್ ಅರ್ಕಮನ್ ಸಹ ರನ್​ಔಟ್​ಗೆ ಬಲಿಯಾದರು, ಅವರ ಬೆನ್ನಲ್ಲೇ ನಾಯಕ ಸ್ಕಾಟ್ ಎಡ್ವರ್ಡ್ಸ್ ಸಹ ವಿಕೆಟ್​ ಒಪ್ಪಿಸಿದರು. ಬಾಸ್ ಡಿ ಲೀಡೆ (3), ಸಾಕಿಬ್ ಜುಲ್ಫಿಕರ್ (3), ಲೋಗನ್ ವ್ಯಾನ್ ಬೀಕ್ (2) ವಿಕೆಟ್​ ಕಾಯ್ದುಕೊಳ್ಳುವಲ್ಲಿ ಯಶಸ್ವಿ ಆಗಲಿಲ್ಲ. ಈ ಎಲ್ಲ ಬ್ಯಾಟರ್​​ಗಳು ವಿಕೆಟ್ ಕಳೆದುಕೊಳ್ಳುವಾಗ ಏಕಾಂಗಿಯಾಗಿ ಆಡಿ ​ಸೈಬ್ರಾಂಡ್ ಎಂಗಲ್‌ಬ್ರೆಕ್ಟ್ ಅರ್ಧಶತಕ ಪೂರೈಸಿಕೊಂಡರು. ಇನ್ನಿಂಗ್ಸ್​ನಲ್ಲಿ 86 ಬಾಲ್​ ಆಡಿದ ಅವರು 6 ಬೌಂಡರಿಯ ಸಹಾಯದಿಂದ 58 ರನ್​ ಗಳಿಸಿ 8ನೇ ವಿಕೆಟ್​ ಆಗಿ ಔಟ್​ ಆದರು.

ಹೋರಾಟ ಬಿಡದ ಡಚ್ಚರು: ಮಧ್ಯಮ ಮತ್ತು ಕೆಳ ಕ್ರಮಾಂಕದ ಬ್ಯಾಟರ್​ಗಳು ವಿಫಲರಾದರೂ ಟೇಲ್​ ಎಂಡರ್​ಗಳು ಅಫ್ಘನ್​ ಬೌಲರ್​ಗಳನ್ನು ಕಾಡಿದರು. ರನ್​ ಗಳಿಸು ಪರದಾಡಿದರೂ ವಿಕೆಟ್​ ಕಾಯ್ದುಕೊಂಡರು. 34ನೇ ಓವರ್​ಗೆ 8 ವಿಕೆಟ್​ ನಷ್ಟವಾಗಿದ್ದರೂ 47ನೇ ಓವರ್ ಪಂದ್ಯವನ್ನು ಕೊನೆಯ ಎರಡು ಆಟಗಾರರು ಕೊಂಡೊಯ್ದರು. ಕೊನೆಯ ಆಟಗಾರರ ಹೋರಾದ ಫಲವಾಗಿ ತಂಡ 46.3 ಬಾಲ್​ಗೆ 179 ರನ್​ಗೆ ಸರ್ವಪತನ ಕಂಡಿತು.

ಅಫ್ಘಾನ್​​ ಪರ ಮೊಹಮ್ಮದ್ ನಬಿ 3, ನೂರ್ ಅಹ್ಮದ್ 2 ಮತ್ತು ಮುಜೀಬ್ ಉರ್ ರಹಮಾನ್ 1 ವಿಕೆಟ್​ ಪಡೆದರು. ಮಧ್ಯಮ ಕ್ರಮಾಂಕದಲ್ಲಿ ನಾಲ್ವರು ಆಟಗಾರರು ರನ್​ಔಟ್​ಗೆ ಬಲಿಯಾದ್ದದ್ದು ಡಚ್​ ತಂಡಕ್ಕೆ ಹೊರೆಯಾಯಿತು.

ಇದನ್ನೂ ಓದಿ: ವಿಶ್ವಕಪ್​ ಕ್ರಿಕೆಟ್​​: ಟೀಮ್​ ಇಂಡಿಯಾ ಗೆಲುವಿನಲ್ಲಿ ಸಚಿನ್​ ದಾಖಲೆ ಮುರಿದ ವಿರಾಟ್​