ವಿಶ್ವಕಪ್ ಕ್ರಿಕೆಟ್: ಮಾರ್ಷ್, ಜೋಶ್ ಅರ್ಧಶತಕದಾಟ; ಲಂಕಾ ಮಣಿಸಿದ ಆಸ್ಟ್ರೇಲಿಯಾಕ್ಕೆ ಮೊದಲ ಗೆಲುವು

ವಿಶ್ವಕಪ್​ನಲ್ಲಿ ಸತತ ಎರಡು ಸೋಲು ಕಂಡಿದ್ದ ಆಸ್ಟ್ರೇಲಿಯಾ ಮತ್ತು ಶ್ರೀಲಂಕಾಕ್ಕೆ ಗೆಲುವು ಅನಿವಾರ್ಯವಾಗಿತ್ತು. ಲಖನೌ ಮೈದಾನದಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಸಿಂಹಳೀಯರನ್ನು ಆಸ್ಟ್ರೇಲಿಯಾ ಮಣಿಸಿತು.

ಲಖನೌ (ಉತ್ತರ ಪ್ರದೇಶ): ಸತತ ಎರಡು ಸೋಲು ಕಂಡು ಏಕದಿನ ವಿಶ್ವಕಪ್ ಕ್ರಿಕೆಟ್ ಅಂಕಪಟ್ಟಿಯ ತಳ ತಲುಪಿದ್ದ ಆಸ್ಟ್ರೇಲಿಯಾ ಗೆಲುವಿನ ಹಾದಿಗೆ ಮರಳಿದೆ. ಶ್ರೀಲಂಕಾ ವಿರುದ್ಧ ಮಿಚೆಲ್ ಮಾರ್ಷ್ ಮತ್ತು ಜೋಶ್ ಇಂಗ್ಲಿಸ್ ಅವರ ಅರ್ಧಶತಕದಾಟದ ನೆರವಿನಿಂದ 210 ರನ್​ ಗುರಿಯನ್ನು 5 ವಿಕೆಟ್‌ಗಳಿಂದ ಗೆದ್ದುಕೊಂಡಿದೆ. ಲೀಗ್​ ಹಂತದಲ್ಲಿ ಸತತ ಮೂರು ಸೋಲು ಕಂಡಿರುವ ಶ್ರೀಲಂಕಾಕ್ಕೆ ಪ್ಲೇ ಆಫ್​ ಹಾದಿ ಕಠಿಣವಾಗಿದೆ. ಅಲ್ಲದೇ ವಿಶ್ವಕಪ್​ನಲ್ಲಿ ಅತಿ ಹೆಚ್ಚು (42) ಪಂದ್ಯಗಳನ್ನು ಸೋತ ತಂಡ ಎಂಬ ಕೆಟ್ಟ ದಾಖಲೆಯನ್ನೂ ಸಿಂಹಳೀಯರು ಮಾಡಿದರು.

• An emphatic win in Lucknow helps Australia open their account in the #CWC23 🤩#AUSvSL 📝: https://t.co/TJ914krjY9 pic.twitter.com/T16ZJF2qa0

  — ICC Cricket World Cup (@cricketworldcup) October 16, 2023 " class="align-text-top noRightClick twitterSection" data="

  An emphatic win in Lucknow helps Australia open their account in the #CWC23 🤩#AUSvSL 📝: https://t.co/TJ914krjY9 pic.twitter.com/T16ZJF2qa0

  — ICC Cricket World Cup (@cricketworldcup) October 16, 2023

  ">

  An emphatic win in Lucknow helps Australia open their account in the #CWC23 🤩#AUSvSL 📝: https://t.co/TJ914krjY9 pic.twitter.com/T16ZJF2qa0

  — ICC Cricket World Cup (@cricketworldcup) October 16, 2023

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಶ್ರೀಲಂಕಾ, ಪಾತುಮ್ ನಿಸ್ಸಾಂಕ ಮತ್ತು ಕುಸಾಲ್ ಪೆರೇರಾ ಅವರ ಶತಕದ ಜೊತೆಯಾಟದ ನೆರವಿನಿಂದ 209 ರನ್ ಕಲೆಹಾಕಿತ್ತು. ಈ ಸ್ಕೋರ್​ ಬೆನ್ನತ್ತಿದ ಆಸ್ಟ್ರೇಲಿಯಾ ಉತ್ತಮ ಆರಂಭ ಪಡೆಯಲಿಲ್ಲ. ಅನುಭವಿ ಡೇವಿಡ್​ ವಾರ್ನರ್​ ಮತ್ತು ಸ್ಟೀವ್​ ಸ್ಮಿತ್​ ಬೇಗ ವಿಕೆಟ್​ ಕಳೆದುಕೊಂಡರು. ಇದರಿಂದ ತಂಡ ಆತಂಕಕ್ಕೊಳಗಾದರೂ ಮಧ್ಯಮ ಕ್ರಮಾಂಕ ಆಸರೆ ಆಯಿತು. ಇಲ್ಲದಿದ್ದಲ್ಲಿ ಅಫ್ಘಾನಿಸ್ತಾನದ ಫಲಿತಾಂಶದಂತೆ ಲಂಕಾ ಕೂಡಾ ಐದು ಬಾರಿ ಚಾಂಪಿಯನ್​ ತಂಡವನ್ನು ಮಣಿಸುತ್ತಿತ್ತು.

ವಿಕೆಟ್​ ಕೈಚೆಲ್ಲಿದ ಅನುಭವಿಗಳು: 210 ರನ್​ಗಳ ಸಾಧಾರಣ ಗುರಿ ಬೆನ್ನತ್ತಿದ ಕಾಂಗರೂ ಪಡೆಗೆ ದಿಲ್ಶನ್ ಮಧುಶಂಕ ಕಾಡಿದರು. ಗೆಲ್ಲಲೇ ಬೇಕಾದ ಒತ್ತಡದಲ್ಲಿ ಆಸ್ಟ್ರೇಲಿಯಾ 4ನೇ ಓವರ್​ನಲ್ಲಿ ಎರಡು ವಿಕೆಟ್​ಗಳನ್ನು ಕಳೆದುಕೊಂಡಿತು. 11 ರನ್​ ಗಳಿಸಿದ ಡೇವಿಡ್​ ವಾರ್ನರ್ 3.1 ನೇ ಬಾಲ್​ಗೆ ಔಟಾದರೆ, ಮಾಜಿ ನಾಯಕ ಸ್ಟೀವ್​ ಸ್ಮಿತ್​ ಶೂನ್ಯಕ್ಕೆ ವಿಕೆಟ್​ ಕೊಟ್ಟರು.

ಎರಡು ವಿಕೆಟ್​ ಉರುಳಿದರೂ ಇನ್ನೋರ್ವ ಆರಂಭಿಕ ಆಟಗಾರ ಮಿಚೆಲ್​ ಮಾರ್ಷ್​ ಲಂಕಾ ಬೌಲರ್​ಗಳ ವಿರುದ್ಧ ಹೋರಾಟ ಮುಂದುವರೆಸಿದರು. ಅವರ ಜೊತೆಯಲ್ಲಿ ಮಾರ್ನಸ್​ ಲಬುಶೇನ್​ ಜೊತೆಯಾಟ ಕಟ್ಟಿದರು. ಈ ಜೋಡಿ ಮೂರನೇ ವಿಕೆಟ್​ಗೆ 57 ರನ್​ಗಳ ಪಾಲುದಾರಿಕೆ ಮಾಡಿತು. 51 ಬಾಲ್​ನಲ್ಲಿ 9 ಬೌಂಡರಿಸಹಿತ 52 ರನ್ ಗಳಿಸಿದ ಮಾರ್ಷ್​ ರನ್​ ಔಟ್​ಗೆ ಬಲಿಯಾದರು.

• Adam Zampa's leg-spin magic helped him to four wickets in Lucknow 🪄
  
  It also wins him the @aramco #POTM 👊#CWC23 | #AUSvSL pic.twitter.com/ygsuN9LgnZ

  — ICC Cricket World Cup (@cricketworldcup) October 16, 2023 " class="align-text-top noRightClick twitterSection" data="

  Adam Zampa's leg-spin magic helped him to four wickets in Lucknow 🪄
  
  It also wins him the @aramco #POTM 👊#CWC23 | #AUSvSL pic.twitter.com/ygsuN9LgnZ

  — ICC Cricket World Cup (@cricketworldcup) October 16, 2023

  ">

  Adam Zampa's leg-spin magic helped him to four wickets in Lucknow 🪄
  
  It also wins him the @aramco #POTM 👊#CWC23 | #AUSvSL pic.twitter.com/ygsuN9LgnZ

  — ICC Cricket World Cup (@cricketworldcup) October 16, 2023

ಮಾರ್ನಸ್​ ಲಬುಶೇನ್​ ಮತ್ತು ಜೋಶ್ ಇಂಗ್ಲಿಸ್ ನಾಲ್ಕನೇ ವಿಕೆಟ್​​ಗೆ (77) ಮತ್ತೊಂದು ಅರ್ಧಶತಕಕ್ಕೂ ಹೆಚ್ಚಿನ ಜೊತೆಯಾಟ ಮಾಡಿದರು. ಇದರಿಂದ ಆಸ್ಟ್ರೇಲಿಯಾಕ್ಕೆ ಗೆಲುವಿನ ಭರವಸೆ ಮೂಡಿತು. 10 ರನ್​ನಿಂದ ಅರ್ಧಶತಕ ವಂಚಿತರಾಗಿ ಲಬುಶೇನ್ (40)​ ವಿಕೆಟ್​ ಕೊಟ್ಟರು. ತಾಳ್ಮೆಯ ಆಟ ಪ್ರದರ್ಶಿಸಿದ ಯುವ ಆಟಗಾರ ಇಂಗ್ಲಿಸ್ (58) ಅರ್ಧಶತಕ ಗಳಿಸಿ ಔಟ್​ ಆದರು.

ಕೊನೆಯಲ್ಲಿ ಮ್ಯಾಕ್ಸ್​ ವೆಲ್​ (31*) ಮತ್ತು ಮಾರ್ಕಸ್ ಸ್ಟೊಯಿನಿಸ್ (20*) ತಂಡವನ್ನು ಗೆಲುವಿನ ದಡಕ್ಕೆ ಕೊಂಡೊಯ್ದದರು. ಇದರಿಂದಾಗಿ ಆಸ್ಟ್ರೇಲಿಯಾ 36ನೇ ಓವರ್​ನಲ್ಲಿ 5 ವಿಕೆಟ್​ ಕಳೆದುಕೊಂಡು 215 ಗಳಸಿ ವಿಶ್ವಕಪ್​ನ ಚೊಚ್ಚಲ ಜಯ ದಾಖಲಿಸಿತು. ಮೂರರಲ್ಲಿ ಒಂದು ಗೆಲುವು ಸಾಧಿಸಿದ ಆಸ್ಟ್ರೇಲಿಯಾ ಅಂಕಪಟ್ಟಿಯಲ್ಲಿ 8ನೇ ಸ್ಥಾನ ಪಡೆದುಕೊಂಡಿದೆ.

ಝಂಪಾ ಪಂದ್ಯಶ್ರೇಷ್ಠ: ಲಂಕಾ ಪರ ದಿಲ್ಶನ್ ಮಧುಶಂಕ 3 ಮತ್ತು ದುನಿತ್ ವೆಲ್ಲಲಾಗೆ 1 ವಿಕೆಟ್​ ಪಡೆಯುವಲ್ಲಿ ಯಶಸ್ವಿ ಆದರು. 8 ಓವರ್​ ಮಾಡಿ 5.90 ಎಕಾನಮಿಯಲ್ಲಿ ಬೌಲಿಂಗ್​ ಮಾಡಿ 4 ವಿಕೆಟ್​ ಉರುಳಿಸಿದ ಆ್ಯಡಮ್ ಝಂಪಾ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಇದನ್ನೂ ಓದಿ: ನಿಸ್ಸಾಂಕ, ಪೆರೇರಾ ಅರ್ಧಶತಕದ ಆಸರೆ.. 207ಕ್ಕೆ ಲಂಕಾ ಕಟ್ಟಿ ಹಾಕಿದ ಆಸೀಸ್​