ಲಾಹೋರ್(ಪಾಕಿಸ್ತಾನ): ವೇಗಿ ಮ್ಯಾಟ್ ಹೆನ್ರಿ ಹ್ಯಾಟ್ರಿಕ್ ಸಾಧನೆಯ ನಡುವೆಯೂ ಪಾಕಿಸ್ತಾನ ವಿರುದ್ಧದ ಮೊದಲ ಟಿ-20ಯಲ್ಲಿ ನ್ಯೂಜಿಲ್ಯಾಂಡ್ ಹೀನಾಯ ಸೋಲು ಅನುಭವಿಸಿದೆ. ಹೆನ್ರಿ ಹ್ಯಾಟ್ರಿಕ್ ವಿಕೆಟ್ ಗಳಿಸಿದ ನ್ಯೂಜಿಲ್ಯಾಂಡ್ನ ಮೂರನೇ ಬೌಲರ್ ಎನಿಸಿಕೊಂಡರು.
ಲಾಹೋರ್‌ನಲ್ಲಿ ನಡೆದ ಪಂದ್ಯದಲ್ಲಿ ಪಾಕಿಸ್ತಾನ, ನ್ಯೂಜಿಲ್ಯಾಂಡ್ ವಿರುದ್ಧ ಸಂಪೂರ್ಣ ಪ್ರಾಬಲ್ಯ ಸಾಧಿಸಿತು. ಇದರ ಮಧ್ಯೆಯೂ ಮ್ಯಾಟ್ ಹೆನ್ರಿ ವಿಶೇಷ ಸಾಧನೆ ಗಮನ ಸೆಳೆಯಿತು. 13 ನೇ ಓವರ್ನ ಕೊನೆಯ 2 ಎಸೆತಗಳಲ್ಲಿ ಇಬ್ಬರು ಆಟಗಾರರನ್ನು ಹೆನ್ರಿ ಔಟ್ ಮಾಡಿದರು. 5 ರನ್ ಗಳಿಸಿದ್ದ ಶಾದಾಬ್ ಖಾನ್ ಕಿವೀಸ್ನ ಟಾಮ್ ಲಾಥಮ್ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಇದರ ಬೆನ್ನಲ್ಲೇ ಇಫ್ತಿಕಾರ್ ಅಹ್ಮದ್ ಕೂಡ ಪೆವಿಲಿಯನ್ ಸೇರಿದರು. ಇದರಿಂದ ಹೆನ್ರಿ ಹ್ಯಾಟ್ರಿಕ್ ಅವಕಾಶ ಪಡೆದುಕೊಂಡರು.
ಇದಾದ ಬಳಿಕ 18 ನೇ ಓವರ್ ಎಸೆಯಲು ಬಂದ ಕಿವೀಸ್ ವೇಗಿ ಮೊದಲ ಎಸೆತದಲ್ಲೇ ಶಾಹೀನ್ ಆಫ್ರಿದಿ ವಿಕೆಟ್ ಪಡೆದು ಹ್ಯಾಟ್ರಿಕ್ ವಿಕೆಟ್ ಕಿತ್ತರು. ಹೆನ್ರಿ 4 ಓವರ್ಗಳಲ್ಲಿ 32 ರನ್ ನೀಡಿ 3 ವಿಕೆಟ್ ಪಡೆದರು. ಇದು ಅವರ ಟಿ20 ವೃತ್ತಿಜೀವನದ ಅತ್ಯುತ್ತಮ ಪ್ರದರ್ಶನ ಮತ್ತು ನ್ಯೂಜಿಲ್ಯಾಂಡ್ ಪರವಾಗಿ ಹ್ಯಾಟ್ರಿಕ್ ಪಡೆದ ನಾಲ್ಕನೇ ಬೌಲರ್ ಎನಿಸಿಕೊಂಡರು.
ಇದಕ್ಕೂ ಮೊದಲು 2009 ರಲ್ಲಿ ಶ್ರೀಲಂಕಾ ವಿರುದ್ಧ ಜಾಕೋಬ್ ಓರಂ ಹ್ಯಾಟ್ರಿಕ್ ವಿಕೆಟ್ ಸಾಧನೆ ಮಾಡಿದ್ದರು. ಇದು ಚುಟುಕು ಕ್ರಿಕೆಟ್ನಲ್ಲಿ ಹ್ಯಾಟ್ರಿಕ್ ಪಡೆದ ಮೊದಲ ಕಿವೀಸ್ ಆಟಗಾರ ಎಂಬ ದಾಖಲೆ ಬರೆದರು. ಇದಾದ ಬಳಿಕ 2010 ರಲ್ಲಿ ಟಿಮ್ ಸೌಥಿ ಪಾಕಿಸ್ತಾನದ ವಿರುದ್ಧ ತ್ರಿವಳಿ ವಿಕೆಟ್ ಪಡೆದು ಎರಡನೇ ಬೌಲರ್ ಆದರು.
ಇದನ್ನೂ ಓದಿ: ಹ್ಯಾರಿ ಬ್ರೂಕ್ ಶತಕ, ಹೈದರಾಬಾದ್ಗೆ ಒಲಿದ ಜಯ: ದಿಟ್ಟ ಹೋರಾಟ ನಡೆಸಿ ಸೋತ ಕೆಕೆಆರ್
2022 ರಲ್ಲಿ ಅಂದರೆ 12 ವರ್ಷಗಳ ಬಳಿಕ ಮೈಕಲ್ ಬ್ರೇಸ್‌ವೆಲ್ ಐರ್ಲೆಂಡ್ ವಿರುದ್ಧ ಹ್ಯಾಟ್ರಿಕ್ ಪಡೆದಿದ್ದರು. ಈ ಮೂಲಕ ಹ್ಯಾಟ್ರಿಕ್ ಪಡೆದ ಮೂರನೇ ಬೌಲರ್ ಆಗಿದ್ದರು. ಇದೀಗ ಹೆನ್ರಿ ಲಾಹೋರ್‌ನಲ್ಲಿ ಪಾಕ್ ವಿರುದ್ಧ ಹ್ಯಾಟ್ರಿಕ್ ಗಳಿಸಿದ್ದು ನ್ಯೂಜಿಲ್ಯಾಂಡ್ನ 4 ನೇ ಬೌಲರ್ ಆಗಿ ಪಟ್ಟಿ ಸೇರಿದರು.
ಇನ್ನೂ, ಪಂದ್ಯದಲ್ಲಿ ಪಾಕಿಸ್ತಾನ ಗೆಲುವು ಸಾಧಿಸಿದೆ. ಮೊದಲು ಬ್ಯಾಟ್ ಮಾಡಿದ ಪಾಕ್ 182 ರನ್ಗಳ ಸವಾಲಿನ ಮೊತ್ತ ಗಳಿಸಿತು. ಫಖರ್ ಜಮಾನ್ 34 ಎಸೆತಗಳಲ್ಲಿ 4 ಬೌಂಡರಿ 2 ಸಿಕ್ಸರ್ ಸಮೇತ 47 ರನ್ ಮಾದರೆ, ಸೈಮ್ ಖಾನ್ 6 ಬೌಂಡರಿ 2 ಸಿಕ್ಸರ್ಗಳಿಂದ 47 ರನ್ ಮಾಡಿದರು. ಕೊನೆಯಲ್ಲಿ ಫಹೀಮ್ ಅಶ್ರಫ್ 22 ರನ್ ಸಿಡಿಸಿದರು.
183 ರನ್ ಗುರಿ ಬೆನ್ನತ್ತಿದ ನ್ಯೂಜಿಲ್ಯಾಂಡ್ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ, 94 ರನ್ಗೆ ಆಲೌಟ್ ಆಯಿತು. ಇದರಿಂದ ಸರಣಿಯಲ್ಲಿ 1-0 ಹಿನ್ನಡೆ ಅನುಭವಿಸಿತು. ಮಾರ್ಕ್ ಚಾಪ್ಮನ್ 34 ರನ್ ಗಳಿಸಿದ್ದೇ ತಂಡದ ಆಟಗಾರನ ಗರಿಷ್ಠ ಮೊತ್ತವಾಗಿತ್ತು.
ಇದನ್ನೂ ಓದಿ: ಕೋಲ್ಕತ್ತಾ 'ನೈಟ್' ರೈಡರ್ಸ್ ವಿರುದ್ಧ 'ಸನ್ರೈಸ್': ಹ್ಯಾರಿ ಬ್ರೂಕ್ ಶತಕದ ವೈಭವ
