ಕೋಲ್ಕತ್ತಾ: ಪಶ್ಚಿಮ ಬಂಗಾಳ ವಿಧಾನ ಸಭಾ ಚುನಾವಣೆಯಲ್ಲಿ ಶಿಬ್ಪುರ್ ಕ್ಷೇತ್ರದಿಂದ ಟಿಎಂಸಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಮಾಜಿ ಕ್ರಿಕೆಟಿಗ ಮನೋಜ್ ತಿವಾರಿ ಬಿಜೆಪಿ ಅಭ್ಯರ್ಥಿಗೆ ಸೋಲುಣಿಸಿ ಮೊದಲ ಬಾರಿಗೆ ಶಾಸಕರಾಗಿ ಆಯ್ಕೆಯಾಗಿದ್ದಾರೆ.
36 ವರ್ಷದ ಮಾಜಿ ಕ್ರಿಕೆಟಿಗ ಗ್ರೇಟರ್ ಕೋಲ್ಕತ್ತಾ ಪ್ರಾಂತ್ಯದ ಹೌರಾ ಜಿಲ್ಲೆಯ ಶಿಬ್ಪುರ್ ಕ್ಷೇತ್ರದಲ್ಲಿ ಬಿಜೆಪಿಯ ರತಿನ್ ಚಕ್ರಬೊರ್ತಿ ವಿರುದ್ಧ 30 ಸಾವಿರಕ್ಕೂ ಹೆಚ್ಚು ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ.
2016ರಲ್ಲಿ ಈ ಕ್ಷೇತ್ರದಿಂದ ಎಐಎಓಫ್ಬಿಯ ಜತು ಲಹಿರಿ ಗೆಲುವು ಸಾಧಿಸಿದ್ದರು. 2011ರಲ್ಲಿ ಚುನಾವಣೆಯಲ್ಲಿ ಲಹಿರಿ ಟಿಎಂಸಿ ಪಕ್ಷದಿಂದ ಚುನಾವಣೆಗೆ ಸ್ಪರ್ಧಿಸಿ ಗೆಲುವು ಸಾಧಿಸಿದ್ದರು.
15 ವರ್ಷ ಕ್ರಿಕೆಟ್ನಲ್ಲಿ ಸಕ್ರಿಯಾಗಿದ್ದ ಮನೋಜ್ ತಿವಾರಿ ಭಾರತ ಮತ್ತು ಪಶ್ಚಿಮ ಬಂಗಾಳ ತಂಡಗಳನ್ನು ಪ್ರತಿನಿಧಿಸಿದ್ದರು. ಅವರು ಭಾರತ ತಂಡದ ಪರ 12 ಏಕದಿನ ಮತ್ತು 3 ಟಿ20 ಪಂದ್ಯಗಳನ್ನಾಡಿದ್ದಾರೆ. 125 ಪ್ರಥಮ ದರ್ಜೆ ಕ್ರಿಕೆಟ್ ಪಂದ್ಯಗಳಿಂದ 8965 ರನ್ಗಳಿಸಿರುವ ಅವರು 27 ಶತಕ ಕೂಡ ಬಾರಿಸಿದ್ದಾರೆ.
ಇದನ್ನು ಓದಿ:ಮಸ್ಕಿಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿಗೆ ಭಾರಿ ಗೆಲುವು.. ಪ್ರತಾಪ್ಗೌಡಗೆ ಹೀನಾಯ ಸೋಲು
