ಇಸ್ಲಾಮಾಬಾದ್: ಆಂಗ್ಲರ ನಾಡಿನಲ್ಲಿ ನಡೆಯುತ್ತಿರುವ ವಿಶ್ವಕಪ್ ಪಂದ್ಯಾವಳಿಯ ಟೀಮ್ ಇಂಡಿಯಾ ಹಾಗೂ ಪಾಕಿಸ್ತಾನ ನಡುವಿನ ಹೈವೋಲ್ಟೇಜ್ ಮ್ಯಾಚ್ನಲ್ಲಿ ಭಾರತ ಭರ್ಜರಿ ಜಯ ಸಾಧಿಸಿ ಟೂನಿಯಲ್ಲಿ ಅಜೇಯವಾಗಿ ಉಳಿದಿದೆ.
ಅತ್ಯಂತ ಒತ್ತಡದ ಪಂದ್ಯದಲ್ಲಿ ಟಾಸ್ ಗೆದ್ದರೂ ಭಾರತವನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿ ಸೋಲಿಗೆ ಮುನ್ನುಡಿ ಬರೆದಿತ್ತು. ಪಾಕಿಸ್ತಾನದ ಸೋಲಿಗೆ ತೀವ್ರ ಹತಾಶೆಗೊಳಗಾಗಿರುವ ಮಾಜಿ ಆಟಗಾರ ಶೋಯೆಬ್ ಅಖ್ತರ್, ಸರ್ಫರಾಜ್ನದ್ದು ಬುದ್ಧಿಹೀನ ನಾಯಕತ್ವ ಎಂದು ಜರೆದಿದ್ದಾರೆ.
ಸಾಂಪ್ರದಾಯಿಕ ಎದುರಾಳಿಯ ವಿರುದ್ಧ ಗೆಲುವು... ಪಾಕಿಸ್ತಾನವನ್ನು ಕಾಲೆಳೆದ ಕೋಲ್ಕತ್ತಾ ಪೊಲೀಸ್
ನಾಯಕನೊಬ್ಬ ಇಷ್ಟೊಂದು ಬುದ್ಧಹೀನ ಯಾಕಾಗಿದ್ದಾನೆ ಎನ್ನುವುದು ಅರ್ಥವಾಗುತ್ತಿಲ್ಲ. ಪಾಕಿಸ್ತಾನ ಚೇಸಿಂಗ್ನಲ್ಲಿ ದುರ್ಬಲ ಎನ್ನುವ ವಿಚಾರ ತಿಳಿದಿರಲಿಲ್ಲವೇ..? ತಮ್ಮ ತಂಡದ ಶಕ್ತಿ ಬ್ಯಾಟಿಂಗ್ ಅಲ್ಲ ಬೌಲಿಂಗ್ ಎನ್ನುವ ಸಾಮಾನ್ಯ ವಿಚಾರ ಗೊತ್ತಿದ್ದೂ ಚೇಸಿಂಗ್ ಮೊರೆ ಹೋಗಿದ್ದು, ನಿಜಕ್ಕೂ ಮೂರ್ಖತನ ಎಂದು ಅಖ್ತರ್ ತಮ್ಮ ಅಧಿಕೃತ ಯುಟ್ಯೂಬ್ ಚಾನೆಲ್ನಲ್ಲಿ ಹೇಳಿಕೊಂಡಿದ್ದಾರೆ.
ಹೈವೋಲ್ಟೇಜ್ ಪಂದ್ಯಗಳಲ್ಲಿ ಟಾಸ್ ಗೆಲುವೇ ನಿರ್ಣಯಕ. ಒಂದು ವೇಳೆ ಸರ್ಫರಾಜ್ ಬ್ಯಾಟಿಂಗ್ ಆಯ್ದುಕೊಂಡಿದ್ದಲ್ಲಿ ಅರ್ಧ ಪಂದ್ಯವೇ ಗೆದ್ದಂತಾಗುತ್ತಿತ್ತು ಎಂದು ಅಖ್ತರ್ ಅಭಿಪ್ರಾಯಪಟ್ಟಿದ್ದಾರೆ.
'ಪಾಕ್ ಕೋಚ್ ಆದರೆ ಅವರಿಗೆ ಬ್ಯಾಟಿಂಗ್ ಸಲಹೆ ನೀಡುವೆ': ಪತ್ರಕರ್ತನ ಪ್ರಶ್ನೆಗೆ ರೋಹಿತ್ ಉತ್ತರ!
ಪಂದ್ಯದ ಆರಂಭಕ್ಕೂ ಮುನ್ನ ಪಾಕಿಸ್ತಾನ ಪ್ರಧಾನಿ ಹಾಗೂ ಮಾಜಿ ಪಾಕ್ ಕ್ರಿಕೆಟಿಗ ಇಮ್ರಾನ್ ಖಾನ್ ಟ್ವೀಟ್ ಮಾಡಿ, ಟಾಸ್ ಗೆದ್ದಲ್ಲಿ ಬ್ಯಾಟಿಂಗ್ ಆಯ್ದುಕೊಳ್ಳುವಂತೆ ಸಲಹೆ ನೀಡಿದ್ದರು. ಆದರೆ, ಸರ್ಫರಾಜ್ ಮೊದಲ ಹೆಜ್ಜೆಯಲ್ಲೇ ಎಡವಿ ಪಂದ್ಯ ಸೋಲಬೇಕಾಯಿತು.
- " class="align-text-top noRightClick twitterSection" data="">
