ರಾವಲ್ಪಿಂಡಿ: ತವರಿನ ಲಾಭ ಪಡೆದ ಪಾಕಿಸ್ತಾನ ತಂಡ ಬಾಂಗ್ಲಾದೇಶದ ವಿರುದ್ಧ ಮೊದಲ ಟೆಸ್ಟ್ ಪಂದ್ಯವನ್ನು ಇನ್ನಿಂಗ್ಸ್ ಹಾಗೂ 44 ರನ್ಗಳಿಂದ ಜಯಗಳಿಸಿದೆ.
212 ರನ್ಗಳ ಇನ್ನಿಂಗ್ಸ್ ಹಿನ್ನಡೆ ಅನುಭವಿಸಿದ್ದ ಬಾಂಗ್ಲಾದೇಶ ತಂಡ ಎರಡನೇ ಇನ್ನಿಂಗ್ಸ್ನಲ್ಲಿ 168 ರನ್ಗಳಿಗೆ ಆಲೌಟ್ ಆಗುವ ಮೂಲಕ ಇನ್ನಿಂಗ್ಸ್ ಹಾಗೂ 44 ರನ್ಗಳಿಂದ ಸೋಲುಕಂಡಿದೆ.
ರಾವಲ್ಪಿಂಡಿಯಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಬಾಂಗ್ಲಾದೇಶ ತಂಡ ಶಾಹೀನ್ ಅಫ್ರಿದಿ(4) ಯಾಸಿರ್ ಶಾ(2) ಅಬ್ಬಾಸ್(2) ದಾಳಿಗೆ ಸಿಲುಕಿ ಮೊದಲ ಇನ್ನಿಂಗ್ಸ್ನಲ್ಲಿ 233ಕ್ಕೆ ಆಲೌಟ್ ಆಯಿತು. ಮೊಹಮ್ಮದ್ ಮಿಥುನ್(63) ಏಕೈಕ ಅರ್ಧಶತಕ ಸಿಡಿಸಿದರು.
ಇದಕ್ಕುತ್ತರವಾಗಿ ಪಾಕಿಸ್ತಾನ 445 ರನ್ಗಳಿಸಿ 212 ರನ್ಗಳ ಮುನ್ನಡೆ ಪಡೆಯಿತು. ಬಾಬರ್ ಅಜಮ್ 143, ಶಾನ್ ಮಸೂದ್ 100, ಅಸಾದ್ ಶಫಿಕ್ 65, ಹ್ಯಾರಿಸ್ ಸೊಹೈಲ್ 75 ರನ್ಗಳಿಸಿದ್ದರು.
ಬಾಂಗ್ಲಾದೇಶದ ಪರ ಅಬು ಜಾಯೇದ್ 3, ರುಬೆಲ್ ಹಸನ್ 3, ತೈಜುಲ್ ಹೊಸೈನ್ 2 ಹಾಗೂ ಎಬಾದೊತ್ ಹೊಸೈನ್ ಒಂದು ವಿಕೆಟ್ ಪಡೆದಿದ್ದರು.
212 ರನ್ಗಳ ಹಿನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಬಾಂಗ್ಲಾದೇಶ ತಂಡ ಯುವ ಬೌಲರ್ ನಸೀಮ್ ಶಾ ದಾಳಿಗೆ ತತ್ತರಿಸಿ 168 ರನ್ಗಳಿಗೆ ಆಲೌಟ್ ಆಯಿತು. ನಾಯಕ ಮೊಮಿಮುಲ್ ಹಕ್ 41 ರನ್, ತಮೀಮ್ 34, ನಜ್ಮುಲ್ ಹೊಸೈನ್ ಶಂಟೋ 38 ರನ್ಗಳಿಸಿದರು.
ಪಾಕ್ನ 16 ವರ್ಷದ ಬೌಲರ್ ನಶೀಮ್ ಶಾ ಹ್ಯಾಟ್ರಿಕ್ ಸಹಿತ 4 ವಿಕೆಟ್ ಪಡೆದು ಬಾಂಗ್ಲಾ ವಿರುದ್ಧ ಇನ್ನಿಂಗ್ಸ್ ಜಯಕ್ಕೆ ಕಾರಣರಾದರು. ಅನುಭವಿ ಸ್ಪಿನ್ನರ್ ಯಾಸಿರ್ ಶಾ 4 ವಿಕೆಟ್ ಪಡೆದು ಮಿಂಚಿದರು. ಹ್ಯಾಟ್ರಿಕ್ ವಿಕೆಟ್ ಪಡೆದ ವಿಶ್ವದ ಕಿರಿಯ ಬೌಲರ್ ಎನಿಸಿಕೊಂಡ ನಶೀಮ್ ಶಾಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
ಟೆಸ್ಟ್ ಸರಣಿಯ ಎರಡನೇ ಟಿ20 ಪಂದ್ಯ ಏಪ್ರಿಲ್ 5 ರಿಂದ ಆರಂಭವಾಗಲಿದೆ. ಇದರ ಮಧ್ಯೆ ಇತ್ತಂಡಗಳ ನಡುವೆ ಏಕೈಕ ಏಕದಿನ ಪಂದ್ಯ ಏಪ್ರಿಲ್ 3 ರಂದು ನಡೆಯಲಿದೆ.
