ಸಿಡ್ನಿ: ಕೊರೊನಾ ವೈರಸ್ ಭೀತಿಯಿಂದ ಚೆಂಡನ್ನು ಹೊಳೆಯುವಂತೆ ಮಾಡಲು ಎಂಜಲು ಅಥವಾ ಲಾಲಾರಸ ಬಳಸುವುದನ್ನು ನಿಷೇಧ ಮಾಡಿದರೆ ಬ್ಯಾಟ್ ಮತ್ತು ಚೆಂಡಿನ ನಡುವೆ ಸಮತೋಲನ ಸಾಧಿಸಲು ಸಾಧ್ಯವಾಗುವುದಿಲ್ಲ. ಇದರಿಂದ ಕ್ರಿಕೆಟ್ ಬಹಳ ನೀರಸವಾಗುವ ಅಪಾಯವನ್ನು ಎದುರಿಸಲಿದ್ದಾರೆ ಎಂದು ಆಸ್ಟ್ರೇಲಿಯಾ ವೇಗಿ ಮಿಚೆಲ್ ಸ್ಟಾರ್ಕ್ ಮಂಗಳವಾರ ಎಚ್ಚರಿಸಿದ್ದಾರೆ.
ಮಂಗಳವಾರ ಸಿಡ್ನಿಯಲ್ಲಿ ಆನ್ಲೈನ್ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿರುವ ಸ್ಟಾರ್ಕ್ ಐಸಿಸಿ ಲಾಲಾರಸದ ಬಳಕೆಯನ್ನು ತಾತ್ಕಾಲಿಕವಾಗಿ ನಿಷೇಧಿಸುವ ನಿರ್ಧಾರ ತುಂಬಾ ನೀರಸವಾಗಿದೆ. ಇದರಿಂದ ಕ್ರಿಕೆಟ್ ತುಂಬಾ ಸಂಕಷ್ಟಕ್ಕೀಡಾಗಲಿದೆ ಎಂದು ಹೇಳಿದ್ದಾರೆ.
ಐಸಿಸಿ ನಿರ್ಧಾರದಿಂದ ಭವಿಷ್ಯದ ಯುವಕರಿಗೆ ವೇಗದ ಬೌಲರ್ಗಳಾಗುವ ನಿರ್ಧಾರಕ್ಕೆ ಧಕ್ಕೆಯಾಗಲಿದೆ. ಇನ್ನು ಬಾಲ್ ಸ್ವಿಂಗ್ ಆಗುವುದಕ್ಕೂ ಕಷ್ಟವಾಗಲಿದೆ. ಅದಕ್ಕಾಗಿ ಬೇರೆ ಮಾರ್ಗವನ್ನು ಅನುಸರಿಸಬೇಕಾಗಿದೆ ಎಂದು ಆನ್ಲೈನ್ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
ಇನ್ನು ಈ ನಿರ್ಧಾರದಿಂದ ಜನರು ಕೂಡ ಕ್ರಿಕೆಟ್ ನೋಡಲು ಇಷ್ಟಪಡುವುದಿಲ್ಲ, ಮಕ್ಕಳು ಬೌಲರ್ಗಳಾಗಲು ಬಯಸುವುದಿಲ್ಲ ಈಗಾಗಲೆ ಆಸ್ಟ್ರೇಲಿಯಾದಲ್ಲಿ ನಾವು ಸಾಕಷ್ಟು ಸಮತಟ್ಟಾದ (ಪಿಚ್) ವಿಕೆಟ್ಗಳನ್ನು ಹೊಂದಿದ್ದೇವೆ. ಇದರಿಂದ ಚೆಂಡು ನೇರವಾಗಿ ಹೋದರೆ(ಸ್ವಿಂಗ್ ಆಗದಿದ್ದರೆ) ಅದು ಬಹಳ ನೀರಸ ಸ್ಪರ್ಧೆಯಾಗಲಿದೆ ಎಂದು ಸ್ಟಾರ್ಕ್ ಹೇಳಿದ್ದಾರೆ.
ಇನ್ನು ಭಾರತದ ವಿರುದ್ಧ ಪಿಂಕ್ ಬಾಲ್ ಟೆಸ್ಟ್ ಆಡುವುದರ ಬಗ್ಗೆ ಸಂತಸ ವ್ಯಕ್ತಪಡಿಸಿರುವ ಸ್ಟಾರ್ಕ್, ಟೆಸ್ಟ್ ಸರಣಿಯಲ್ಲಿ ಪಿಂಕ್ ಬಾಲ್ ಟೆಸ್ಟ್ ಪಂದ್ಯ ಒಂದು ದೊಡ್ಡ ವಿಷಯ ಎಂದು ನಾನು ಭಾವಿಸುತ್ತೇನೆ. ಅಭಿಮಾನಿಗಳು ಕೂಡ ಇದನ್ನು ಪ್ರೀತಿಸುತ್ತಾರೆ. ಇದು ಸ್ಪರ್ಧೆಯನ್ನು ವಿಭಿನ್ನ ಅಂಶವನ್ನು ಸೃಷ್ಟಿಸುತ್ತದೆ ಎಂದು ನಾನು ಭಾವಿಸುತ್ತೇನೆ. ಈ ಪಂದ್ಯದಲ್ಲಿ ಬ್ಯಾಟ್ ಮತ್ತು ಬಾಲ್ಗಳನ್ನು ನಡುವೆ ಸಮಾನ ಸ್ಪರ್ಧೆಯಿರುತ್ತದೆ ಎಂದು ಸ್ಟಾರ್ಕ್ ಹೇಳಿದ್ದಾರೆ.
