ಲಂಡನ್: ಇಂಗ್ಲೆಂಡ್ ಮಹಿಳಾ ತಂಡದ ಮಾಜಿ ವಿಕೆಟ್ ಕೀಪರ್ ಬ್ಯಾಟ್ಸ್ವುಮೆನ್ ಸಸೆಕ್ಸ್ ಪುರುಷರ ತಂಡಕ್ಕೆ ಕೋಚ್ ಆಗಿ ನೇಮಕಗೊಂಡಿದ್ದಾರೆ. ಆಶ್ಲೇ ರೈಟ್ರನ್ನು ಕೂಡ ಕೋಚ್ ಸಿಬ್ಬಂದಿಯಾಗಿದೆ ಸೇರಿಸಿಕೊಂಡಿದೆ.
ಮುಂಬರುವ ಋತುವಿನಿಂದ ಸಸೆಕ್ಸ್ ಕ್ರಿಕೆಟ್ ಸಾರಾ ಟೇಲರ್ ಮತ್ತು ಆಶ್ಲೇ ರೈಟ್ ಅವರನ್ನು ನಮ್ಮ ತರಬೇತುದಾರರ ಬಳಗಕ್ಕೆ ಸೇರ್ಪಡೆ ಮಾಡಿಕೊಂಡಿರುವುದನ್ನು ಘೋಷಿಸಲು ಸಂತೋಷವಾಗುತ್ತಿದೆ ಎಂದು ಸಸೆಕ್ಸ್ ಕ್ರಿಕೆಟ್ ಕ್ಲಬ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಸಾರಾ ಕ್ಲಬ್ನ ವಿಕೆಟ್ ಕೀಪರ್ಗಳ ಜೊತೆ ಕೆಲಸ ಮಾಡಲಿದ್ದಾರೆ. ಅವರು 13 ವರ್ಷಗಳ ವೃತ್ತಿ ಜೀವನದಲ್ಲಿ ಇಂಗ್ಲೆಂಡ್ ಪರ 226 ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ್ದಾರೆ. ಮಹಿಳಾ ವಿಕೆಟ್ ಕೀಪರ್ಗಳಲ್ಲಿ ಅತಿ ಹೆಚ್ಚು ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡಿದ ದಾಖಲೆ ಹೊಂದಿದ್ದಾರೆ. ಸಾರಾ 227 ಬಲಿಪಡೆದಿದ್ದಾರೆ. ಬ್ಯಾಟಿಂಗ್ನಲ್ಲೂ ಉತ್ತಮ ಪ್ರದರ್ಶಿಸಿರುವ ಅವರು 7000ಕ್ಕೂ ಹೆಚ್ಚು ರನ್ಗಳಿಸಿದ್ದಾರೆ.
