ನವದೆಹಲಿ: ಭಾರತ ತಂಡದ ಮಾಜಿ ನಾಯಕ ಸುನಿಲ್ ಗವಾಸ್ಕರ್ ಭಾರತ-ಪಾಕಿಸ್ತಾನ ಆಟಗಾರರನ್ನು ಒಂದುಗೂಡಿಸಿ ಬೆಸ್ಟ್ ಇಲೆವೆನ್ ತಂಡವನ್ನು ಘೋಷಿಸಿದ್ದಾರೆ. ಆದರೆ ಇದು ಅಂಕಿ-ಅಂಶಗಳ ಆಧಾರದ ಮೇಲಿನ ತಂಡವಲ್ಲ ಬದಲಾಗಿ ಈ ಆಟಗಾರರು ಒಟ್ಟಿಗೆ ಆಡಿದರೆ ತುಂಬಾ ಮಜಾ ಇರುತ್ತದೆ ಎಂದಿದ್ದಾರೆ.
ಪಾಕಿಸ್ತಾನದ ಮಾಜಿ ಆಟಗಾರ ರಮೀಝ್ ರಾಜಾ ಅವರ ಜೊತೆ ಲೈವ್ನಲ್ಲಿ ಮಾತನಾಡಿದ ಅವರು, ಈ ಆಟಗಾರರು ಒಟ್ಟಿಗೆ ಆಡಿದರೂ ಅಥವಾ ಆಡದಿದ್ದರೂ ಏನಾಗುತ್ತದೆ ಎಂಬುದು ಬೇಕಾಗಿಲ್ಲ. ಆದರೆ ಡ್ರೆಸ್ಸಿಂಗ್ ರೂಮ್ನಲ್ಲಿ ಬಹಳಷ್ಟು ಮಜಾ ಮಾತ್ರ ನಿರೀಕ್ಷಿಸುತ್ತೇನೆ. ಈ ಹುಡುಗರನ್ನು ಡ್ರೆಸ್ಸಿಂಗ್ ರೂಮ್ನಿಂದ ಹೊರ ತರುವುದೇ ಕಷ್ಟವಾಗುತ್ತದೆ. ಏಕೆಂದರೆ ಇವರೆಲ್ಲಾ ಮೋಜು ಮಾಡುತ್ತಾರೆ ಎಂದು ಗವಾಸ್ಕರ್ ಅಭಿಪ್ರಾಯ ಪಟ್ಟಿದ್ದಾರೆ.
ಆದರೆ ಈ ತಂಡದಲ್ಲಿ ಭಾರತದ ಸ್ಟಾರ್ ಆಟಗಾರರಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ಎಂಎಸ್ ಧೋನಿಯನ್ನು ಕೈಬಿಟ್ಟಿದ್ದಾರೆ.
ಇನ್ನು ತಮ್ಮ ತಂಡದಲ್ಲಿ ಆರಂಭಿಕರಾಗಿ ವಿರೇಂದ್ರ ಸೆಹ್ವಾಗ್ ಜೊತೆಗೆ ಲೆಜೆಂಡರಿ ಪಾಕಿಸ್ತಾನಿ ಬ್ಯಾಟ್ಸ್ಮನ್ರನ್ನು ಆಯ್ಕೆ ಮಾಡಿದ್ದಾರೆ.
ಮೂರನೇ ಕ್ರಮಾಂದಲ್ಲಿ ಪಾಕಿಸ್ತಾನದ ಜಾಹೀರ್ ಅಬ್ಬಾಸ್, ನಾಲ್ಕನೇ ಕ್ರಮಾಂಕ್ಕೆ ಸಚಿನ್ ತೆಂಡೂಲ್ಕರ್, 5ನೇ ಕ್ರಮಾಂಕಕ್ಕೆ ಗುಂಡಪ್ಪ ವಿಶ್ವನಾಥ್, 1983ರ ವಿಶ್ವಕಪ್ ತಂಡದ ನಾಯಕ ಕಪಿಲ್ ದೇವ್ಗೆ 6ನೇ ಸ್ಥಾನ, ನಂತರ ದ ಸ್ಥಾನದಲ್ಲಿ ಪಾಕಿಸ್ತಾನದ ಮಾಜಿ ನಾಯಕ ಹಾಗೂ ಹಾಲಿ ಪ್ರಧಾನಿ ಇಮ್ರಾನ್ ಖಾನ್ ರನ್ನು ಆಯ್ಕೆ ಮಾಡಿದ್ದಾರೆ.
8ನೇ ಹಾಗೂ ವಿಕೆಟ್ ಕೀಪರ್ ಸ್ಥಾನಕ್ಕೆ ಭಾರತದ ಸಯ್ಯದ್ ಕಿರ್ಮಾನಿಯನ್ನು ಆಯ್ಕೆ ಮಾಡಿರುವ ಗವಾಸ್ಕರ್ 9 ನೇ ಸ್ಥಾನಲ್ಲಿ ವಾಸಿಮ್ ಅಕ್ರಂ, 10 ಅಬ್ಧುಲ್ ಖಾದೀರ್ ಹಾಗು 11 ನೇಸ್ಥಾನದಲ್ಲಿ ಬಿಎಸ್ ಚಂದ್ರಶೇಖರ್ರನ್ನು ಆಯ್ಕೆ ಮಾಡಿದ್ದಾರೆ.
