ಜೈಪುರ್: ನಿನ್ನೆ ರಾಜಸ್ಥಾನ ರಾಯಲ್ಸ್ ತಂಡದ ವಿರುದ್ಧದ ಪಂದ್ಯದಲ್ಲಿ ಆರ್ಸಿಬಿ ತಂಡಕ್ಕೆ ವಿಲನ್ ಆಗಿ ಕಾಡಿದ್ದು ಕನ್ನಡಿಗರಾದ ಶ್ರೇಯಸ್ ಗೋಪಾಲ್ ಹಾಗೂಕೆ. ಗೌತಮ್. ಇವರ ಮಾರಕ ಬೌಲಿಂಗ್ ಪ್ರದರ್ಶನದ ಎದುರು ಆರ್ಸಿಬಿ ಬ್ಯಾಟಿಂಗ್ ಪಡೆ ಮಂಕಾಯಿತು.
ಅದರಲ್ಲೂ ಶ್ರೇಯಸ್ ಗೋಪಾಲ್ ತಾವು ಎಸೆದ 4 ಓವರ್ಗಳಲ್ಲಿ ಕೇವಲ 12ರನ್ ನೀಡಿ, ಅಪಾಯಕಾರಿ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಹಾಗೂ ಎಬಿಡಿ ವಿಲಿಯರ್ಸ್ ವಿಕೆಟ್ ಸೇರಿ ಮೂರು ಪ್ರಮುಖ ವಿಕೆಟ್ ಪಡೆದು ಮಿಂಚಿದರು. ಹೀಗಾಗಿ ಆರ್ಸಿಬಿ ತಂಡ ಮಧ್ಯಂತರ ಅವಧಿಯಲ್ಲಿ ಸ್ಟಾರ್ ಪ್ಲೇಯರ್ ವಿಕೆಟ್ ಕಳೆದುಕೊಂಡು ಹಿನ್ನಡೆಗೊಳಗಾಯಿತು. ಜತೆಗೆ ಈ ಪಂದ್ಯವನ್ನ ರಹಾನೆ ಪಡೆ 7ವಿಕೆಟ್ಗಳ ಅಂತರದಿಂದ ಗೆಲುವು ಸಾಧಿಸಿತು. ಇದೇ ಪಂದ್ಯದಲ್ಲಿ ಬೌಲಿಂಗ್ ಮಾಡಿದ್ದ ಮತ್ತೋರ್ವ ಕನ್ನಡಿಗ ಕೆ. ಗೌತಮ್ ತಮ್ಮ 4 ಓವರ್ಗಳ ಖೋಟಾದಲ್ಲಿ ಕೇವಲ 19ರನ್ ನೀಡಿ ಮಿಂಚಿದರು.
ಪಂದ್ಯ ಮುಗಿದ ಬಳಿಕ ಮಾತನಾಡಿರುವ ಕನ್ನಡಿಗ ಶ್ರೇಯಸ್ ಅಯ್ಯರ್,ವಿರಾಟ್ ಕೊಹ್ಲಿ ಹಾಗೂ ಎಬಿಡಿ ವಿಕೆಟ್ ಪಡೆದುಕೊಂಡಿರುವುದು ನನ್ನ ಕ್ರಿಕೆಟ್ ಜೀವನದಲ್ಲೇ ಅತ್ಯುತ್ತಮ ಸಾಧನೆ. ಇಂತಹ ಅದ್ಭುತ ಬ್ಯಾಟ್ಸ್ಮನ್ಗಳ ವಿಕೆಟ್ ಪಡೆದುಕೊಳ್ಳಲು ಎಲ್ಲ ಯಂಗ್ಸ್ಟಾರ್ ಬೌಲರ್ಗಳು ಕಾಯುತ್ತಿರುತ್ತಾರೆ. ಕ್ರಿಕೆಟ್ ಕೆರಿಯರ್ನಲ್ಲೇ ಇದು ನನಗೆ ಅದ್ಭುತ ಕ್ಷಣ ಎಂದಿದ್ದಾರೆ.
