ಇಸ್ಲಮಾಬಾದ್: ಅಂಡರ್-19 ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ತಂಡ ಭಾರತದ ವಿರುದ್ಧ 10 ವಿಕೆಟ್ಗಳ ಸೋಲು ಅನುಭವಿಸಿದೆ. ಈ ಸೋಲಿನಿಂದ ಬೇಸರಗೊಂಡಿರುವ ಪಾಕ್ ಮಾಜಿ ಕ್ರಿಕೆಟರ್ ಶೊಯೆಬ್ ಅಖ್ತರ್ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ (ಪಿಸಿಬಿ) ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
- " class="align-text-top noRightClick twitterSection" data="">
ಪಿಸಿಬಿ ನಡೆಯನ್ನ ಟೀಕಿಸಿರುವ ಅಖ್ತರ್, ಟೀಂ ಇಂಡಿಯಾ ಮಾಜಿ ಕ್ರಿಕೆಟ್ ಆಟಗಾರ ರಾಹುಲ್ ದ್ರಾವಿಡ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. 'ರಾಹುಲ್ ದ್ರಾವಿಡ್ ಅಂಡರ್-19 ತಂಡಕ್ಕೆ ಕೋಚ್ ಆಗಿದ್ದರು. ಒಬ್ಬ ಉತ್ತಮ ಆಟಗಾರರನ್ನ ನೀವು ಉನ್ನತ ಸ್ಥಾನಕ್ಕೆ ಆಯ್ಕೆ ಮಾಡಿದಾಗ ಅದಕ್ಕೆ ತಕ್ಕ ಸಂಭಾವನೆ ನೀಡಬೇಕು ಎಂದು ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಪೋಸ್ಟ್ ಮಾಡಿರುವ ವಿಡಿಯೋದಲ್ಲಿ ಹೇಳಿದ್ದಾರೆ.
'ಪಿಸಿಬಿ, ಯೂನಿಸ್ ಖಾನ್ರನ್ನ ಉನ್ನತ ಸ್ಥಾನಕ್ಕೆ ಆಯ್ಕೆಮಾಡಿದ್ದು, 15 ಲಕ್ಷ ರೂ ಕೊಡೋಕೆ ಆಗೋದಿಲ್ಲ, 13 ಲಕ್ಷ ರೂ ತೆಗೆದುಕೊಳ್ಳಿ ಎಂದು ಚೌಕಾಸಿ ಮಾಡುತ್ತಿದೆ. ಒಬ್ಬ ಸ್ಟಾರ್ ಆಟಗಾರರನ್ನ ನಡೆಸಿಕೊಳ್ಳುವ ರೀತಿ ಸರೀನಾ? ಎಂದು ಪಿಸಿಬಿಯನ್ನ ಪ್ರಶ್ನೆ ಮಾಡಿದ್ದಾರೆ.
ನನ್ನನ್ನೂ ಸೇರಿದಂತೆ ಮೊಹಮ್ಮದ್ ಯೂಸುಫ್, ಯೂನಿಸ್ ಖಾನ್ರಂತ ಹಲವು ಆಟಗಾರರಿದ್ದಾರೆ. ನಾವು ತಂಡಕ್ಕೆ ಸಹಾಯ ಮಾಡುತ್ತೇವೆ. ಒಂದು ವೇಳೆ ನಾವು ಅಂಡರ್-19 ತಂಡದ ಬೆನ್ನಿಗೆ ನಿಂತಿದ್ದರೆ ಅವರು ಇಂತಾ ಪ್ರದರ್ಶನ ನೀಡುತಿದ್ರಾ? ಎಂದು ಅವರು ಕಿಡಿ ಕಾರಿದ್ದಾರೆ.
