ಪೋರ್ಟ್ ಆಪ್ ಸ್ಪೇನ್: ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯ ಗೆದ್ದು 1-0ಯಲ್ಲಿ ಸರಣಿ ಮುನ್ನಡೆ ಸಾಧಿಸಿದ ಖುಷಿಯಲ್ಲಿರುವ ಭಾರತೀಯರು ಸಿಕ್ಕಿರುವ ಬಿಡುವನ್ನು ಎಂಜಾಯ್ ಮಾಡುವುದರಲ್ಲಿ ಬ್ಯುಸಿಯಾಗಿದ್ದಾರೆ.
ರೋಹಿತ್ ಶರ್ಮಾ, ರಿಷಭ್ ಪಂತ್, ಶಿಖರ್ ಧವನ್, ಶ್ರೇಯಸ್ ಅಯ್ಯರ್, ಮಯಾಂಕ್ ಅಗರ್ವಾಲ್ ಹಾಗೂ ಕೆಲವು ವೆಸ್ಟ್ ಇಂಡೀಸ್ ಆಟಗಾರರ ಜೊತೆ ಸೇರಿ ನೀರಿನಲ್ಲಿ ಆಟವಾಡುತ್ತಿರುವ ವಿಡಿಯೋವನ್ನು ಧವನ್ ಹಾಗೂ ಅಯ್ಯರ್ ಶೇರ್ ಮಾಡಿಕೊಂಡಿದ್ದಾರೆ.
ಭಾನುವಾರ ಟ್ರೆನಿಟಾಡ್ ಮತ್ತು ಟೊಬ್ಯಾಗೋದ ಪೋರ್ಟ್ ಆಫ್ ಸ್ಪೇನ್ನ ಐಲ್ಯಾಂಡ್ಗೆ ಭೇಟಿ ನೀಡಿದ್ದಾರೆ. ಐಪಿಎಲ್ನ ಸ್ಟಾರ್ ವಿಂಡೀಸ್ ಪ್ಲೇಯರ್ಗಳಾದ ನಿಕೋಲಸ್ ಪೂರನ್, ಪೋಲಾರ್ಡ್ ಕೂಡ ಭಾರತೀಯರ ಜೊತೆ ಮೋಜು ಮಸ್ತಿಯಲ್ಲಿ ಪಾಲ್ಗೊಂಡಿದ್ದಾರೆ. ವಿಡಿಯೋದಲ್ಲಿ ಎಲ್ಲರೂ ಬಾಲಿವುಡ್ ಸಾಂಗ್ಗಳನ್ನು ಹಾಡುತ್ತಾ ಕುಣಿಯುತ್ತಾ ರಂಜಿಸಿದ್ದಾರೆ. ವಿಶ್ವಕಪ್ ನಂತರ ಮೊದಲ ಪ್ರವಾಸ ಕೈಗೊಂಡಿರುವ ಭಾರತೀಯ ತಂಡ ಟಿ-20 ಸರಣಿಯನ್ನು 3-0ಯಲ್ಲಿ ಗೆದ್ದರೆ, ಏಕದಿನ ಸರಣಿಯನ್ನು 1-0ಯಲ್ಲಿ ಲೀಡ್ ಪಡೆದುಕೊಂಡಿದೆ.
