ಲಂಡನ್: 2019ರ ವಿಶ್ವಕಪ್ ಕೊನೆಗೊಳ್ಳಲು ಇನ್ನು ಒಂದು ವಾರವಷ್ಟೇ ಉಳಿದಿದ್ದು, ಕೇವಲ ಮೂರು ಪಂದ್ಯ ಉಳಿದಿದ್ದು, ಕ್ರಿಕೆಟ್ ದಿಗ್ಗಜರಾದ ಸಚಿನ್, ಆಸ್ಟ್ರೇಲಿಯಾದ ಪಾಂಟಿಂಗ್, ಗಿಲ್ಕ್ರಿಸ್ಟ್ರ ವಿಶ್ವದಾಖಲೆಗಳು ಮುರಿದು ಬೀಳಲಿವೆ.
ರೋಹಿತ್- ವಾರ್ನರ್ರಿಂದ ಸಚಿನ್ರ 673 ರನ್ ದಾಖಲೆ ಬ್ರೇಕ್:
ವಿಶ್ವಕಪ್ ಒಂದರಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ಭಾರತದ ಸಚಿನ್ ತೆಂಡೂಲ್ಕರ್ ಅವರ ಹೆಸರಿನಲ್ಲಿದೆ. 2003ರ ವಿಶ್ವಕಪ್ನಲ್ಲಿ ಸಚಿನ್ 673 ರನ್ ಗಳಿಸಿದ್ದರು. ಇದೀಗ ಭಾರತದವರೇ ಆದ ರೋಹಿತ್ ಶರ್ಮಾರಿಂದ ಆ ದಾಖಲೆ ಮುರಿಯಲಿದೆ. ರೋಹಿತ್ 647 ರನ್ ಗಳಿಸಿದ್ದಾರೆ. ಆಸೀಸ್ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ಕೂಡ 638 ರನ್ ಗಳಿಸಿದ್ದು, ಇವರಿಂದಲೂ ಸಹ ಈ ಮಹಾನ್ ದಾಖಲೆ ಬ್ರೇಕ್ ಆಗುವ ಸಾಧ್ಯತೆಯಿದೆ.
ಒಂದೇ ವಿಶ್ವಕಪ್ನಲ್ಲಿ ಗರಿಷ್ಠ ವಿಕೆಟ್ ವಿಶ್ವ ದಾಖಲೆ:
2007 ರ ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾದ ಮೆಕ್ಗ್ರಾತ್ 27 ವಿಕೆಟ್ ಪಡೆದಿರುವುದು ಇಲ್ಲಿಯವರಗೆ ವಿಶ್ವ ದಾಖಲೆಯಾಗಿದೆ. ಈ ದಾಖಲೆ ಅವರ ದೇಶದವರೇ ಆದ ಮಿಚೆಲ್ ಸ್ಟಾರ್ಕ್ರಿಂದ ಬ್ರೇಕ್ ಆಗಲಿದೆ. ಸ್ಟಾರ್ಕ್ ಈಗಾಗಲೆ 9 ಪಂದ್ಯಗಳಿಂದ 26 ವಿಕೆಟ್ ಪಡೆದಿದ್ದಾರೆ. ಇನ್ನ ಸೆಮಿಫೈನಲ್ ಪಂದ್ಯದಲ್ಲಿ 2 ವಿಕೆಟ್ ಪಡೆದರೆ ಈ ವಿಶ್ವದಾಖಲೆ ಸ್ಟಾರ್ಕ್ ಪಾಲಾಗಲಿದೆ.
-
✴️ Most Runs
— ICC (@ICC) July 8, 2019 " class="align-text-top noRightClick twitterSection" data="
✴️ Most Wickets
✴️ Most Catches
✴️ Most Dismissals
The Four Superstars of #CWC19 pic.twitter.com/9G3wo94QuN
">✴️ Most Runs
— ICC (@ICC) July 8, 2019
✴️ Most Wickets
✴️ Most Catches
✴️ Most Dismissals
The Four Superstars of #CWC19 pic.twitter.com/9G3wo94QuN✴️ Most Runs
— ICC (@ICC) July 8, 2019
✴️ Most Wickets
✴️ Most Catches
✴️ Most Dismissals
The Four Superstars of #CWC19 pic.twitter.com/9G3wo94QuN
ರೋಹಿತ್ಗೆ ಬೇಕು ಒಂದು ಶತಕ:
ಈಗಾಗಲೇ ವಿಶ್ವಕಪ್ನಲ್ಲಿ ಭಾರತದ ಆರಂಭಿಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ 5 ಶತಕ ಸಿಡಿಸಿ ಒಂದೇ ವಿಶ್ವಕಪ್ನಲ್ಲಿ ಅಧಿಕ ಶತಕ ಸಿಡಿಸಿದ ವಿಶ್ವದಾಖಲೆ ತಮ್ಮದಾಗಿಸಿಕೊಂಡಿದ್ದಾರೆ. ಇನ್ನು ಒಟ್ಟಾರೆ 6 ಶತಕಗಳೊಂದಿಗೆ ವಿಶ್ವಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ಸೆಂಚುರಿ ಸಿಡಿಸಿರುವ ದಾಖಲೆಯನ್ನು ಸಚಿನ್ರೊಂದಿಗೆ ಹಂಚಿಕೊಂಡಿದ್ದಾರೆ. ಇನ್ನೊಂದು ಶತಕ ಗಳಿಸಿದರೆ ವಿಶ್ವಕಪ್ ಇತಿಹಾಸದಲ್ಲಿ ಅತ್ಯಧಿಕ ಶತಕ ಸಿಡಿಸಿದ ದಾಖಲೆ ರೋಹಿತ್ ಶರ್ಮಾ ಪಾಲಾಗಲಿದೆ.
ಒಂದೇ ವಿಶ್ವಕಪ್ನಲ್ಲಿ ಅತ್ಯಧಿಕ ಕ್ಯಾಚ್:
2003ರ ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾದ ನಾಯಕ ರಿಕಿ ಪಾಂಟಿಂಗ್ 11 ಕ್ಯಾಚ್ ಪಡೆದು ಒಂದೇ ಟೂರ್ನಮೆಂಟ್ನಲ್ಲಿ ಅತ್ಯಧಿಕ ಕ್ಯಾಚ್ ಪಡೆದ ದಾಖಲೆ ಹೊಂದಿದ್ದರು. ಇದೀಗ ಆ ದಾಖಲೆಯನ್ನು 11 ಕ್ಯಾಚ್ ಪಡೆದು ಇಂಗ್ಲೆಂಡ್ನ ಜೋ ರೂಟ್ ಸರಿಗಟ್ಟಿದ್ದಾರೆ. ಸೆಮಿಫೈನಲ್ ಅಥವಾ ಫೈನಲ್(ಒಂದು ವೇಳೆ ಫೈನಲ್ಗೋದರೆ)ನಲ್ಲಿ ಒಂದು ಕ್ಯಾಚ್ ಪಡೆದರೆ ಒಂದೇ ಟೂರ್ನಿಯಲ್ಲಿ ಅತಿ ಹೆಚ್ಚು ಕ್ಯಾಚ್ ಪಡೆದ ವಿಶ್ವದಾಖಲೆ ರೂಟ್ ಪಾಲಾಗಲಿದೆ.
ವಿಕೆಟ್ ಕೀಪಿಂಗ್ನಲ್ಲಿ ಅತಿ ಹೆಚ್ಚು ವಿಕೆಟ್:
2003ರಲ್ಲಿ ಆಸ್ಟ್ರೇಲಿಯಾದ ಆ್ಯಡಂ ಗಿಲ್ಕ್ರಿಸ್ಟ್ 21 ವಿಕೆಟ್ ಪಡೆಯುವ ಮೂಲಕ ಒಂದೇ ಟೂರ್ನಮೆಂಟ್ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ವಿಕೆಟ್ ಕೀಪರ್ ಎನಿಸಿಕೊಂಡಿದ್ದಾರೆ. ಇದೀಗ ಆಸ್ಟ್ರೇಲಿಯದವರೇ ಅದ ಅಲೆಕ್ಸ್ ಕ್ಯಾರಿ 19 ವಿಕೆಟ್ ಪಡೆದಿದ್ದು, ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯದಲ್ಲಿ 3 ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡಿದರೆ ಗಿಲ್ಕ್ರಿಸ್ಟ್ ದಾಖಲೆ ಅಳಿಸಿಹಾಕಲಿದ್ದಾರೆ.
