ಬರ್ಮಿಂಗ್ಹ್ಯಾಮ್: ವಿಶ್ವಕಪ್ನಲ್ಲಿ ಟೀಂ ಇಂಡಿಯಾ ಉಪನಾಯಕ ರೋಹಿತ್ ಶರ್ಮಾ ದಾಖಲೆ ಮೇಲೆ ದಾಖಲೆ ನಿರ್ಮಾಣ ಮಾಡುತ್ತಿದ್ದು, ಇಂದು ಬಾಂಗ್ಲಾ ವಿರುದ್ಧ ನಡೆದ ಪಂದ್ಯದಲ್ಲೂ ಆರಂಭಿಕ ಕೆಎಲ್ ರಾಹುಲ್ ಜೊತೆ ಸೇರಿ ಹೊಸದೊಂದು ರೆಕಾರ್ಡ್ ನಿರ್ಮಿಸಿದ್ದಾರೆ.
ವಿಶ್ವಕಪ್ನಲ್ಲಿ ರೋಹಿತ್ ಶರ್ಮಾ 4ಶತಕ ಸೇರಿದಂತೆ 8 ಪಂದ್ಯಗಳಿಂದ 544 ರನ್ಗಳಿಕೆ ಮಾಡಿದ್ದು, ಟೂರ್ನಿಯಲ್ಲೇ ಓರ್ವ ಬ್ಯಾಟ್ಸ್ಮನ್ನಿಂದ ಮೂಡಿ ಬಂದಿರುವ ಅತಿ ಹೆಚ್ಚು (ಇಲ್ಲಿಯವರೆಗೆ) ರನ್ ಇವಾಗಿವೆ. ಆಸ್ಟ್ರೇಲಿಯಾದ ಡೆವಿಡ್ ವಾರ್ನರ್ 516ರನ್ ಹಾಗೂ ಫಿಂಚ್ 504ರನ್ ಸಿಡಿಸಿದ್ದಾರೆ.
ಇಂದಿನ ಪಂದ್ಯದಲ್ಲಿ ತಮಗೆ ಸಿಕ್ಕ ಜೀವದಾನದ ಅವಕಾಶ ಪಡೆದುಕೊಂಡ ರೋಹಿತ್ ಶರ್ಮಾ ಶತಕ ಸಿಡಿಸಿದರು. ವಿಶ್ವಕಪ್ನಲ್ಲಿ ರೋಹಿತ್ ಶರ್ಮಾರಿಂದ ಮೂಡಿಬಂದ 26ನೇ ಶತಕ ಇದಾಗಿದೆ. ವಿಶ್ವಕಪ್ನಲ್ಲಿ ಟೀಂ ಇಂಡಿಯಾ ಆರಂಭಿಕ ಜೋಡಿ ಕೆಎಲ್-ರೋಹಿತ್ ಶರ್ಮಾ 176ರನ್ಗಳ ಜೊತೆಯಾಟ ನೀಡಿದರು. ವಿಶ್ವಕಪ್ನಲ್ಲಿ ಭಾರತೀಯ ಆಟಗಾರರಿಂದ ಮೂಡಿ ಬಂದಿರುವ ಅತಿ ದೊಡ್ಡ ಜೊತೆಯಾಟ ಕೂಡ ಇದಾಗಿದೆ.
ಈ ಹಿಂದೆ 2015ರಲ್ಲಿ ರೋಹಿತ್-ಧವನ್ ಜೋಡಿ 174ರನ್ಗಳ ಜೊತೆಯಾಟ ಆಡಿದ್ದರು. ಅದಕ್ಕೂ ಮೊದಲು 1996ರಲ್ಲಿ ಜಡೇಜಾ - ತೆಂಡೂಲ್ಕರ್ ಜೋಡಿ 163ರನ್ಗಳ ಜೊತೆಯಾಟ ಹಾಗೂ 2003ರಲ್ಲಿ ತೆಂಡೂಲ್ಕರ್-ಸೆಹ್ವಾಗ್ ಜೋಡಿ 153ರನ್ಗಳ ಜೊತೆಯಾಟ ನೀಡಿದ್ದರು
ಧೋನಿ ಸಿಕ್ಸರ್ ದಾಖಲೆ ಬ್ರೇಕ್
ಇಂದಿನ ಪಂದ್ಯದಲ್ಲಿ ಐದು ಸಿಕ್ಸರ್ ಬಾರಿಸಿರುವ ರೋಹಿತ್ ಶರ್ಮಾ ಧೋನಿ ದಾಖಲೆ ಬ್ರೇಕ್ ಮಾಡಿದ್ದಾರೆ. ತಮ್ಮ 213ನೇ ಪಂದ್ಯದ 207ನೇ ಇನ್ನಿಂಗ್ಸ್‌ನಲ್ಲೇ ಈ ದಾಖಲೆ ಬರೆದಿರುವುದು ಗಮನಾರ್ಹ. ಧೋನಿ ಬಾರಿಸಿದ್ದ 228 ಸಿಕ್ಸರ್ಗಳ ದಾಖಲೆ ಬ್ರೇಕ್ ಮಾಡಿರುವ ರೋಹಿತ್ ಸದ್ಯ 230 ಸಿಕ್ಸ್ ಬಾರಿಸಿದ್ದಾರೆ
ಅತಿ ಹೆಚ್ಚು ಸಿಕ್ಸರ್
- 351 ಶಾಹಿದ್ ಅಫ್ರಿದಿ
- 326 ಕ್ರಿಸ್ ಗೇಲ್
- 270 ಸನತ್ ಜಯಸೂರ್ಯ
- 230 ರೋಹಿತ್ ಶರ್ಮಾ
- 228 ಮಹೇಂದ್ರ ಸಿಂಗ್ ಧೋನಿ
