ದಕ್ಷಿಣ ಆಫ್ರಿಕಾ ವಿರುದ್ದ ಭರ್ಜರಿ ಜಯ: ಭಾರತದ ಮಡಿಲಿಗೆ ಅಂಡರ್​-19 ಚತುಷ್ಕೋನ ಏಕದಿನ ಸರಣಿ

ಅಂಡರ್​-19 ಚತುಷ್ಕೋನ ಏಕದಿನ ಸರಣಿಯ ಫೈನಲ್​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡವನ್ನು ಬಗ್ಗುಬಡಿದ ಟೀಂ ಇಂಡಿಯಾ ಸರಣಿ ಗೆದ್ದುಕೊಂಡಿದೆ.

ಡರ್ಬನ್: ದಕ್ಷಿಣ ಆಫ್ರಿಕಾ ಮತ್ತು ಭಾರತ ನಡುವೆ ನಡೆದ 19 ವರ್ಷದೊಳಗಿನ ಚತುಷ್ಕೋನ ಏಕದಿನ ಕ್ರಿಕೆಟ್‌ ಸರಣಿಯ ಫೈನಲ್​ ಪಂದ್ಯದಲ್ಲಿ ಟೀಂ ಇಂಡಿಯಾ 69 ರನ್​ಗಳ ಜಯ ದಾಖಲಿಸಿದೆ. ಈ ಮೂಲಕ ಸರಣಿಯನ್ನು ಕೈವಶ ಮಾಡಿಕೊಂಡಿದೆ.

ಟೀಂ ಇಂಡಿಯಾ ನೀಡಿದ್ದ 260 ರನ್​ಗಳ ಗುರಿ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ತಂಡ 43.1 ಓವರ್​ಗಳಲ್ಲಿ 190 ರನ್​ಗಳಿಗೆ ಆಲ್​ಔಟ್​ ಆಗುವ ಮೂಲಕ 69 ರನ್​ಗಳಿಂದ ಸೋಲೊಪ್ಪಿಕೊಂಡಿತು. ದಕ್ಷಿಣ ಆಫ್ರಿಕಾ ತಂಡದ ಪರ ಜಾಕ್ ಲೀಸ್ 52, ಜೊನಾಥನ್ ಬರ್ಡ್ 39 ಮತ್ತು ಟಿಯಾನ್ ವ್ಯಾನ್ ವುರೆನ್ 24 ರನ್​​ ಗಳಿಸಿದ್ರೆ, ಟೀಂ ಇಂಡಿಯಾ ಪರ ವರುಣ್ ಅಂಕೋಲೆಕರ್ 4, ರವಿ ಬಿಷ್ನೋಯಿ 2 ವಿಕೆಟ್ ಪಡೆದು ಮಿಂಚಿದ್ರು.

• Congratulations to the India U19 boys who seal a 69-run victory over the SA U19s in the #U19QuadSeries final 🎉🎉
  
  Dhruv Jurel is adjudged the Man of the match for his match-winning 101 💪💪 pic.twitter.com/XGQPkLzqOS

  — BCCI (@BCCI) January 9, 2020 " class="align-text-top noRightClick twitterSection" data="

  Congratulations to the India U19 boys who seal a 69-run victory over the SA U19s in the #U19QuadSeries final 🎉🎉
  
  Dhruv Jurel is adjudged the Man of the match for his match-winning 101 💪💪 pic.twitter.com/XGQPkLzqOS

  — BCCI (@BCCI) January 9, 2020

  ">

  Congratulations to the India U19 boys who seal a 69-run victory over the SA U19s in the #U19QuadSeries final 🎉🎉
  
  Dhruv Jurel is adjudged the Man of the match for his match-winning 101 💪💪 pic.twitter.com/XGQPkLzqOS

  — BCCI (@BCCI) January 9, 2020

ಇದಕ್ಕೂ ಮೊದಲು ಟಾಸ್​ ಸೋತು ಬ್ಯಾಟಿಂಗ್ ನಡೆಸಿದ ಟೀಂ ಇಂಡಿಯಾ ತಂಡ 50 ಓವರ್​ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 259 ರನ್ ಗಳಿಸಿತ್ತು. ಭಾರತ ತಂಡದ ಪರ ಧ್ರುವ್ ಜುರೆಲ್ ಆಕರ್ಷಕ ಶತಕ(101) ಸಿಡಿಸಿದ್ರು. ಇನ್ನುಳಿದಂತೆ ತಿಲಕ್ ವರ್ಮ 70, ಮತ್ತು ಸಿದ್ದೇಶ್ ವೀರ್​ ಅಜೆಯ 48 ರನ್​ ಗಳಿಸಿ ತಂಡದ ಮೊತ್ತ ಹೆಚ್ಚಿದರು. ದಕ್ಷಿಣ ಆಫ್ರಿಕಾ ಪರ ಜೆರಾಲ್ಡ್ ಕೊಟ್ಜೀ 3 ವಿಕೆಟ್ ಪಡೆದ್ರು.

ನ್ಯೂಜಿಲೆಂಡ್, ಜಿಂಬಾಂಬ್ವೆ, ದಕ್ಷಿಣ ಆಫ್ರಿಕಾ ಮತ್ತು ಭಾರತ ತಂಡದ ನಡುವೆ ನಡೆದ ಈ ಸರಣಿಯಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಭಾರತ ತಂಡ ಪ್ರಶಸ್ತಿ ಹಂತದ ಸುತ್ತಿಗೆ ಪ್ರವೇಶ ಪಡೆದಿದ್ದವು.